To be a Heartthrob in a Horror Movie(Myanmar Translation)

Chapter 88

Chapter 88: အဖြူရောင်ပုံရိပ်

ရိုးရိုးသားသားပြောရရင် အသံမှာအလွန်ထူးဆန်းသည်။ ဆူပွတ်နေတဲ့ရေပူဖောင်းထသည့်အသံနှင့် ဆင်တူသည်။

ထိုအခန်းထဲဘာဖြစ်နေမှန်း စုမင်မသိပေ။

မနေ့က အခန်းထဲက တစ်ယောက်ယောက် ပျောက်သွားပေမယ့် အဲဒီအဖြစ်အပျက်ကို လူတော်တော်များများ မမှတ်မိတော့ဘူး။ နောက်ပိုင်း ဒီလိုအဖြစ်မျိုးတွေ မကြာခဏဆိုသလို ဒီအကျဉ်းထောင်မှာ ဖြစ်ပျက်ခဲ့ပြီး တစ်ခုတည်းသော ထူးခြားတာက ဖြစ်ပျက်ပုံပင်။

ပိုအရေးကြီးတာက သူအခန်းထဲမှာရှိစဉ်မှာ ဖြစ်သွားသည်ပင်။အခန်းတိုင်းသည် တူညီသောဖွဲ့စည်းပုံဖြစ်သောကြောင့် ၎င်းကိုယုံကြည်လိုသော အကျဉ်းသား အလွန်နည်းပါးသည်။

ဘာကြောင့်လဲဆိုတော့ ဒါက သူတို့ကိုယ်တိုင် အချိန်မရွေး သူတို့အခန်းထဲကနေ ပျောက်ကွယ်သွားနိုင်တယ်ဆိုတဲ့အချက်ကို သက်သေပြနိုင်လို့ပဲ။

သူတို့က အကျဉ်းသားတွေဖြစ်သည်။ သူတို့ထောင်သက်တမ်းမတိုင်ခင်ထိ သူတို့အခန်းထဲမှာ နေ့တိုင်းနေရတယ်။ ထိုအချက်ကို သူတို့လက်ခံပြီးသည်နှင့် နေ့စဉ်နှင့်အမျှ အကြောက်တရားဖြင့် ရှင်သန်နေထိုင်ရမည်ဟု ဆိုလိုရင်း သဘာဝအတိုင်း လျစ်လျူရှုရန် ဆုံးဖြတ်ခဲ့ကြသည်။

သူတို့ကိုသူတို့လိမ်ညာနေတယ်လို့လည်း ပြောနိုင်သည်။

ဖုန်းရှုကျွမ့် ဆူညံသံကိုသေချာဂရုတစိုက်နားထောင်ပြီး ပြောလာတယ် .."အသံကအနောက်ကလာတယ်လို့ ငါထင်တယ် ... ဒီနားက တစ်နေရာမှာ"

သူ့အခန်းထဲက တူညီတဲ့တည်နေရာကို ညွှန်ပြလိုက်တယ်။

စုမင်ကြည့်လိုက်တော့ တည်နေရာက ရေချိုးခန်းဖြစ်နေ၏။ ဘာလို့ဆို အိပ်ယာနဲ့စားပွဲက အခန်းလယ်မှာဖြစ်ကာ အရှေ့မှာတံခါးရှိပြ သဘာဝကျကျအနောက်တွင် ရေချိုးခန်းသာရှိတော့သည်။

ဤအခန်းတိုင်းသည် တူညီသောဖွဲ့စည်းပုံရှိသောကြောင့် ၎င်းတို့နှင့်မျက်စောင်းထိုးအခန်းအတွက် တူညီမည်ဖြစ်သည်။