" ပေါက်ကရတွေ..."
" ဟာ...မောင်ကလည်း၊ အခု မောင်နဲ့ ငါ လုပ်ငန်းသဘောဆွေးနွေးနေတာ၊ ငါက အလုပ်ရှင်၊ မောင်က အလုပ်သမားဖြစ်သွားပြီ၊ ကဲ မောင် လက်ခံလား"
" လက်မခံဘူး"
" တကယ်လား"
" အင်း"
" ဟုတ်ပြီလေ၊ မောင် ခဏစောင့်"
ထိုအခါ နေခသည် မောင့်ရှေ့မှ ထထွက်လာလိုက်ပြီး ကိုကြီးစက္ကကို သွားရှာလိုက်၏။
စက္ကသည် ဆိုင်အပြင်မှာ ထိုင်နေတုန်း ဟန်လင်းညို၏ကားဝင်လာတာကို လှမ်းတွေ့လိုက်ရသည်။
" အဟက်...မနေနိုင်ဘဲနဲ့များ"
စက္ကလည်း ဟန်လင်းညိုလာသည့်ဘက်ကို မျက်နှာလွှဲထားလိုက်သည်။ အနားကို လာရပ်သောခြေတစ်စုံကို သတိထားမိပေမဲ့ မသိချင်ယောင်ဆောင်ထားလိုက်သည်။
" စက္က"
ဟန်လင်းညိုသည် သူ့အရှေ့မှာ ဝင်ထိုင်သည်။ ထို့နောက် သူ့မျက်နှာကို စိုက်ကြည့်နေတာ စက္ကသိပေမဲ့ ဆက်လျစ်လျူရှုထားလျက်။
" စက္က ဟိုနေ့က ကိစ္စအတွက် မင်းကို ငါ တောင်းပန်ပါတယ်ကွာ...တကယ်တော့ မင်းလည်း မှားတာပဲမလား၊ မင့်စိတ်ထဲ သူက အဆင်မပြေနေရင်တောင် သူ့ရှေ့မှာတော့ မပြောသင့်ဘူးလေ၊ ငါလည်း မျက်နှာပျက်ခဲ့ရတာပဲ"
" မသိဘူး၊ အဲ့တာ ခင်ဗျားတို့ကိစ္စ၊ သူ့ကိုပဲ သွားတောင်းပန်လိုက်ပါ"
မသိစိတ်က အရွဲ့တိုက်ချင်နေသည်ကလည်း မထိန်းချုပ်နိုင်။
" ဟို...မင်းကလည်းကွာ"
" ကိုကြီးစက္က ဟင် ဒေါက်တာ"
" နေခပါလား"
" အမ်"
ဤအခြေအနေကြောင့် စက္ကလည်း အံ့သြသွားသည်။ ညီလေးနှင့် သည်လူက သိနေတာလား။
" ဒေါက်တာ ဘယ်လိုလုပ် သည်ကို"
" ဟို...သည်လိုပဲ စက္ကဆီ လာတာ"
" ဪ"
" နေခကရော"
" ကျွန်တော်လည်း သူငယ်ချင်းဆီ လာတာ"
" ညီလေးက သူနဲ့သိတာလား"
" ဟုတ် ကိုကြီး၊ ဒေါက်တာက ကျွန်တော်တို့မိသားစုဒေါက်တာလေ"
YOU ARE READING
မောင့်ခြေဖျားကအထက်တန်းစားဝိုင် (Completed)
RomanceGong - ထက်ဦးခန့် ,စက္ကမင်းမြတ် Shou - နေခမင်းမြတ်, ဟန်လင်းညို Gong - ထက္ဦးခန္႔ ,စကၠမင္းျမတ္ Shou - ေနခမင္းျမတ္, ဟန္လင္းညိဳ
Part - 18
Start from the beginning
