ဖာလူဒါ ထည့်ထားတဲ့ဖန်ခွက်ရဲ့
အပြင်ကိုသေချာကြည့်လိုက်
အထဲကိုမွှေကြည့်လိုက်နဲ့ စပ်စုလို့နေတဲ့ 'ကျောက်ခဲ'
ကို 'သိင်္ခ'မှာပြုံးပြီးကြည့်နေရုံအပြင်
ဘာမှမတတ်နိုင်ပေ။'ကျောက်ခဲလေး'တစ်ယောက်
တစ်စုံတစ်ခုကိုစိတ်ဝင်တစားကြည့်နေပြီဆို အလိုအလျောက် တွန့်ချိုးသွားတဲ့
မျက်ခုံးတွေနဲ့၊ စူးစမ်းလိုစိတ်ကြောင့် လင်းလက်နေတဲ့မျက်ဝန်းတွေက သူ့ကိုအတော်လေးစိတ်ကျေနပ်စေတယ်။"အဲ့ဒါဖာလူဒါလို့ခေါ်တယ်လေ။"
"ဖာလူဒါ။"
"အင်း..အဲ့ထဲမှာ ပူတင်းတို့ ကိတ်မုန့်တို့လဲပါတယ်။ကြည့်ပဲကြည့်မနေနဲ့ အရသာကိုမြည်းကြည့်ပါအုံး။"
'သိင်္ခ'ပြောလိုက်တော့ 'ကျောက်ခဲ'က
ပိုက်လေးကနေတစ်ဆင့် ခွက်ထဲက ဖာလူဒါကိုအရသာခံလေတယ်။အနံ့မွှေးမွှေးလေးနဲ့ ချိုအေးနေ
တဲ့အရသာကလေးက သူ့လျှာဖျားထဲမှာပျော်ဝင်သွားပြီးအရောင်စုံအသီးလေးတွေကိုဝါးရတဲ့
အိကျိအိကျိ ခံစားချက်က ပျော်ရွှင်စရာကောင်းလှကာ၊သူ့ရဲ့ငယ်ဘဝကိုတောင်ပြန်အမှတ်ရမိတယ်။"ပူတင်း လေးပါစားကြည့်အုံး"
'သိင်္ခ'ကတော့ မိမိအရှေ့ကဖာလူဒါကိုထိတောင်မထိပါ၊ ထိုင်ခုံကိုမှီပြီး အရှေ့ကလူကိုသာ
တစိုက်မတ်မတ်အညွှန်းပေးလို့နေတယ်။"အင်း ကောင်းတယ်အစ်ကို။"
"ကျောက်ခဲလေး။"
"ခင်ဗျာ..။"
" ဖာလူဒါ သောက်တဲ့အခါ ရိုးရာတစ်ခုရှိတယ်
အဲ့တာကိုသိလား။"သူ တစ်ဖက်လူကို
သေချာစိုက်ကြည့်ရင်းမေးလိုက်တယ်။"အမ်....မသိဘူး
ဘာလဲဟင်။"'သိင်္ခ'ဟာ သူ့ရဲ့အကွက်ထဲကို ထပ်မံကျရောက်
လာတဲ့ ကောင်လေးကြည့်ပြီး ရယ်ချင်လာရတယ်။
တကယ်ပါပဲ တုံးအလိုက်တာများ၊ ပြောသမျှကို
အကုန်ယုံနေတော့တာ။"အဲ့တာက တစ်ဖက်လူက ကိုယ့်ကိုဝယ်တိုက်ရင်
ကျေးဇူးတင်ကြောင်းပြရတဲ့သဘော။"'ကျောက်ခဲ'ကစိတ်ဝင်စားမှုမြင့်တက်နေတဲ့
မျက်လုံးဝိုင်းလေးတွေနဲ့ပြန်မေးလာတယ်။
![](https://img.wattpad.com/cover/280992137-288-k291929.jpg)
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
အပိုင်း(၂၉)"ဖာလူဒါ ရိုးရာ"
Start from the beginning