"မိုးချုပ်ရင်လာခေါ်မယ်နော်..
နေ့လယ်ကလို အရမ်းကြည့်ကောင်းနေအောင်
ပြင်မထားနဲ့ ကိုယ်သဝန်တိုတယ်။"
'သိင်္ခ'က 'ကျောက်ခဲ'ကိုအိမ်အဝထိလိုက်ပို့ပေးရင်းပြောလိုက်တယ်။
အစ်ကို့ရဲ့စကားတွေကြောင့် ကျုပ်မှာပီတိဖြာသလိုလိုနဲ့ရင်တွေလဲတဒုတ်ဒုတ်နဲ့ပြန်ခုန်လာရတယ်။
ကျုပ်က လူတစ်ယောက်ရဲ့ စကားချိုချို တွေမှာ
တော်ရုံနဲ့မသာယာတတ်ပေမဲ့ အစ်ကိုဖြစ်နေလို့လား
မသိဘူး ကျုပ်ခမျာ သူစကားပြောရင်ကို
ကြည်နူးနေရတော့တာ။
"ကျုပ်အစ်ကို့စကားကိုနားထောင်ပါ့မယ်ဗျာ။
"လိမ္မာလိုက်တာကွာ ညကျမှဆုချမယ်။
အခုတော့ အထဲကိုဝင်တော့
ကိုယ်လဲပြန်တော့မယ်။"
"အစ်ကိုလဲ ဂရုစိုက်ပြန်ပါ။"
"အင်း..။"
ကျုပ် အစ်ကို့ရဲ့ကျောပြင်လေးပျောက်သွားတဲ့အထိကြည့်နေပြီးတဲ့နောက် ဝိုင်းထဲကိုပြန်ဝင်လာခဲ့လိုက်ပြီးဆီမီးထွန်းဖို့အတွက်မြေခွက်လေးတွေကိုယူဖို့ ဝိုင်းအနောက်ဘက်ကိုလာခဲ့လိုက်တယ်။
ကျုပ်တို့ ရွာမှာသုံးတဲ့ မြေထည်တွေ၊ စဉ့်ထည်တွေဆိုတာကိုယ်တိုင်လုပ်တဲ့မြေထည်တွေဗျ ။
ကျုပ်တို့ငယ်ငယ်တုန်းကဆို ကျုပ်အဖိုးက ကျုပ်ကိုအိုးလုပ်နည်းသင်ပေးခဲ့တာ။
ကျုပ်တို့ရွာလေးရွာရဲ့အပြင်မှာပတ်စီး
နေတဲ့ 'ဓနိချောင်း'အနီးမှာ 'စိန်ပြင်'ကြီးရှိတယ်ဗျ ။
အိုးလုပ်တယ်ဆိုတာကလဲ တွေ့ကရာရွှံ့နဲ့လုပ်လို့
ရတာမဟုတ်ဘူး ၊ အိုးလုပ်တဲ့ရွှံ့ဆိုတာသပ်သပ်ရှိတယ်။အိုးလုပ်တဲ့ ရွှံ့ကရေနဲ့ထိရင်စေးကပ်ပြီး၊ ခြောက်သွားတဲ့အခါ ကျောက်ခဲလိုမာတာဗျ ။
အဲ့ဒီကနေ ရွှံ့တွေသွားတူး၊ ပြီးရင်အဲ့ရွှံ့ကိုကျွင်းတူးပြီးလှောင်ထားရသေးသဗျ။အိုးလုပ်တဲ့အခါမှ လိုသလောက်ထုတ်ယူပြီး အားကောင်းမောင်းသန်လူတစ်ယောက်ကနင်းပေးရတယ်။နင်းပြီးတဲ့ရွှံ့ကိုမှ စက်ပေါ်တင်ပြီးဘုရားအိုး၊ပန်းအိုး၊ ရေအိုး ၊စဉ့်အိုး ၊ ထမင်းအိုး၊ကလေးတွေအတွက်အိုးပုတ်ချိုးရုပ်လေးတွေ စသည်ဖြင့်ပုံစံအမျိုးမျိုးပုံသွင်းယူရတာဗျ ။
ပုံသွင်းပြီးပြီဆိုရင်တော့ဖြင့် အနည်းငယ်ထပ်သွားအောင်ထားရပြီး လက်ရိုက်နဲ့တဘုတ်ဘုတ်ရိုက်ရတာ၊၊'အိုးကောင်းလိုချင် နာနာရိုက်'ဆိုသလိုမျိုးပေါ့။
ပြီးတော့မှ နေလှန်း၊ ကောက်ရိုးတစ်ထပ်၊ ဖွဲတစ်ထပ်နဲ့
တစ်နေကုန်နီးပါးဖုတ်ပြီးရင်တော့ သုံးလို့ရပြီပေါ့ဗျာ။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
အပိုင်း(၃၄)"ရန်ကုန်လိုက်ရန်ခွင့်ပြုပြီ"
Start from the beginning
