" စက္က မိတ်ဆက်ပေးရဦးမယ်၊ သူက မိုးသားနွယ်တဲ့"
" အင်း သူက"
နာမည်သာ မိတ်ဆက်ပေးပြီး ပတ်သက်မှုကို ထပ်ဖြည့်မပြောပြတော့ စက္ကလည်း ထပ်မေးလိုက်သည်။
" ဟို သူက ငါနဲ့"
" နွယ်က ကိုကို့ရဲ့ဇနီးလောင်းပါ၊ တွေ့ရတာ ဝမ်းသာပါတယ် အစ်ကိုစက္က"
" ဟုတ်ကဲ့၊ မိုးသားနွယ်နဲ့ ဆုံရတာတော့ ဝမ်းသာပါတယ်၊ ဒါပေမဲ့ မင်းဘေးက လူနဲ့ ဆုံခွင့်ရတာတော့ ကျွန်တော် ဝမ်းမသာဘူး၊ ကျွန်တော့်ကို ခွင့်ပြုပါဦး"
" ဪ ဟုတ် ဟုတ်ကဲ့"
မိုးသားနွယ်ကို ပြုံးပြပြီး အရှေ့က လူအား မျက်စောင်းထိုး၍ ထိုနေရာမှ လှည့်ထွက်လာခဲ့သည်။
" ကိုကို သူက တစ်မျိုးပဲနော်၊ ကိုကို့ကို အမြင်မကြည်တာလား၊ နွယ့်ကို အမြင်မကြည်တာလား မသိဘူး"
" သူက အဲ့သည့်လိုပဲ၊ အစ်ကို့ကို ဆိုးသွမ်းနေကျ၊ နွယ် စိတ်ထဲမထားနဲ့၊ နွယ်တစ်ယောက်တည်း လာတာလား"
" မဟုတ်ဘူး၊ ဟိုမှာ သူငယ်ချင်းတွေနဲ့"
" ဪ အဲ့တာဆို အစ်ကို သူနဲ့ ပြန်လိုက်တော့မယ်နော်"
" ဟုတ်ကဲ့ ကိုကို"
နွယ့်ကို ပြုံးပြနှုတ်ဆက်ပြီး စက္ကကို ပြန်လိုက်ရှာရပြန်သည်။
" ဟေ့ စက္က"
စက္ကက အတော်လှမ်းလှမ်း ရောက်နေရာကနေ သူ့အသံကြားတော့ ပြန်လှည့်ကြည့်သည်။ အနားကို လျှောက်သွားလိုက်တော့...
" ခင်ဗျား မိုးသားနွယ်နဲ့ လိုက်မသွားဘူးလား"
" ဟင့်အင်း၊ ဘာလို့ လိုက်ရမှာလဲ၊ ငါက မင်းနဲ့ လာတာလေ"
"ဪ အဲ့တာဆိုလည်း ပြန်ကြရအောင်"
" အင်း"
ကားပေါ်ရောက်တော့မှ သူ အမောပြေသည်။ တစ်လျှောက်လုံး အထုပ်တွေ ဆွဲထားရ၍ သူ့လက်မောင်းတွေလည်း ညောင်းနေ၏။ ကားမောင်းနေသော ထိုလူကတော့ ပြုံးပြုံးရွှင်ရွှင်။
" ခင်ဗျားမှာ ရည်းစားရှိလိမ့်မယ်လို့ မထင်ထားဘူး"
" ရည်းစားမဟုတ်ပါဘူး"
YOU ARE READING
မောင့်ခြေဖျားကအထက်တန်းစားဝိုင် (Completed)
RomanceGong - ထက်ဦးခန့် ,စက္ကမင်းမြတ် Shou - နေခမင်းမြတ်, ဟန်လင်းညို Gong - ထက္ဦးခန္႔ ,စကၠမင္းျမတ္ Shou - ေနခမင္းျမတ္, ဟန္လင္းညိဳ
Part - 15
Start from the beginning
