" ဟင်...မောင်၊ ဒါ ဒါ သိုးမွှေးထိုးနေတာမလား"
" အင်း"
မောင့်ကို ဘယ်လိုနားလည်ရမည်လဲ။ မောင်က သည်လိုကြီးလုပ်တတ်လိမ့်မည်ဟု နေခ တစ်ခါလေးမှတောင် မမှန်းဆဖူးပါ။
" အို...မောင်က ဒါမျိုးတွေလည်း လုပ်တတ်တယ်လား၊ တော်လိုက်တာ"
" ဟုတ်တယ် ညီလေးရဲ့၊ ထက်ခန့်က တစ်ခါတစ်ခါ အားနေရင် အဲ့လိုသိုးမွှေးထိုးတတ်တယ်"
ကိုကြီးစက္ကသည် သူ့အရှေ့ကခုံ၌ ဝင်ထိုင်လိုက်ရင်း ပြောလာသည်။
" ညီလေး သည်ကို ထပ်လာလည်တာပေါ့၊ ကဲ...ပြော၊ ညီလေး ဘာစားချင်လဲ"
" အာ...မဟုတ်တာ ကိုကြီး၊ ကျွန်တော်က ထက်ဦးခန့်ကို တွေ့ချင်ရုံသက်သက်လာတာပါ"
နေခပြန်ပြောလိုက်သောစကားကို ကိုကြီးက ပြုံးပြီး ခေါင်းညိတ်သည်။
" ညီလေးက ထက်ခန့်ကို အတော်ခင်တာပဲနော်၊ ကိုကြီးကိုလည်း အဲ့လိုခင်ရင် ကောင်းမယ်"
ထိုစကားကြောင့် သိုးမွှေးထိုးနေသော ထက်ဦးခန့်၏လက်တွေက တုံ့သွားသည်။ နေခလည်း ရှက်ကိုးရှက်ကန်းနှင့် ရယ်ပြလိုက်သည်။
" မဟုတ်ဘူး စက္က၊ နေခက ငါ့ချစ်သူ"
" ဘာ...ဘယ်လို"
အရှေ့က စက္ကသည် သူ့စကားကြောင့် ဝုန်းခနဲ မတ်တတ်ထရပ်လိုက်သည်။ နေခကလည်း မောင် ထိုသို့ တခြားလူကို ပြောပြလိမ့်မည်ဟု မထင်ထား၍ မောင့်ကို တအံ့တသြ ကြည့်လိုက်မိသည်။ မောင်က တခြားလူရှေ့၌ သူတို့နှစ်ယောက်၏ပတ်သက်မှုကို ထုတ်ပြနေသည်မို့ သူ ကျေကျေနပ်နပ်ကြီး ပြုံးမိပြန်သည်။
သို့ပေမဲ့ ကိုကြီးစက္ကက သည်အခြေအနေကြီးကြောင့် ထိုင်နေသောမောင်၏လက်အား ဆွဲလျက် နေခ၏အရှေ့မှ ထွက်သွားသည်။ သို့ဖြစ်၍ ကိုကြီးစက္က၏အပြုအမူကို နေခနားမလည်နိုင်တော့ဘဲ အခန်းထဲ၌သာ ကျန်ရစ်ခဲ့တော့သည်။
/~/
" ဒါတကယ်ပဲလား ထက်ခန့်"
ထက်ဦးခန့်၏အင်္ကျီကော်လံကို ဆွဲပြီး စက္ကက မေးလိုက်သည်မို့ သူ ခဏတော့ တုံ့ဆိုင်းသွားသည်။
YOU ARE READING
မောင့်ခြေဖျားကအထက်တန်းစားဝိုင် (Completed)
RomanceGong - ထက်ဦးခန့် ,စက္ကမင်းမြတ် Shou - နေခမင်းမြတ်, ဟန်လင်းညို Gong - ထက္ဦးခန္႔ ,စကၠမင္းျမတ္ Shou - ေနခမင္းျမတ္, ဟန္လင္းညိဳ
Part - 10
Start from the beginning
