" မင်း နောက်ကျလိုက်တာ ငါ မင်းကို မှာထားလျက်နဲ့"
" လာရမှာပေါ့၊ သေချာပေါက်ကျွန်တော်က အစ်ကို့အတွက် အကောင်းဆုံးကြင်ရာဖက်ရတော့မှာမို့ လာဂုဏ်ပြုပေးတာ"
ဟန်လင်းညို၏မျက်နှာညှိုးနွမ်းသွားပြီး စက္ကကို စိတ်မကောင်းသလို ငေးကြည့်နေသည်။ မိုးသားနွယ်နှင့် မိဘများကလည်း အနားရောက်လာကြပြီး ဟိုဘက်ဝိုင်း၌ ထိုင်နေသောဒေါ်မမနိုင်ကလည်း ဒေါ်မေခ၏ဘေးကို ရောက်လာသည်။
" သူငယ်ချင်းတို့ တို့မင်းတို့ကို မိတ်ဆက်ပေးရဦးမယ်၊ ဒါ တို့သားကြီးစက္ကမင်းမြတ်တဲ့"
" ဟင် တကယ်လား မေခ"
မိုသားနွယ်အပါအဝင် ဒေါ်မေခ၏သူငယ်ချင်းတွေအားလုံး အံ့သြသွားကြပြီး မျက်နှာမကောင်း ဖြစ်သွားကြသည်။ အထူးသဖြင့် စက္ကက မည်သူမှန်း၊ မည်သည့်အလုပ်လုပ်မှန်း သူတို့သိသည်မို့။ မိုးသားနွယ်သည် ဒေါ်မေခအား ရွံရှာသလို ကြည့်လိုက်ပြီး စိတ်ထဲမှ ကြိတ်လှောင်လိုက်သည်။ ဘယ်လိုသားတွေကို မွေးထားတာလဲ။
အားလုံးငြိမ်သွားကြ၍ ဒေါ်မမနိုင်က ရယ်ချလိုက်ပြီး အခြေအနေကို ဝင်ထိန်းလိုက်သည်။
" မင်းတို့ကလည်း ဘာလို့ငြိမ်နေတာလဲ၊ မေခ သားကို ပြန်ရှာတွေ့တာ ဂုဏ်ပြုပါတယ်"
ထိုအခါမှ အားလုံးကလည်း အားနာပြုံးပြုံးသွားကြသည်။
" ကဲ အဲ့တာဆို မေခ နင် မမနိုင်နဲ့အတူ ထိုင်လိုက်ပါလား"
ဟန်လင်းညို၏အဖေကလည်း ဒေါ်မေခထိုင်ဖို့ ဝိုင်းကို ညွှန်ပေးပေမဲ့ မေခက ဤနေရာမှမသွားဘဲ ဆက်ရပ်နေလျက် အားလုံးကို ပြုံးကြည့်နေလေသည်။ ဟန်လင်းညိုနှင့် မိုးသားနွယ်ကလည်း ဘာဆက်လုပ်ရမှန်းမသိ ဖြစ်နေသည်။
" မေခ ဘာလို့"
" သား လုပ်စရာရှိတာလုပ်"
ထိုအခါ စက္ကသည် ပြုံး၍ ခေါင်းညိတ်ပြလိုက်ပြီး အစ်ကို့လက်အား ဖမ်းဆွဲကာ ခန်းမထဲမှ ဆွဲခေါ်၍ ပြေးထွက်သွားတော့သည်။ အစ်ကို့ခမျာ အနောက်မှ ကြောင်ကြောင်လည်လည်ဖြင့် ယက်ကန်ယက်ကန် ပါလာတော့၏။
YOU ARE READING
မောင့်ခြေဖျားကအထက်တန်းစားဝိုင် (Completed)
RomanceGong - ထက်ဦးခန့် ,စက္ကမင်းမြတ် Shou - နေခမင်းမြတ်, ဟန်လင်းညို Gong - ထက္ဦးခန္႔ ,စကၠမင္းျမတ္ Shou - ေနခမင္းျမတ္, ဟန္လင္းညိဳ
Final
Start from the beginning
