သူကအခက်အခဲအားလုံးကိုရင်ဆိုင်နိုင်ပေမဲ့
'ဘိုးစည်'နာကျင်နေရမှာကိုတော့ မကြည့်ရက်ခဲ့တာမို့
စည်းကလေးခြားပြီးပဲ အပြန်အလှန်
မြတ်နိုးခဲ့ကြတာ။အဲ့ဒီစည်းလေးက သူတို့နှစ်ယောက်နဲ့အတူအရိုးမြေကျတဲ့အထိ တည်မြဲနေပါလိမ့်မယ်။
"သိပ်မြတ်နိုးပါရဲ့ ဘိုးစည်။"
တိုင်းရင်းဆေးနံ့လေး ခပ်သင်းသင်းရနေတဲ့
'ဘိုးစည်'ရဲ့ကျောပြင်လေးမှာ 'ဦးရွှေမောင်'
သူ့မျက်နှာလေးကိုအပ်ကာဆိုမိတယ်။
"ကျုပ်လဲ 'ကိုရွှေ'လိုပါပဲ။"
"အင်း...ဒီအတိုင်းလေးပဲ ခဏနေရအောင်နော်။"
"အင်း...ခင်ဗျားသဘော။
ဒီထပ်ကြာကြာလေးဖက်ထားပေးပါ 'ကိုရွှေ'
ကျုပ်သဘောကျတာမို့။"
ပြတင်းပေါက်ကြားကတိုးဝင်လာတဲ့ လေစိမ်းတွေဟာ
အေးစက်တာမို့ သူတို့နှစ်ယောက်လုံး
အကြားအလပ်မရှိစေရန် ပိုပြီးပူးကပ်လိုက်ကြတယ်။
လေစိမ်းတွေကအေးစက်ပေမဲ့ ချမ်းလွန်းတဲ့အထိတော့မဟုတ်။ဒါပေမဲ့သူတို့နှစ်ယောက်လုံးဟာ
ထိုလေစိမ်းလေးကိုပဲ အကြောင်းအရင်းပြုလို့မြဲမြံစွာဖက်တွယ်ထားခဲ့ကြတယ်။
ရေနံဆီမီးအိမ်လေးရဲ့ အလင်းရောင်ဖျဖျအောက်မှာ
တစ်ထပ်တည်းကျလို့နေတဲ့ အရိပ်နှစ်ခုက
အနီးဆုံးနဲ့ အဝေးဆုံးသောအခြေအနေနှစ်ခုအား
ကိုယ်စားပြုလျက်ရှိတယ်။
~~~~~~~~~~~~~~~~~~~~~~~~~~~~~~~~~~
ညပိုးကောင်တို့ရဲ့ ကျီကျီကျာကျာ
အော်မြည်သံတို့နဲ့အတူ ညမွှေးပန်းရဲ့ရနံ့တို့က
ရွာလမ်းတစ်လျှောက်မှာထုံသင်းမွှေးပျံ့လို့နေတယ်။
"ရော့... လုံမလေး ထည့်စားချည်"
'ဦးထွန်းဆောင်'က သမီးထွေးလေးဖြစ်သူရဲ့
ပန်းကန်ထဲကိုကြက်သားတုံးလေး ထည့်ပေးရင်း
ပြောလိုက်တယ်။သူတို့ဆီကကြက်က
မြို့ကမွေးမြူရေးအသားတိုးကြက်တွေလိုမဟုတ် အရသာရှိလှတဲ့ တောကြက်၊ဗမာကြက်စစ်စစ်။
ဘာဟင်းချက်ရမလဲမသိတဲ့ 'ဒေါ်သိမ်းကြည်'
တစ်ယောက်ခမျာ ရွာစွန်က ခွေးမဲကြီးဝင်ဆွဲတဲ့ဒဏ်ရာနဲ့ဆုံးသွားတဲ့ အိမ်ကကြက်မကြီးကြောင့်တော်တော်လေးအဆင်ပြေလို့သွားရတယ်။ဗမာကြက်လေးကို ငရုတ်သီးအရှည်တောင့်နဲ့ လုံးထားပြီး အရည်စပ်စပ်လေးချက်ထားတာမို့ စားရတာလည်းခံတွင်းတွေ့ ၊' ဦးထွန်းဆောင် ' ဆို သုံးပန်းကန်
မြောက်ရယ်ပါ။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
အပိုင်း(၂၂)"တူဝရီးနှစ်ယောက်ပြဿနာတက်ကြခြင်း"
Start from the beginning
