ဝေကျွမ်းရွှယ်ကျား (ဘာသာပြန်)

အခန်း(၆၆)

伪装学渣
Wei Zhuang Xue Zha

UNICODE

ငါ့ကိုမချစ်နဲ့ အကျိုးမရှိဘူး

Mail ခေါင်းစဉ် - တက္ကသိုလ်ဝင်စာမေးပွဲကို တက်ကြွစွာရင်ဆိုင်ပြီး ရမှတ်နည်းမှုကိုပထုတ်ပစ်ပါ။

ဟယ့်ကျောင်းသည် ဘောပင်ကိုချလိုက်ပြီး ပေးပို့သူအားတစ်ချက်လှမ်းကြည့်လိုက်ပါ၏ ၊ မရင်းနှီးပါသည့် levelနိမ့်နိမ့်ဖြင့်ယခုမှအသစ်ဖွင့်ထားသည့် QQ mailတစ်ခုဖြစ်နေပြီး friendလည်းဟုတ်မနေပါချေ။

သူပထမဆုံးထင်လိုက်မိသည်မှာတော့ spamကြော်ငြာတစ်ခုပဲဖြစ်မည်ဟု။

ကျောင်းစဖွင့်သည့်ရက်က အုပ်ထိန်းသူဖုန်းနံပါတ်နေရာ၌ မိမိဖုန်းနံပါတ်ကိုသာချန်ထားခဲ့တာဖြစ်သည်။

ထိုသင်တန်းများမှာဆို ကျောင်းသားတွေ၏အချက်အလက်အား ဘယ်ကများရလာကြသည်မသိပါ။ (၃)ရက် (၅)ရက်ခြားတစ်ခါလောက်ကို အနှောက်အယှက်မက်ဆေ့ချ်တွေလက်ခံရရှိတတ်ပြီး စာမေးပွဲအသေးစားပဲဖြစ်ဖြစ် စာမေးပွဲကြီးတွေဖြစ်ဖြစ်ရှိချိန်တိုင်း ထိုကြော်ငြာတွေကပိုလို့ဆိုးလာတတ်သည် - ကျောင်းသားဟယ့်ကျောင်းရဲ့ အုပ်ထိန်းသူမင်္ဂလာပါ ၊ ကျွန်ုပ်တို့က တက္ကသိုလ်ဝင်စာမေးပွဲအတွက်ကြိုတင်လေ့ကျင့်ပြင်ဆင်ပေးတဲ့ xxx သင်တန်းကပါ ၊ သင့်ကလေးရဲ့ ကျောင်းကပညာရေးအဆင့်တွေအကုန်ကို ကျွန်ုပ်တို့နားလည်သိရှိထားပြီးဖြစ်ပါတယ် ၊ ကျွန်ုပ်တို့ရဲ့ ရက်(၈၀)နဲ့တိုးတက်လာစေမယ့်campတစ်ခုကို စိတ်ရင်းနဲ့မိတ်ဆက်ပေးပါရစေ ၊ ကျွမ်းကျင်ပိုင်နိုင်တဲ့ဆရာ/မတွေက တစ်ယောက်ချင်းစီအလိုက်သင်ကြားပြသပေးသွားမှာပါ. . . . . .

အမှတ်(၂)ကျောင်းပေါက်ဝ၌လည်း အမြဲလိုလိုအမျိုးမျိုးသောသင်တန်းတွေမှလာပြီး လက်ကမ်းကြော်ငြာစာလေးတွေဝေတတ်သည်။ သုံရက်ငါးရက်ခြားတစ်ခါလောက်လည်း လူကိုဆွဲခေါ်ပြီး surveyကောက်ဖြေခိုင်းတာမျိုးရှိပေသည်။

အရင်သူနှင့်ရှဲ့ယွီတို့ အပြင်ထွက်ထမင်းစားတုန်းကဆို တစ်ခါကြုံဖူး၏။

လူအနည်းငယ်မှာ ဖောင်ကိုကိုင်ထားကြလျက် အပေါက်ဝ၌စောင့်မျှော်ကာ ထမင်းဆိုင်ထဲမှလူထွက်လာသည်ကိုမြင်တာနှင့် ချဉ်းကပ်ရောက်ရှိလာကြတော့သည်။