Chapter :42 (လုယူခြင်း)
၎င်းတို့မှာ အရွယ်အစားတူ အိတ်နှစ်ခုဖြစ်သည်။
ရှဲ့ချောင် လက်ဆောင်များ ပေးပြီး သည်နှင့် ဖေဝမ်ယွဲ့မှာ သူမ လက်ဗလာနှင့် ရောက်လာခဲ့ကြောင်းကို ပြန်သတိရ သွားသည်။ ထို့ကြောင့် သူမ အနည်းငယ် ထိတ်လန့် သွား၏။ သူမ ချက်ချင်း စဉ်းစား လိုက်ကာသူမခန္ဓာကိုယ် ပေါ်ရှိ အသုံးအဆောင် နှစ်ခုကို ဖြုတ်လိုက်သည်။
မိန်းကလေး ဖြစ်သည့် သူမ အတွက်တော့အသုံးဆောင်များ ပေးခြင်းသည် အကောင်းဆုံးပင် ဖြစ်သည်။
သို့သော် ရှဲ့ရှီအား ထိုအသုံးအဆောင်များ ပေးခြင်းသည် အဓိပ္ပာယ်ရှိ သော်လည်း ရှဲ့ဖင်းဟွိုက်ကို ပေးခြင်း ကတော့ အနည်းငယ် ထူးဆန်း နေသည်။
ဖေဝမ်ယွဲ့မှာ ဟိုလိုလုပ်ရင် ကောင်းမလား၊ ဒီလိုလုပ်ရင် ကောင်းမလား နှင့် မသေမချာ ဖြစ်နေသဖြင့် ထိုနေရာတွင်သာ ရပ်နေမိသည်။
“ဟွိုက်အာက ယောက်ျားလေးမို့ ဒါတွေကိုသဘောမကျ လောက်ဘူး။ ဒုတိယအစ်မက နောက်တစ်ကြိမ်ကျ လက်ဆောင်ပေးမှာ ဟုတ်ပြီလား။" သခင်မလုက သူ့သမီး ကိုယ်စား ပြောပေးသည်။
ရှဲ့ဖင်းဟွိုက်သည် ရိုးရိုးသားသား ခေါင်းညိတ် လိုက်ပြီး ရှဲ့ချောင် ပေးသောလက်ဆောင်ကို ကြည့်လိုက်သည်။
ကြည့်လေ နားမလည် နိုင်လေ ဖြစ်ကာ စိတ်ရှုပ် နေပုံရသည်။
"အဲမမက ဘာပေး တာလဲ။" ဖေဝမ်ယွဲ့က မေးသည်။
ရှဲ့ဖင်းဟွိုက်သည် တစ်ခါတည်း ထုတ်ယူလိုက်ပြီး လူတိုင်းကို ပြလိုက်သည်။
ရှဲ့ဖင်းကန်းသည် ထိုအရာကို မြင်သောအခါ လုယူ လိုက်သည်။ "ဒါက ကျောက်စိမ်းသင်္ဘော သေးသေးလေး လား? လက်ရာက ကောင်းလိုက်တာ... ခဏလေး..”
သူ၏ခေါင်းပေါ် တင်ထားတော့ မတတ်ပင် အနီးကပ် ကြည့်နေ၏။ ထို့နောက် မျက်နှာ အမူအရာသည် အမျိုးမျိုး ပြောင်းလဲ သွားပြီး ထိုအရာအား သူ့ရင်ခွင် ထဲတွင် တင်းကြပ်စွာ ဆွဲထည့် ထားတော့သည်။
"အကြီးဆုံး အကို?" ရှဲ့ဖင်းဟွိုက်မှာ အံ့ဩနေပုံ ရသည်။
ဘာများလဲ၊ ဒီဟာက ကျောက်စိမ်း သက်သက်ပဲ မဟုတ်ဘူးလား? အကြီးဆုံး အကိုက ဒါကိုပါ လုယူ ချင်နေ တာလား?
YOU ARE READING
ကြင်ယာတော်မင်းသမီးကံဆိုးပြန်ပြီ
RomanceAlternative names:太子妃她命中带煞 Author: Celestial River God Genre: Historical, Psychological, Romance Status: Completed