"ကိုကြီး ကိုကျုပ်ပြောစရာရှိတယ်
မေးစရာဆိုပိုမှန်လိမ့်မယ်။"
'ဇီးကွက်' ကကျုပ်ကိုခပ်စူးစူးကြည့်ပြီးပြောလာ
တော့အားလုံးကလဲသိချင်စိတ်တွေနဲ့
'ဇီးကွက်'ကိုပဲဝိုင်းကြည့်လိုက်ကြတယ်။
"ဘာမေးမလို့လဲ မေးလေ။"
ကျုပ်လဲ ဘာကိစ္စမှန်းမသိပေမဲ့ တည့်တည့်ပဲ
မေးလိုက်တော့တယ်။ 'ဇီးကွက်' ကိုကြည့်ရတာ
ကျုပ်ကိုတော်တော်စိတ်ဆိုးနေပုံပဲ။
"ကိုကြီး မြို့သွားရင်ဘယ်သူနဲ့သွားမှာလဲ
ကျုပ်ကိုကျဘာလို့မြို့ကိုမလိုက်ခိုင်းတာလဲ။"
"အော်...အဲ့တာက အစ်ကိုနဲ့သွားရမှာထင်တယ်
ဒါပေမဲ့ မင်းကိုမလိုက်ခိုင်းဖို့ ကိုကြီး
မပြောခဲ့တာကတော့ အမှန်ပါကွာ။"
'ဇီးကွက်'ဘာကြောင့်စိတ်ဆိုး
နေလဲဆိုတာ ကျုပ်သိလိုက်ပါပြီ။
သူကြီးကကျုပ်ကိုခေါ်ပြောတဲ့အချိန်မှာပဲ
အစ်ကိုက သူနဲ့အတူသွားဖို့ပြောလိုက်တာမဟုတ်လား။ အမှန်ဆိုကျုပ်လဲ 'ဇီးကွက်'ကိုခေါ်သွားဖို့အတွက် သူကြီးနဲ့အစ်ကို့ကိုခွင့်တောင်းဖို့စဉ်းစား
ထားပြီးသားပါဗျာ။
"အဲ့တော့ ကျုပ်ကိုမခေါ်သွားတော့ဘူးပေါ့
အဲ့တာကို ကိုကြီးကတရားတယ်လို့
ထင်နေတာလား။"
"ဇီးကွက် မင်းဘာတွေပြောနေတာလဲ။"
'ကျောက်ခဲ' ရဲ့မျက်နှာက အတော်ကိုရှုပ်ထွေးနေပြီး
မျက်ခုံးတွေပါတဖြည်းဖြည်းတွန့်ချိုးလာတာမို့
မပြောသင့်တာတွေပြောနေတဲ့'ဇီးကွက်'ကို
'အောင်တိုး'ကဟန့်လိုက်တယ်။
"ဒီလူလုပ်ချင်တာလုပ်နေတာကို
ကိုကြီးက ဘာမှမပြောတော့ဘူးလား...ဘာလဲ
ဒီလူက ချမ်းသာတဲ့မြို့ကြီးသားဖြစ်နေလို့လား!။"
"တော်သင့်ပြီ ဇီးကွက်။"
'ကျောက်ခဲ'က သွားကြားထဲကထွက်တဲ့လေသံနဲ့
'ဇီးကွက်'ကိုပြောလာတယ်။ယခုအချိန်တွင်တော့အမြဲတမ်းနွေးထွေးနေတတ်တဲ့သူ့ရဲ့မျက်နှာဟာ
အေးစက်စပြုနေပြီဖြစ်ပြီး၊ အသက်ကိုခပ်ပြင်းပြင်းရှူနေတာမို့သူ့ဒေါသတွေကို ဘယ်လောက်အထိထိန်းချုပ်နေရသလဲဆိုတာကို အားလုံးကထင်ရှားစွာမြင်နေရတယ်။
STAI LEGGENDO
"Dear Kyauk Khal"(Complete)
Storie d'amore၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
အပိုင်း(၂၀)"ဇီးကွက်၏ဒေါသများပေါက်ကွဲထွက်လာခြင်း"
Comincia dall'inizio
