Love Will Find A Way

Chapter 29 [Part 4] - Firsts

[Laureen’s POV]

 

 

Sabado.

Madami ding nakasuot ng gaya ko.

Pang-jogging.

Andito ako para mag-jog. Sa Wednesday na ang laban naming dalawa ni Jake sa Bacolod. Doon na gaganapin ang regional competition ng badminton. Bukas na ang last practice namin sa school. Kelangang maging fit ako.

Kasama ko sina Charm at Aaron, pero pinauna ko na silang dalawa na tumakbo. Naka-couple attire ang dalawang yun at ayokong maging third wheel sa kanila.

Wala pa si Jake, male-late daw sya dahil tinutulungan nya pa daw si Kara na i-tono ang gitara nito.

Si Billy, susunod na lang din daw. Susubukang sumunod. Inaasikaso nya ang mga requirements nya para sa passport renewal nya. After graduation, pupunta na sya ng ibang bansa at doon mag-aaral ulit. Pinapasunod sya ng ate nya. Nalungkot ako nung sinabi ni Billy yon sa akin. Alam kong nalungkot din sya. Pero para sa kanya din naman yun.

At mas makakabuti yun para sa aming dalawa. Sana.

At sana mahanap na nya ang para sa kanya.

Mas ok na mawala ang pride mo para sa taong mahal mo, kesa mawala ang taong mahal mo dahil sa pride mo.

 

Kara….

Tinamaan ako don. Tama naman sya. Kaso minsan ang daling sabihin pero ang hirap gawin. Pero sabagay kung mas higit ang pagmamahal, madali lang ang lahat ng bagay. Kaya nga nauso ang Love conquers all.

Hingang malalim Laureen.

Gusto kitang kausapin Luigi pero ano bang sasabihin ko?

OK. Ano nga bang sasabihin ko?

Practice….