+++++
Job
+++++
"Ms. dito!"
"50,000 be with me tonight!"
"One tequila!"
"Waiter!"
Kahit saan ka magpunta, kahit saan ka huminto; nakakabinging musika ang maririnig mo. Ang mga tao ay busy sa pag-iinuman at ang iba naman ay pasimpleng nagmamasid sa isang tabi. Hindi ko lubos maisip na kaya ko palang magtrabaho sa ganitong lugar. Napakaingay at higit sa lahat maraming manyak!
I sighed. Kung hindi ko lang kailangan ng pera, siguro, wala ako dito ngayon kasi nakakapagod ang ganitong trabaho. Nakakapagod kasi iikutin mo ang kasulok-sulukan ng club na ito at higit sa lahat nakakapagod makipaghalubilo sa mga taong makikitid ang utak at bastos.
Karamihan sa kanila, iniisip na isa akong maduming babae. Natatawa na lamang ako sa pagiging judgemental nila. Dahil hindi naman lahat nang nagtatrabaho sa club ay isa ng pokpok. Marahil sa iba ay ganoon nga pero sana huwag lahatin ng mga tao. We are judged by the people who doesn't really know us. Hindi porket nakasuot ng maiksing damit at nakikipagtable ay marumi na. Malay mo isa palang waitress na kagaya ko!
I shook my head. Sana lahat ng tao ay maisip iyon.
"Zizi out na po ako, anong oras na rin po kasi at saka may pasok pa ako bukas," sabi ko sa boss ko na ngayo'y busy sa paninigarilyo. She's always like that. Hinihigop ang yosi na parang isang masarap na sabaw.
Cigarettes is dangerous to our health. Hindi ba alam ni Zizi iyon? O wala man lang bang may nagsabi sa kanya no'n?
"Umm...wait last na to. Puntahan mo muna 'yong isang customer doon sa isang gilid. Makipagtable ka muna sa kanya, malaki-laki rin ang ibabayad niya sa'kin kapag nagkataon. Fifty thousand sayang din iyon!"
Nanlaki ang mata ko sa sinabi niya. Hindi nga? Fifty thousand? Malaki-laki rin iyon kumpara sa kinikita ko gabi-gabi sa bar na ito!
"Hindi nga Zizi? Ang laki ah?" komento ko.
"Oo, kaya ano? Payag ka?"
Dahil sa malaki ang offer niya, syempre tumango ako. Sayang din naman kasi iyon kung tutuusin. Fifty thousand 'yon, sino ba namang hihindi? To think of na makikipagtable ka lang naman tapos makikipag-usap, then wala na. Iyon lang, tapos na.
Nagbihis ako bago pumunta sa kinaroroonan niya. A golden fitted dress. Kahit na sa malayo ay kitang-kita na ang kintab ng suot ko lalo pa at sobrang dilim. Maiksi at labas ang kaluluwa pero nasanay narin akong suotin ito tutal hanggang tingin lang naman sila at hinding-hindi nila ito mahahawakan o matitikman diba?
Habang papalapit sa kinaroroonan ng ititable ko ay naaaninag ko na 'yong makinis nitong mukha. Malayo palang alam ko ng gwapo ito. Pero ewan ko ba parang may something sa kanya na hindi ko alam. This gut feeling of mine. Basta may pakiramdam akong may mali sa lalaking ito. Hindi kaya—napailing ako. Imbes na pansinin iyon ay kinuha ko na lamang ang buong atensiyon nito nang sagano'y mapatingin siya sa'kin.
"Hi Sir, I'm Sunny. Ako nga pala 'yong makakatable mo," sabi ko habang full force ang ngiti.
Umupo ako sa tabi niya at tiningnan siya ng maigi. From his head down to his chest. Hmm. I really smell something fishy huh? My instinct was telling me that there's something wrong with this guy.
"Go out with me," seryosong saad niya sabay tungga ng iniinom.
Winagayway ko sa harapan nito 'yong dalawang kamay ko, nagpapahiwatig na ayaw ko.
"Ah sir, pasensiya na po hindi po ako pweding lumaba--"
He shut my mouth using his index finger. Nanlamig ako.
"No excuses. Wala akong gagawin, makikipag-usap lang."
Umiling parin ako. Ayoko. Kahit na gwapo siya ay hindi ako sasama sa kanya. At saka makikipag-usap ba kamo? Bakit hindi nalang dito? Bakit kailangan pang lumabas ng bar na ito? Pwedi namang dito nalang ah? Ano bang meron sa labas na wala dito sa loob? Tao? Para ano, kunin ang dignidad ko?
"Pasensya na po Sir pero—"
"No. You come with me," he said with finality.
I calmed myself. I breathe in and out. Take note Sunny. Malaki ang ibinayad ng lalaking iyan sa iyo. Kaya sa ayaw at sa gusto mo, sasama ka sa kanya kasi malilintikan ka kay Zizi. Ayaw mo naman sigurong mapagalitan diba? Ayaw mo naman sigurong maging bato ang pera? Pero anak lang ng tipaklong. Paano kung may gawin siyang masama sa'kin? Anong gagawin ko? Sisigaw? As if naman na makakasigaw ako? Magwawala? Paano kung suntukin niya ako? Ah basta! Hindi ako sasama sa kanya!
Taas noo ko siyang hinarap kahit na medyo nakakatakot na ang tingin niya. Aba, huwag niya akong sindakin sa mga titig niya dahil baka tusukin ko lang ito!
"Sir, kung gusto niyo iba nalang ang sumama sa inyo. I am not available. I am not yet ready to give you what you want. I can't satisfy you---"
"What the fuck are you talking about? Ayoko sa iba, I want you!" matigas na pagkakasabi nito sabay higit sa'kin patayo at kinaladkad palabas ng club na ito. Napamura ako ng ilang beses sa isip ko.
"Bitawan niyo ko Sir! Ano ba Sir!"
I am trying so hard to get their attention but hell, wala silang paki kahit na marape man ako sa harapan nila. They have their own fucking business!
"Tumahimik ka nga!"
"Bitawan niyo kasi ako Sir! Hindi ako pwedi mag ano-- 'yong ano, sir bitawan niyo ko!" sigaw ko pero parang wala lang siyang narinig.
Paano ba iyan Sunny? Isusuko mo na ba? Ano?
"Hindi! Hindi ko isusuko Sir! Bitawan niyo na'ko!"
Mapapaos na ako sa kasisigaw dito pero hindi niya pa rin binibitawan iyong kamay ko. Think Sunny, think. You need to get out of this shit.
"Pasok!" sabi niya sabay turo sa kanyang sasakyan na tingin ko ay mamahalin! Gayunpaman, hindi ako magpapasindak sa kanya kahit na naglalaway akong sumakay sa sasakyan niya.
"Sir, ayaw ko!" I shouted.
Tumayo lang ako dito sa labas at hinayaan siyang tingnan ako ng masama. Bahala siya sa buhay niya. Wala akong pakealam kung maglaway man itong bibig ko basta ang importante sa'kin ay safe ako. Mahirap na baka kung ano pa ang gawin niya sa'kin.
"Kailangan ko lang ng makakausap."
No Sunny! Huwag kang maniwala sa kanya. Baka paawa effect niya lang 'yan. Baka nga modus niya lang ito para marape ako! Kahit na gwapo siya ay hinding-hindi ko siya papatulan. Mahal ko ang puri ko.
"No Sir. Humanap nalang po kayo ng iba. Pasensya na," sabi ko sabay talikod at lumakad nang mabilis. Pero kahit na iyon na ang ginawa ko ay naabutan niya parin ako. Nakakainis lang talaga!
"Sir ano ba! Sisigaw na'ko ng rape dito!"
"Shut up!"
"Aray!" Tinulak niya ako papasok ng kanyang sasakyan at parang gusto kong maiyak. Ang sama niya!
Mukhang ito na yata ang katapusan mo Sunny.
"There...," he said.
"Sir palabasin n'yo na po ako dito. Wala kayong mapapala sa'kin. Promise! Mabaho po ako, balahura, maingay--"
"Shut up or else I'll kill you!" pasigaw na sabi nito.
Natahimik ako at napanguso. Bakit gano'n? Bakit sa ibang lalaki kiss ang gusto? Bakit sa lalaking ito mas gusto akong patayin para patahimikin?
***
Masyado tahimik sa lugar na pinuntahan namin at tanging tunog lang ng mga insekto ang maririnig mo. Ang malamig na pag-ihip ng hangin na ngayo'y dumadampi sa balat ko. Napatingin ako sa kalangitan, madilim na at maraming bituin kang makikita. Kahit nakaupo parin dito sa loob ng sasakyan ay kita ko parin ang mga fireflies na nagliliparan. Ang ganda at nakakamangha. Gusto ko man silang lapitan pero hindi ko magawa dahil baka magalit ang taong nasa tabi ko ngayon at walang pagdadalawang isip na patayin ako.
"Baba na."
Napasinghap ako ng magsalita siya. At sa sobrang gulat ay napahawak ako sa aking dibdib.
"Tsk."
Padabog akong bumaba ng kanyang sasakyan at isinandal ang katawan sa pinto ng kotse niya habang naka-ekis ang dalawang braso. Ngumuso ako.
Ano ba talaga ang gagawin namin dito? Akala ko ba kailangan niya ng makakausap? Eh bakit hindi naman siya nagsasalita?
"Here!"
Napalingon ako sa kanya at kasabay no'n ang paghagis niya ng beer in can. Napamura ako dahil sa ginawa niya. Talaga lang huh? Kailangan ihagis talaga?! Paano kung natamaan ang mukha ko?!
Napairap ako ng umakyat ito sa itaas ng kotse niya at ako naman ay nakatingin lang sa kanya. Binuksan ko ang beer na bigay niya at tinungga iyon. Tingin ko, kailangan ko ding uminom.
"Akyat ka dito."
Nagbingi-bingihan ako at nagkunwaring busy sa panonood ng mga fireflies. Bahala siya diyan!
"Hoy, Akyat kana!"
Nagkibit balikat ako at hindi parin siya pinapansin.
"Tsk."
Naramdaman kong bumaba siya tapos pumunta sa kinaroroonan ko. Nagtaka ako at umatras. Don't tell me.
"Binge ka ba? Bakit hindi ka nagsasalita?" tanong niya nang may bahid ng pagkairita.
Inirapan ko ito.
"Ewan ko sa'yo!" sigaw ko.
Nakita kong tumawa ito at uminom. Ilang segundo akong natulala sa kanya.
"Stop staring at me. Hindi tayo talo!"
Teka—ano? Tumaas ang kilay nito kaya doon ko nakumpirma ang mga nasa isip ko. Dinuro ko siya pero tinabig niya ang kamay ko.
"Tumigil ka, masasabunutan kita!" he roared.
Hindi ko mapigilang matawa. The way he speaks, the way he moves. I can't believe this.
He's gay?
Napailing ako sa iniisip ko. Hindi pweding maging bakla siya, sayang ang lahi niya Lord.
"Bakla k-ka ba?"
"What?" mataray na saad nito.
Confirmed! He's gay! He really is!
"Bakla ka," I stated the fact.
He averted his gaze while biting his lower lip, confirming what I've just said.
"I knew it! Bakla ka talaga!"
Tiningnan niya ako ng masama dahil inulit ko pa. Ngumite nalang ako.
"Kasalanan bang maging bakla?" tanong nito na mukhang ito yata ang pinakalala niyang problema.
"Hindi—."
"Matatanggap kaya ako ng asawa ko kapag nalaman niya?"
"ANO? MAY ASAWA KA?!"
Unbelievable!
"Kasasabi ko nga lang diba?" masungit na sabi nito. Napangiwi ako.
"Sabi ko nga. Eh bakit ka nagpakasal, ano-ano nga bang pangalan mo?"
Now, I am damn curious about his life. How did he get in—in that kind of situation? Bakla siya diba? Bakit siya nag-asawa?
"Reggie Navarro," sabi niya kaya tumango ako.
"Okay Reggie. Bakit ka nagpakasal kung bakla ka pala? Ano 'yon, huli mo na narealise na juging ka pala?" I bluffed.
He shrugged.
"Fixed marriage." Napaawang ang bibig ko.
"Wow! Nag eexist pa pala iyon?" hindi makapaniwalang sabi ko.
Kaya pala.
Now, I realized something. Hindi ko mapigilang matawa sa naiisip ko. Kiss vs kill. Now I understand.
"Bakit ka tumatawa?" nagtatakang tanong nito.
Sinong hindi matatawa aber? Kaya pala kill ang sinabi niya kanina at hindi kiss kasi bakla pala siya. Napaisip pa ako doon kanina kasi akala ko may favoritism nang nagaganap iyon pala, wala, dahil hindi naman kami talo na dalawa! Lalaki ang hanap ko at ganoon din siya. Peste! Iyon pala ang something na napapansin ko kanina pa. Kaya pala may kakaiba sa mga tingin niya and the way he act, there's something wrong talaga.
"Nothing. Huwag mo 'kong pansinin."
Sa akin nalang iyon kasi baka ano pa ang gawin niya kapag sinabi ko sa kanya. He just rolled his eyes to me and I just laughed at him. Bakla talaga siya.
Ilang minuto din ang katahimikan ng maramdaman kong may ipinatong siyang coat sa likod ko. Napapantastikuhang tiningnan ko siya.
"What?" he asked.
I just smiled to him as my response at inayos ang coat na nilagay niya sa likod ko. Hindi ko aakalain na may pagka-gentleman din pala ang baklang ito. Akalain mo 'yon. Kung wala lang siguro itong asawa ay crush ko na'to panigurado. Pero syempre joke lang 'yon dahil hindi ako pumapatol sa bakla.
"Babae, huwag ka nang magtrabaho doon sa club, sa akin nalang."
Nanlaki 'yong mata kong napatingin sa kanya at agad na tinakpan ang sarili, sa may bandang dibdib mismo.
"N-no."
Nasapo ko ang aking noo ng makatanggap ako nang pitik galing sa kan'ya. Napasimangot ako.
"H'wag kang green. Hinding-hindi kita papatulan."
Inungusan ko siya.
"Malay ko ba? Ayusin mo kasi ang pagkakasabi mo. Remember sa club ako nagtatrabaho hindi sa office," I said while using my sarcastic tone.
"Whatever. So ano? Payag ka ba?" he asked.
"Aba syempre!" masiglang sabi ko.
Tatanggi pa ba ako? Grasya na'yon.
***
Hinatid ako ni Reggie sa club kaya laking pasasalamat ko sa kanya. Somehow, hindi mali ang desisyon kong sumama sa kanya. Una, makakaalis na ako sa trabahong ito at pangalawa ay may maayos na akong pagkakakitaan. Iyon nga lang hindi ko pa alam kung ano ang trabaho ko kay Reggie. But I trust him. Siguro ay mabait naman itong tao at hindi masama ang hangarin sa akin. Wala naman siyang makukuha sa akin maliban sa virginity ko.
"Sunny!"
"Zizi!"
Malapad ang ngiti kong papalapit kay Zizi. Pagkadating ko sa harapan niya ay agad niyang ibinigay sa akin ang perang kanina ko pa inaasam. Twenty thousand pesos! Hindi na masama ito.
"Salamat Zizi!"
"Walang problema. Sige na, pwedi ka nang umuwi."
I thanked her for the second time before I turned my back to her. Kinuha ko ang mga gamit sa locker at nagbihis narin ng desenting damit. Uuwi nalang rin naman ako.
"Gosh, they're back," rinig kong sabi ng isang kasamahan ko dito sa club na si Lina. Maganda, sexy at maputi kaso iyon nga lang feelingera at trying hard mag english.
"My crush is back! Oh my gosh!"
Napairap ako sa kawalan.
"Talaga Lina? Saan?" tanong ni Haz sa kaibigan nito.
"Ayon oh!"
Sinundan ko ng tingin ang itinuro niya dahil sa sobrang curious. And at this moment, I was mesmerised by a man who was busy talking with someone. Pero ang mukha nito ay kitang-kita sa gawi namin. He gracefully tilted his head as he averted his gaze to our side. Natulala ako.
"SUNNY!"
"AY SHIT GWAPO!"
.
.
.
ladymania
VOMMENT