"တျန်းရှင်း? အရေးကြီးစကား? ဝမ်ဖူပြန်ရောက်တာတောင်မစောင့်နိုင်ပဲပြောရတဲ့စကားကဘာများလဲ?"
"အဲ့ဒါတော့ ဒီအစေခံလည်းသေချာမသိပါဘူး"
ဧကရီလျန်မှာ ထူးဆန်းလှသောသတင်းစကားများ၌ဖြစ်နိုင်ချေများကိုစဥ်းစားနေခဲ့သည်။ရုဝမ်၏စကားများမှာတျန်းရှင်းနန်းဆောင်မှလူ၏စကားနှင့်အတူတူပင်ဖြစ်ပြီးလိမ်ညာနေခြင်းမရှိသည်မို့ သူမကရုဝမ်ကိုဂရုပြုနေခြင်းမရှိတော့ချေ။ တျန်းရှင်းနန်းဆောင်မှသတင်းအရ လီဧကရာဇ်ကတစ်စုံတစ်ခုကိုလျို့ဝှက်လုပ်ဆောင်လျက်ရှိပြီး တျန်းရှင်းမှအဓိကကျသောသူဟုပင်ပြော၍ရသောသူမတို့သူလျှိုပင်အတွင်းသို့ဝင်မရကာမည်သည့်သတင်းမှမသိရသည်ကတစ်ပတ်မျှပင်ရှိသွားချေပြီ။ လီဧကရာဇ်မည်သည်တို့ကိုကြံစည်နေသနည်းဆိုခြင်းကိုတွေးတောစဥ်းစားနေမိသည့်အခိုက်
သူမအဆောင်မှလူဖန့်ကုန်းကုန်းကအပြေးအလွှားရောက်ရှိလာပြီး သူမကိုထိတ်လန့်စွာဖြင့်ပြောကြားလာခဲ့၏။
"ဧကရီမယ်မယ် ပြဿနာတော့တက်ပါပြီ! အထူးရဲမက်တွေက ဒီအဆောင်တစ်ခုလုံးကိုဝိုင်းထားပြီး မယ်မယ့်ကိုဘယ်မှထွက်ခွင့်မပေးဘူးပြောနေပါတယ်။! ဘာအကြောင်းကိစ္စလဲဆိုတာမေးတော့ မယ်မယ်က ကြီးလေးတဲ့အပြစ်ကိုကျူးလွန်ခဲ့တာမို့ပြစ်ဒဏ်ချဖို့ကိုစီစဥ်နေတယ်လို့ပြောပါတယ်!"
"ဘာ!! အခု နင်ဘာတွေအဓိပ္ပါယ်မရှိတာတွေရေရွတ်နေတာလဲ! ဘယ်သူကများ ပန်ကုန်း*ကိုဖမ်းရဲရမှာလဲ!"
"ကျန်းပဲ။ ဧကရီ"
"အရှင်မင်းကြီး!?"
ဧကရီမှာအဆောင်တွင်းသို့တိတ်ဆိတ်စွာဝင်ရောက်လာသောဧကရာဇ်ကိုအလျင်တွေ့လိုက်ရပြီး သူ၏နောက်၌မူ သူမ၏အကြံအစည်နှင့်ဆန့်ကျင်စွာအကောင်းပကတိအတိုင်းပြန်ရောက်လာသော နျဥ်ကွေ့ဖေးကိုတွေ့လိုက်ရပေသည်။
သူမမှာနျဥ်ကွေ့ဖေးထံအံ့အားသင့်စွာကြည့်ရှုမိသည့်နောက် နျဥ်ကွေ့ဖေးမှာ သူမထံအေးစက်စွာဖြင့်ပြန်လည်ကြည့်ရှူလာခဲ့၏။
သူမက မည်သည့်အပြစ်ကြောင့်သူမကိုဤကဲ့သို့ဖမ်းချုပ်ထားရသနည်းဆိုသည်အားမေးမြန်းမည့်အချိန်၌
လီဧကရာဇ်သည်ကားသက်ပြင်းအသာချလျက်သာ အလျင်ပြောကြားလာခဲ့၏။
YOU ARE READING
||Lost Love|| (矢恋 ) (Completed)
Historical FictionWarning:This is not a translation!!! Characters and plot are all mine. It's my Own Creation. ယီကွမ်းသည် ထိုစဥ်က အလွန်ငယ်ရွယ်ခဲ့သည်။ သူသည် မစဥ်းစားပဲ အမြဲတစေ လီတိုင်းပြည်မှ ရန်ချင်းဝမ်ကိုသာ အလိုရှိခဲ့ပြီး တိုင်းပြည်ပျက်သုဥ်းခဲ့ရသည့်တိုင် သူ့ကိုချစ်...
အခန်း-(၅၂)
Start from the beginning
