Third Person POV
Dalawang araw na ang nakalipas simula ng mangyari ang ginawang pagtakas ng magkapatid na sina Yna at Jessi. Natutulog pa din si Yna hanggang ngayon.
Mas lalo namang nag-ensayo ang AOF, Katie, Mia at Jessi, Pati narin ang students ng Empyrean.
At kung akala nyo ay ang Empyrean lang ang nag-eensayo, nagkakamali kayo dahil nagpapakahirap ding mag-ensayo ang Dark Kingdom. Isang hampas ng latigo ang matatamo kapag hindi inayos ang pakikipagdwelo sa mga mababangis na hayop bilang ensayo.
"Hindi pa din po nagigising ang nakatakda." nakayukong turan ng isang alagad ng Demon sa Hari nito.
"Mabuti kung ganon. Pagbutihin mo pa ang iyong pag-eespiya ng sa ganon ay makakalap pa tayo ng impormasyon na pwedeng magpabagsak sa Empyrean! HAHAHAHA!" sabay nakakatakot na tawa ng King of Dark. Umangat ang ulo ng alagad nito at nag-umpisa ng umalis para bumalik sa Empyrean.
"Saan ka nanggaling, Jack?" tanong ni George sa bagong dating na si Jack na papasok na ng clinic para bisitahin ang natutulog na si Yna. Nandun din ang buong AOF pati sina Jessi, Katie at Mia.
"May pinuntahan lang." walang emosyong sagot nito kay George.
"Eh bakit nakita kitang palabas ng Academy?" takang tanong ni Jessi kay Jack dahil galing ito sa labas kanina.
Napahinto si Jack sa paglapit sa mga kaibigan samantalang napatingin naman ang lahat kay Jessi.
"Nakita mong lumabas si Jack?" tanong ni Gray kay Jessi at nang tumango si Jessi, tumingin silang lahat kay Jack para humingi ng paliwanag.
"Nag-ensayo ako sa labas, humanap ako ng mga mababangis na hayop na pwede kong kalabanin." walang emosyong paliwanag nito at naglakad na muli palapit sa mga kaibigan.
Mukhang nakumbinsi naman ni Jack ang mga kaibigan kaya hindi na sila nagtanong pa pero napatitig si Olivia kay Jack.
Ano na naman bang binabalak mo?
Tanong sa isip ni Olivia habang nakatitig kay Jack samantalang si Jack ay busy lang sa pagbabasa ng librong hiniram nyang muli sa library.
"Buti naman at gising ka na!" sigaw ni Jessi sa kapatid nitong si Yna na mulat na ang mata.
"Buti at ligtas ka." sagot pabalik ni Yna na nakatingin sa kapatid. Narinig naman ng buong AOF yun dahil nasa tabing gilid lang sila.
"Walanghiya ka, Yna. Tingnan mo nga ang sarili mo! Bugbog sarado ka na, iba pa ang inalala mo!" sigaw ni Mia kay Yna. Napangiti si Yna dahil sa pag-aalala ni Mia.
"Oo nga ate! Halata namang ayos ako, nag-alala ka pa talaga!" bulyaw din ni Jessi.
"Oo na! Ayos na ko kaya wag nyo na kong bulyawan pa, haha. Ganyan ba talaga kayo mag-alala? Ampapanget nyo. Haha." natatawang sabi ni Yna, hindi naman makapaniwala ang mag kakaibigan dahil sa narinig.
"Pigilan nyo ko sasabunutan ko yan." banta ni Gary sabay lalapit na sana kay Yna pero nahawakan agad sya sa magkabilang braso nina Olivia at Gray.
Napatingin si Yna kay Gary sabay tawa.
"Pagbigyan mo na Gary. Alam mo namang nabagok yang si Yna kaya wala sa tamang katinuan."sabi pa ni Josh pero tinawanan lang sya ni Yna kaya napangiwi ito.
"Malakas na tama ng isang yan. Dalhin nyo na sa Mental." sabi ni Olivia na naka-poker face pa.
"Haha...hayy.. Masaya lang talaga kong buhay pa ko... I though, huli ko ng kita sa inyo yun nung time na pumikit ako." nakangiting sabi ni Yna kaya natigilan ang lahat. Hindi nila maintindihan kung anong nararamdaman nila.
"Makakalabas ka na ng clinic bukas, pero kung sa tingin mo hindi mo pa kaya, then stay. We also have a practice tomorrow." anunsyo ni Jack, napaisip naman si Yna then tumango.
"Of course, I will be discharge here by tomorrow. May practice pa tayong dapat gawin!"
Yna's POV
"Sya ang nakatakda diba? Pero bakit hindi nya natalo ang isang demon lang?"
"Isang demon lang, napunta pa sa clinic, hah! Buti hindi yan namatay!"
"Sure ba silang ligtas tayo sa kanya?"
"I dont know, nag da-doubt na rin ako.."
Yan ang bulong-bulungan ng mga estudyante sa hallway habang dumadaan ako. Wala naman akong ibang magawa kundi ang yumuko at tanggapin na mahina talaga ko.
Nagtataka nga rin ako kung bakit nasali pa ko sa team ng AOF? Bakit ako ang nakatakda? Bakit ako pa?
"May bumabagabag sayo, Yna?" salubong na tanong sa akin ni Jack ng makarating ako sa gubat na pagpa-paktrisan namin. Kaming dalawa palang dito at napansin nya atang bagsak ako.
"H-hah?... Ano... Kase..."
"Nagtataka ka kung bakit ikaw ang napiling nakatakda?" tanong ni Jack kaya napaangat ako ng tingin sa kanya.
"Y-yeah.."
"Maybe it's beacause you care... Alam namin na hindi mo pababayaan ang Empyrean, hindi mo kami pababayaan... Hindi mo hahayaang matalo ka at manaig ang kasamaan." paliwanag ni Jack kaya napangiti ako at pinigilang maluha.
"Yan ba ang... Tingin mo sa akin, Jack?" nakangiting tanong ko kay Jack, nagulat naman ako ng ngitian nya din ako.
"More than that..."
Sagot nya na nakapagpataka sa akin sabay tinalikuran nya ko.
More than that? What's that supposed to mean?
Hindi rin nagtagal nagsidatingan na ang iba kaya nag-practice na kami.
Natapos ang pag-ehensayo nagsipuntahan na sila sa kanya kanya nilang dorm para magpahinga pero nagpaiwan ako para mag-gala. Hindi na sila umapila sa pag-gagala ko dahil pagod na sila at wala ng lakas na makipagtalo sa akin.
Nakarating ako sa isang lugar na tinatawag nilang Garden of Paradise. Sabi nila nabuhay daw muli itong garden na ito nung dumating ako. Tinawag ito noong garden of darkness dahil sa nakakatakot nitong aura. Nakakaintriga naman dahil ang sabi nila dito daw ako pinanganak.
Grabe naman, mother earth, talagang niluwal mo ko sa lugar na kasing ganda ko, wiw.
'Anak...'
May narinig akong boses na nanggaling sa loob ng Garden of Paradise kaya hinanap ko ito sa paligid.
"Nay, ikaw ba yan?! Magpakita ka!"
Hindi ako magkakamali dahil alam kong boses ng nanay ko iyon!
Nag papaikot ikot ako sa paligid hanggang sa makita ko ang mga magulang ko na nakatayo sa tabi ng isang waterfalls.
Nilapitan ko sila at tinangkang yakapin pero hindi ko sila mahawakan. Napatingin ako sa palad ko at sa mga magulang ko.
"Bakit hindi ko po kayo mayakap?" tanong ko.
'Nakakulong kami sa sumpa kaya hangga't hindi mo naliligtas ang Empyrean Kingdom, hindi mo kami mahahawakan.'
Malungkot na paliwanag ni Papa kaya napasimangot ako.
"Pano ko po sila maliligtas? Eh, wala na nga silang tiwala sa akin."
'Anak... Atlis alam mong may tiwala ang mga kaibigan mo sayo. May tiwala si Jack sayo. May tiwala kami sa iyo.'
Sagot ni Papa kaya napaluha ako. May tiwala si Jack sakin? Ano namang gustong palabasin ni Papa at inihiwalay nya pa ng banggit si Jack? Ma-issue din si Father?
'At nakalimutan mo na ba ang kakayahan nating mga Empyreans?'
Tanong ni Mama kaya nangunot ang noo ko. Maraming katangian ang Empyrean pero mas marami ang akin dahil half demon ako. Aling katangian ang tinutukoy ni Mama?
'We have wings, Yna. And do you know what are the use of our wings?'
Nanatili akong nakatingin kay Mama habang nagsasalita sya.
"Wings are made to fly." sagot ko out of nowhere.
'Exactly, Yna. So use them, fly and don't let anybody bring you down. And if you fall, fly again. Try and try until you proved them something. Pakitaan mo sila ng bagay na hindi nila kayang gawin na ikaw lang ang makakagawa bilang nakatakda at ang pagligtas ng Empyrean ang sagot sa problema mo.'
Naiiyak na napatitig ako sa mga magulang ko. Si Mama na nagmahal at si Papa na nagtaksil sa Dark kingdom para lang maligtas kami. I've decided that I wont let them down. Hindi ko hahayaang mabalewala ang sakripisyo nila dahil lang pinang-ihinaan ako ng loob.
'Now, Yna. Spread your wings and fly.'