#مع_مر_الزمان
#مع_مر_الزمان_54
#جزء_من_حلقه_سابقه
بالليل عند محمد عباس الى ظهر داخل الشقه وفى فى عينه غضب جامد
هايدى:(بتحاول تلحقه) يا محمد اكيد الى سمعته غلط. استنى بس يا محمد استنى (وراح فتح اوضه ادم من غير ما يخبط
ادم:(وقف بخضه) بابا فى ايه
محمد عباس:(راح بغضب لادم ومسكه من شعره وبعصبيه وزعيق ) قولى انا عملتلك ايه علشان تعمل فيا كده قولى انا بعاملك على انك راجل بس انت طلعت عيل وعيل صغير كمان انا غلطان انو اديتك حريتك انا غلطان يا ادم
ادم:(بصدمه من كلام ابوه وعصبيته عليه وانو يمد ايده عليه لاول مره مسك ايد محمد بوجع من شده شعره) طب بس فهمنى فى ايه انا والله مش فاهم حاجه
هايدى:(مسكت ايد محمد وخلته يسيب ادام) ممكن تهدا بقا نفهم الى حصل الاول
محمد عباس:(بصلها بعصبيه) ده موقف مينفع فيه اننا تفاهم ده موقف محتاج اعاده تربيه (ولف فجأه وضرب ادم بالقلم من شدته ادم وقع على السرير بص للبباه بصدمه وبص لامه واخواته الى جم على الزعيق وبص فى الارض ،، محمد عباس كمل كلامه) انت مش هتخرج من هنا خالص لا فى شغل ولا هتروح اى مكان علشان الى انت عملته والمخروبه دى انا هقفلهالك(وخرج وسابه ادم بصله بصدمه وبص لامه)
هايدى:(بصت لادم بزعل وخرجت وراء محمد وقبل ما تخرج) خليك مع اخوك يا مالك (وخرجت هايدى واخدت ساره معاها مالك دخل لادم الى قعد على السرير بصدمه مالك دخله ادم بصله وبص حواليه والصدمه باينه عليه
#بدايه_الحلقه_الجديده
عند هايدى الى قاعده مع مينا فى مكتب مينا ومعاهم محمد عباس وهايدى كانت بتعيط
هايدى:(بصت لمحمد عباس بعصبيه) ماتقوله عملت ايه فى الولد قوله ولا خايف
محمد عباس:(بصلها بعصبيه) تعرفة تسكتى ولا متعرفيش انا فيا الى مكفينى
هايدى:(بعصبيه) فيك الى مكفيك متجيش تتطلعه على العيال فى البيت انت سامعنى
مينا:(بجديه) هايدى اهدى فى ايه اعقلى الكلام الى انتى بقوليه واهدى
هايدى:(بصت لمينا بعياط) انت متعرفش عمل ايه فى ادم مسكه من شعره وشتمه وبهدله والاخر ضربو قدام اخواته
محمدعباس:(بعصبيه) وهو مغلطتش لم يجى واحد تافهه زى الى جيه ده ويقولى ابعد ابنك عن اختى عايزانى اعمل ايه اقف اتفرج عليه وهو مش محترم بنات الناس
هايدى:(بعصييه) انت عارف ومتاكد انو ادم مغلطش وانت قولتله كده ايه الى غير كلامك انت مكنتش متنرفز كده
محمد عباس:(بعصبيه اكتر) واتنرفزت ياستى وبعدين ايه هو كبر عليا مش من حقى اربيه
هايدى: ابنك متربى وانت عارف
مينا:(حس الموضوع هزيد بنهم قام وقف بعصبيه وزهعيق) بس بقا انتو الاتنين ياتتكلمو بهدو ياتسكتو
هايدى:(بصت لمينا) يعنى انت ممكن تضرب عمر ولا سليم يا مينا
مينا:(بص لهايدى) اكيد غلط يا هايدى اهدى وافهمى الاول الولد عمل ايه
هايدى:(بعصبيه) انا متاكده انو ابنى مغلطتش وانا متاكده انو كمان هو متاكد صح يا محمد رد عليا
محمد عباس:(رفع عينه لهايدى الى كلها دموع) سبينى فى حالى ياهايدى سبينى بالى انا فيه انا مخنوق على اخرى بالله عليكى متزودهاش عليا
هايدى:(بصتله) طب لم انت ندمان كده ضربته ليه وحابسته فى البيت ليه وواخد منه مفاتيح البيت ومفاتيح عربيته ليه
مينا:(بص لمحمد عباس بصدمه) حابسه
محمد عباس:(وقف وبص لمينا بعصبيه) اه حابسه ومش هخرجه من البيت تانى ومش هيشوف الشارع تانى
هايدى:(بعصييه) لييه قولى سبب واحد اقنعنى بتعمل ليه كده
محمد عباس:(بصلها بزعيق وبعياط) علشان انا مش مستغنى عنه (وبص لمينا بهدوء وبدموع) مش هفرح لم يرجعلى على نقاله يامينا مش هفرح
مينا:(بصله) انت بتقول ايه يامحمد هو فى ايه
هايدى:(بصتله بصدمه ودموع) انت بتقول ايه ومين الى هيعمل كده الواد ده هددك بحاجه يامحمد
مينا:(بص لمحمد عباس) قوم يا محمد قوم نعمله محضر عدم تعرض
محمد عباس:(بص لمينا بدموع) ياريته كده انتو مش فاهمين حاجه
مينا: طب فهمنا انت يامحمد وقول فى ايه
محمد عباس:(بصله بدموع وخوف فى عينه) الى خبيته من 30 سنه اتعرف الى فضلت دفنه طول حياتى اتعرف انا تعبت ومش عارف اعمل ايه (مينا بصله بصدمه وهايدى قعدت على الكرسي بصدمه ودموع
~~~~~~~~~~~~~~~~~~~~~~~~~~~~~~~~~~
عند مينا الى واقف مع عمر
عمر:(بصدمه) حابسه ازاى يا بابا
مينا: متسالنيش كتير ياعمر روح هات ادم وخلاص من بيت عمتك المفتاح اهوه
عمر: ماشي يا بابا حاضر (عمر اخد المفتاح ونزل بسرعه وهو فى الطريق كلم هنا
عمر: ايوه ياهنا انا هوصل لبيت عمتو وجاى ابقى خلصى وانزلى انتى ........ لا مافيش بس ادم عاوزنى اجيب معاه حاجات .......... تمام ياحبيبتى ........... مع السلامه وقفل وتنهد وطلع على بيت عمته فتح ودخل ودخل لاوضه ادم على طول
عمر:(قعد جمب ادم) ادم ،،،، ادم (وبص لو ش ادم لاقاه احمر حط ايده على وش ادم لقاه سخن طلع تليفونه وكلم بباه) ايوه يا بابا
مينا: ايوه ياعمر فى ايه
عمر: ادم جسمه سخن هو مش قوى بس سخن
مينا: صحيه وهاته وتعالا بس
عمر: ماشي حاضر ...... حاضر يا بابا (وقفل مع ببباه وبص لادم) ادم. ادم
ادم:(فتح عينه وبص لعمر بتعب) عمر
عمر: ايوه يلا قوم معايا كده بابا عاوزك
ادم:(بص لعمر) مش هينفع اخرج
عمر: ليه يا ادم
ادم: بابا قالى متخرجش مش هينفع اكسر كلامه
عمر: بباك عارف انى جاى اكيد اومال جبت المفتاح منين
ادم:(لف وشه عن عمر) سبنى ياعمر
عمر:اسيبك ايه يابنى قوم بقا
ادم:(بنرفزه بسيطه) عمر انا مش هخرج سبنى بقا وامشي
عمر: انا مش همشي من غيرك والله يابنى ابويا عاوزك
ادم:(بصله) وانا ابويا حابسنى هنا مش عاوزنى اخرج وانا مش هخرج امشي بقا
عمر:(بص لادم وطلغ تليفونه) بابا ادم مش عاوز ينزل بيقول انو ابوه مناعه انو ينزل وهو مش هيكسر كلامه
مينا: طيب اديلو التليفون وانا هخلى محمد يكلمه
محمد عباس:(اخد التليفون من مينا) ادم
ادم:(بدموع سبقت الكلام) نعم يا بابا
محمد عباس: تعالا مع عمر عند خالك
ادم: بس
محمد عباس: يلا يا ادم
ادم:(بتعب) حاضر ....... مع السلامه وقفل (ساب التليفون على السرير وبص لعمر وقام اخد غيار ودخل الحمام عمر تنهد وقعد يستناه بعد شويه طلع ادم وكان اخد دش وحلق دقنه وغير هدومه عمره اخده وخرج
عمر:(شد ادم من ايده) عملت ايه علشان بباك يحبسك كده
ادم:(بصله بكسره وحزن ودموع) لم اعرف هقولك(وسابه ونزل عمر تنهد ونزل وراه بعد ما قفل باب الشقه ركبو العربيه ورجعو بيت مينا والاتنين ساكتين خاااالص ومينا ومحمد وهايدى هيموتو من القلق على ادم وعمر وحد يتعرضلهم فى الطريق
~~~~~~~~~~~~~~~~~~~~~~~~~~~~~~~~~~~
رجع عمر ومعاه ادم البيت دخلو لقو مينا بس الى مستنيهم
مينا:(قام وقف واخد ادم فى حضنه ادم دموعه نزلت وبان صوت لعياطه من خنقته) خلاص ياحبيبى اهدا بطل عياط
ادم:(بص لمينا) عمو حضرتك عرفت بابا زعلان منى ليه قولى هو زعلان ليه
مينا:(بص لعمر بمعنى يسيبهم لوحدهم عمر مشي رجع مينا بص لادم) تعالا المكتب نتكلم جوه
ادم:(مسح دموعه) بابا جوه
مينا: هتكلم معاك الاول وبعدين بابا هيجى
ادم:(باستغراب من طريقته) ماشي (ودخلو المكتب الاتنين) فى ايه ياعمو
مينا:(بص لادم) انت فى حاجه بينك وبين بنت معاك فى شركتك
ادم:(بصله) ليه
مينا: فى حد. راح لبباك الشركه وقاله انو ابنك بيضايق اخته
ادم:(بص لمينا بتوتر) والله ما بضيقها خالص دى البنت الى جات معايا لم كان حازم عامل العمليه وصاحبه هنا مرات عمر (مينا سكت عمر بصله) ده مش سبب يخلى بابا يبقى بالعصبيه دى ويضربنى بالقلم ويقولى الكلام الصعب الى قاله فى حاجه تانيه صح
مينا:(بتردد) صح بس يعنى انا عاوزك تفهم الى حصل وتستوعب ليه هما عملو كده
ادم:(بعدم فهم) مين
مينا: محمد وهايدى
ادم: بابا وماما
مينا: ايوه اسمعنى للاخر وافهمنى هحكيلك قصه وبعدين هفهمك حاجه ماشي
ادم: ماشي
مينا:(بصله وتنهد) من 30 سنه كان فى تلات اخوات اتنين تؤام بنت وولد وولد كبير الكبير سافر علشان يامن مستقبل اخواته جبلهم شقه صغيره وشغل اخوه قبل ما يسافر فضلو الاتنين قاعدين مع بعض لحد ما البنت قابلت شاب حبته قوى واتجوزته وكمان لم اخوها لقاها اتجوزت اتجوز هو كمان لانه كان خاطب بعدها اكتشف انو جوز اخته كان عليه تار واخته كانت حامل فى ولد اكتشفو ازاى جوزها للاسف عمل حادث وهو بيموت اعترفلهم وقالهم متكتبوش الولد على اسمى اكتبه باسمك انت الى هو يسجله باسم اخوها ومراته علشان مش عاوز حد يعرف انو الولد ده ابنه ومات بعدها طبعا البنت انهارت ازاى ابنها ميتكتبش باسمهم ويشيل اسمهم وموت جوزها كمان دمرها خالص تعبت جدا وولدت فى السابع دخلت فى حمى نفاس وللاسف هيا كمان حصلت جوزها وماتت بس وهيا بتموت كمان وصت اخوها ينفذ وصيه جوزها وقالتله كده كده احنا مش هنبقى موجودين ربيه انت ومراتك واكتبه باسمك انت وهيا وربوه ومحدش يعرف انو ابننا فعلا الشاب عمل بوصيه اخته وجوزها وكتب الولد باسمه واتربى وكبر بنهم وخلفت تانى لحد ما فى يوم للاسف فى الصعيد اتعرف انو الولد ده مش ابنهم وابن اخته اهل الولد اتهموه بالتزوير والحكومه معرفتش تثبت كلامهم واهل الولد معرفوش يثبتو حاجه بس اهل الولد قالولهم انهم عرفو فى البلد واتعرف الولد ده هناك وللاسف الى كان فى تار بين ابو الولد وبنهم عرفو وعرفو شكل الولد ونزلو مصر يدورو عليهم الاب بقا لم عرف منع ابنه من شغله ومن حياته ولو طال يخبيه جوه قلبه ويقفل عليه هيعمل كده بس هو مش قادر يواجهه حتى خايف يكرهه خايف الشاب ده ميتفهمش الى حصل وخايف يكرهه وهو هيموت لو الولد كرهه
ادم:(بصله بعدم فهم) انا مالى ياخالو حضرتك عاوز حل يعنى ولا ايه
مينا:(بصله) عاوز اعرف لو انت مكان الشاب ده هتكره ابوك
ادم:(بصله) مش عارف انا كل الى عارفه انو بابا ميزعلش منى
مينا: بابا مش زعلان منك (مسك ايده بحنان) ادم لو قولتلك انو الى حصل ده والقصه دى انا بطلها وانت الولد ده هتعمل ايه
ادم:(بصدمه) يعنى ايه
مينا: يعنى الى حصل ده حصل معاك
ادم:(بصدمه) مش فاهم
مينا:ادم
ادم:(بعدم استيعاب) للا ياخالو انا فاهم يعنى انا مش ابن بابا وماما صح
مينا: اهدى ياادم
ادم:(بعدم استعياب) انا مش ابنهم ازاى يعنى كل حياتى دى كدبه يعنى اخواتى مش اخواتى حضرتك مش خالى
مينا: اسمعنى يا ادم
ادم: اسمع ايه ياخالو ،، اسمع انى كنت مخدوع طول حياتى اسمع انت كنت عايش فى حلم وهفوق منه على انى يتيم ام واب اسمع انو خلاص مابقاش ليا اخوات امى مش امى وابويا مش ابويا اسمع ايه
مينا: امك هيا امك يا ادم اى نعم مش هيا الى ولدت بس امك بالرضاعه هايدى ساعتها كانت حامل وولدت ولد متوفى ربنا وضع الطفل ده فى بطنها علشان يتولد ميت وربنا عمل كده علشان يبدلو الاطفال وانا تتربى بين ام واب ويبقى ليك اخوات ربنا عمل كده علشان تلاقى ام ترضعك وتحميك من كل الدنيا متفكرش فى اى حاجه غير انو ابوك كان خايف عليك (ادم بص لمينا وحس بدوخه جامد والصوره بتتهز قدام عينه ومينا بيتكلم هو مش سامعه اصلا وفجاه ادم وقع من على الكرسي اغمى عليه
مينا:(بصوت عالى) ادم.،، ادم ادم (وبص للباب) محمد عمر (محمد عباس وهايدى وعمر جم بسرعه وبص لادم بصدمه الى كان واقع فى الارض مغمى عليه)
~~~~~~~~~~~~~~~~~~~~~~~~~~~~~~~~~~~~~
ظهرو فى اوضه عمر ومعاهم دكتور بيكشف على ادم محمد عباس قاعد وحاطط ايده على دماغه وهو مرعوب على ادم ومينا وعمر مع الدكتور وهايدى بره مع رنا
الدكتور:(بص لمينا بعد ما كشف على ادم) واضح انو هو بقاله كام يوم مش بياكل كويس حرارته عاليه جدا جدا فوق الطبيعى داخل على مرحله جفاف هديله هكتبله على ادويه يمشي عليها انا معايا حقنه خافض للحراره هديهاله علشان الحراره دى تنزل
مينا: ماشي يا دكتور (وقعد جمب ادم ومسك ايده وخلاه لف على جمبه والدكتور اداله الحقنه وادم متحركش ولا طلع اى صوت
الدكتور:(بص لمحمد عباس) دكتور محمد مش عاوز حضرتك تقلق ساعه بالكتير والحقنه هتفوقه وهيبقى كويس بس هو يلتزم بالعلاج والادويه والتغذيه الكويسه وهيبقى تمام
محمد عباس: شكرا يا دكتور تعبتك انا بس معرفتش اتصرف لم اغمى عليه معرفتش اسعفه
الدكتور: لا مافيش تعب ولا حاجه انا عارف ومقدر موقف حضرتك بعد اذنكو (مش الدكتور ومينا عمر طلع معاه محمد عباس قام قعد جمب ادم
مينا: محمد
محمد عباس:(بص لمينا بدموع) هموت من غيره هو الى باقيلى من اختى مش هقدر يروح منى هو كمان مش هينفع يامينا مش هستحمل
مينا: اهدا يا محمد هيبقى كويس ان شاء الله
محمد عباس: مش هيسامحنى
مينا: انت بتقول ايه انت رميته فى الشارع (محمد عباس بص لادم وسكت مينا كمان سكت علشان ادم يرتاح)
~~~~~~~~~~~~~~~~~~~~~~~~~~~~~~~~~~~~
بعد وقت ادم فاق وفتح عينه لقى ايده فى ايد محمد عباس
ادم:(بصله) باب (وقطع الكلمه
محمد عباس:(بصله) ادم انت كويس ياحبيبى (ادم مبصلوش ولا رد عليه
هايدى:(قربت من سرير ادم) يلا ياحبيبي قوم علشان ترجع البيت ترتاح هناك
ادم:(بص لمينا) خالو انا عاوز افضل معاك هنا
محمد عباس:(بص لهايدى ومينا بصدمه) انت مش عاوز ترجع معانا يا ادم
ادم:(بدموع) لا مش عاوز ارجع معاكو
هايدى: ليه يا حبيبى
ادم:(بصلها) انتو خدعتونى عشت معاكو حياتى كلها كدب فى كدب مش حابب اكمل فى الكدب ده ومجرد ما افوق هختفى خالص من حياتكو وشكرا على الى عملتوه معايا
مينا:(بص لادم بصدمه وبص لمحمد عباس وهايدى الى بيبصو لادم بصدمه رجع بص لادم) ايه الى بتقوله ده يا ادم
ادم:(بص لمينا بدموع) مكذبتش فى حاجه ياخالو هما خدعونى وكذبو عليا ومعرفونيش الحقيقه
محمد عباس:(بصدمه) مش هتمشي يا ادم انت قدام العالم كله انت ابنى لو عاوز تمشي اقتلى وامشي طول ما انا فيا الروح هتفضلى معايا وفى حضنى لان انا مستغناش عنك ابدا فاهم ابدا (ومسك ايده وبيشده) يلا قوم هترجع البيت يلا قوم
ادم:(بيشد ايده من محمد عباس) لا مش هاجى معاك مش عاوز ارجع معاك انا مش عيل صغير هتجبرنى على حاجه مش عاوزها
محمد عباس:(بعصبيه وزعيق) مش عاوز اسمع صوتك خالص سامع يلا اتفضل قوم
مينا:(فك ايد ادم من ايد محمد وبصله) محمد اهدا شويه واستنى بقا
محمد عباس:(بص لمينا بعصبيه) مش سامع بيقول ايه هيمشي ويسبنى هيبعد عنى زى ما الكل بعد عنى انا مش هسمحله
مينا: محدش هيسمحله يمشي اهدا بقا (محمد عباس بصله وسكت ونفسه سريع ودموعه مغرقه وشه مينا بص لادم) انت مش هتمشي من هنا دول الى باعو عمرهم كله علشان عاوز تسيبهم وتمشي
ادم:(بصله بعياط) علشان خاطري ياخالو
مينا:(مسك ايد ادم) مش انت عاوز تقعد معايا هنا (ادم هز راسه بمعنى ماشي مينا كمل كلامه) خلاص خليك لحد ما تهدا وتفكر صح لان دول ابوك وامك
ادم:(بصلهم ورجع بص لمينا) مش حقيقه (محمد عباس خرج من الاوضه وهايدى خرجت وراك)
مينا:(قعد جمب ادم واخده فى حضنه) هسيبك ترتاح ماشي (وباس دماغه وفضله واخده فى حضنه لحد ما ادم نام مينا سابه وخرج لقى محمد عباس قاعد وباين عليه الحزن وهايدى جمبه بتعيط فى حضن رنا
مينا: سيبه يامحمد عندى كام يوم مش هيجرى حاجه
هايدى: مش هعرف ارجع البيت من غيره
مينا: لا ارجعى بيتك وسيبه يقكر مع نفسه ابعدو من قدام الولد روحه فيكو مش هيقدر يستغنى عنكو خالص انا الى بقولكم هو من نفسه هيجى يقولى انا مش قادر استغنى عنهم وعن اخواتى وعاوز ارجع
هايدى:(بصت لمينا بعياط) فهمه انو هو ابنى لو هو مش ابن محمد بس هو ابنى انا الى رضعته وسهرت عليه وجمبه لو مش ابنى من بطنى بس ابنى بالرضاعه وتعبى ولو محمد مش ابوه من صلبه بس هو ابوه بتعب وشقاه عليه هو واخواته
مينا: حاضر بس سبوه يهدا مع نفسه ويظبط اموره (وبص لمحمد عباس) انت مش مأمن عليه عندى
محمد عباس: مش كده يا مينا وانت عارف انا بس
مينا:(مقاطع لمحمد عباس) مافيش بس مصلحه ادم دلوقتى انكو تبعدو فتره وتسيبوه يفكر مع نفسه وياخد وقته ويهدا مع نفسه ادلوله وقت يراجع نفسه ومتقلوش محدش من العيال هيعرف حاجه حتى عمر معرفش حاجه واخد اخواته وخرجو ومحمد مجاش يعنى متقلقش من حاجه خالص سبوه يوم يومين اسبوع اتنين سبوه لحد ما ياخد قراره ونشوف هنعمل ايه بعد كده يلا يامحمد خد هايدى وارجعو البيت ومتقلش محدش هيقدر يهوب ناحيه هنا ابدا البيت كله حراسه يعنى متقلفوش عليه (محمد عباس هز راسه بمعنى ماشي واخد هايدى ومشو مينا تنهد وبص لرنا وسابها ودخل قعد جمب ادم ورنا قامت تشوف وراها ايه
~~~~~~~~~~~~~~~~~~~~~~~~~~~~~~~~~~~
عند محمد سعد الى قاعد فى اوضته وباين عليه الحيره دخلت دينا الاوضه وبصتله وقعدت على كرسي التسريحه
دينا:(لمحت سرحانه وحيرته) مالك يا محمد فى ايه (محمد مبصلهاش بصتله) محمد (بصوت اعلى شويه) محمد
محمد سعد:(بانتباه) ها فى حاجه يا دينا
دينا: انت الى فيك ايه مالك
محمد سعد: مش عارف قلقان حاسس فى حاجه
دينا: علشان مينا قالك متجيش
محمد سعد: اول مره يقولى فى تجمعى يوم الجمعه ده متجيش كنت سامع صوت هايدى
دينا: يعنى اتجمعو من غيرنا
محمد سعد: لا طبعا يا دينا انتى بتفكرى فى ايه بس الموضوع مش كده انا قلقان وحاسس فى حاجه بين اخواتى
دينا: مش هو قالك هقولك خلاص استناه وياخبر بفلوس بكره يبقى ببلاش
محمد سعد: ولسه هستنى لبكره انا هقوم اروحله
دينا: لا اهدا شويه كده يمكن فى مشكله ومش حابب حد يعرف
محمد سعد: ده اكيد مش ممكن وحاسس انو المره دى بين محمد وهايدى مش عارف ليه
دينا: طيب اهدا شويه انت كده هتتعب
محمد سعد:(بتنهيده زهق) تصبحى على خير (ونام على السرير دينا بصتله بقلق وقلقه قلقها هيا كمان نامت جمبه بقلق والاتنين بيفكرو لحد ما غلبهم النوم ونامو
~~~~~~~~~~~~~~~~~~~~~~~~~~~~~~~~~~
عند فريده ومالك الى كانو قاعدين مستنين ابوهم وامهم الباب اتفتح ودخلو هايدى ومحمد منه
مالك:(قام جرى عليهم) بابا ادم مش هنا انت مش قايله متخرجش هو خرج
فريده: بنرن عليه موبايله هنا يابابا
مالك:(بصلهم باستغراب من شكلهم) فى ايه مالكو
محمد عباس: مافيش حاجه
فريده: طب فين ادم
هايدى: عند خالكو
مالك: ليه ادم مبيحبش يبات بره سريره مش البيت بس
هايدى: تعب شويه وخوفنا يطلع فى الجو ده يتعب اكتر
مالك:(بخضه) انا هروحله
محمد عباس: لا محدش هيروح
هايدى: روحو نامو يلا
فريده:(برعب) فى ايه انتو كويسين هو ادم كويس
هايدى: ايوه كويس
مالك:(بخوف) اومال ف......
محمد عباس:(بعصبيه) فى ايه هو تحقيق ماقولنا اتنيلو ادخلو نامو يبقى تغورو تنامو ده ايه الاقرف ده (وسابهم ودخل هايدى بتنهيده
هايدى:(بصتلهم) معلشي يا حبايبى ادخلو انتو دلوقتى (وسابتهم ودخلت الاوضه لقيت محمد نام على السرير تنهدت وقعدت جمبه على السرير وهما ساكتين
~~~~~~~~~~~~~~~~~~~~~~~~~~~~~~~~~~~
عند محمد سعد الى بيكلم مينا
محمدسعد:يابنى والله مش زعلان بس انا عايز اطمن عليكم بجد
مينا: احنا كويسين والله بس فى تاتش بين رنا وهايدى ومش عاوز حد يحس بكده
محمد سعد: خلاص ماشي يا مينا تمام
مينا: ماشي سلملى على كل الى عندك
محمد سعد: الله يسلمك،،، مع السلامه (وقفل التليفون وبص لدينا) رنا وهايدى فى بينهم مشكله بس مش حاسس كده
دينا: ليه يعنى عادى
محمد سعد: رنا وهايدى اصحاب من قبل ما مينا يتجوز عمرهم ما اتخناقو مع بعض خالص الموضوع بعيد عنهم
دينا: يمكن يكون فى حاجه بين رنا ومينا
محمد سعد: مش عارف بجد
دينا: ماتقلق خير بأذن الله واهو فرصه نتجمع مع مع بعض شويه
محمد سعد: ايوه بس يارب يبقى مينا هايدي والباقى يبقى بخير
دينا: بأذن الله خير (وطلعت وسابته للقيت ساره ومروان بيحضرو الفطار
ساره:(بابتسامه) صباح الخير يا مامى
دينا: صباح الخير يا حبايبى ايه النشاط ده كله
مروان: اتأخرتو علينا واحنا جوعنا قوى وبعدين عاوزين نمشي بدرى علشان نلحق الصلاه فى البيت الى جمب عمو مينا
دينا: لا ما احنا مش هنروح النهارده
ساره: ليه يا مامى
دينا: بباكو تعبان شويه ومرهق اعتذر بقا وحابين نتجمع معاكو هنا
ساره: بس عمو مينا هيزعل
دينا: لا متقلقيش
ساره: هدخل اجيب الاطباق
مروان: ماما فى ايه
دينا: مافيش يا حبيبى حاجه متقلقش
مروان: بابا كويس
دينا: ايوه هو بس ارهاق بس متقلقش
مروان: ماشي
دينا: هروح اساعد اختك
مروان: وانا هطلع اخد شاور واجى
دينا: ماشي (دخلت دينا ومروان طلع اوضته شويه واتجمعو على الفطار وهما بيتكلمو مع بعض ومحمد قلقان وسرحان
~~~~~~~~~~~~~~~~~~~~~~~~~~~~~~~~~
عند مينا الى اتجمعو على الفطار
مينا: ايه ده هنا اومال فين عمر
رنا:(بصت لمينا) بيفطر مع ادم فوق لان مرضاش ينزل
مينا: ليه
رنا: سيبه براحته يامينا
سليم:(باستغراب) هو ادم هنا
حاتم: غريبه يعنى
مينا:(بص لرنا ورجع بص لسليم وحاتم) كان فى مشكله كده وبعدها هو تعب وكان سخن جبناله دكتور وقال ميخرحش فى الجو ده احسن
حازم: جبتوله دكتور وعمو محمد موجود
سلمى: اكيد معرفش يكشف عليه وكان متوتر وخايف
مينا: صح يا سلمى
حازم:(قام وقف) هطلع ارخم عليهم وافرفشهولكو وافطر معاهم
مينا: لا ياحازم ادم تعبان جدا سيبهم شويه
سليم: طب هنطمن عليه
مينا: خلاص يا سليم لم ترجعو من الشركه باذن الله (اما عند ادم الى قاعد مع عمر
عمر: احكيلى مالك مش انت بتقول اننا تؤام انا وانت ويحيي مش هتحكى لنصك التانى ايه الى مضايقك والى خلى عمو محمد يعمل كده
ادم:(بصله بدموع) صدقنى ياعمر لم اعرف اتكلم هتكلم معاك بس حاليا مش قادر بجد
عمر:(بتنهيده) طب افطر يا ادم
ادم: ماليش نفس مش عاوز انا عاوز انام
عمر: مش هينفع انت شكلك مش قادر تتكلم فا افطر بقا علشان متتعبش زياده وبطل كلام بقا وافطر (ادم تنهد واكل لقمه صغيره جدا جدا ونام عمر تنهد وسابه ونزل
~~~~~~~~~~~~~~~~~~~~~~~~~~~~~~~~~~
عند رنا وهايدى فى المطبخ
رنا:(بتحاول تهدى هايدى) هايدى ياحبيبتي اهدى شويه
هايدى:(بعياط) مش قادره والله مش قادره ابنى بينه وبينى سلم ومش عارفه اطلع اشوفه واطمن عليه هموت يا رنا وهو بعيد عنى وعن حضنى
رنا: يعنى عياطك ده هيحل المشكله
هايدى:(بعياط) مش هيحل بس اعمل ايه بقا قلبى هيموت عليه انا عارف اننا غلطنا انو معرفناهوش لى الاول بس والله والله كنا خايفين عليه
رنا:(بحزن) انا قولت لمينا الكلام ده قولتله الولد لازم يعرف ادم لازم يعرف حكايته كلها وانو ابوه وامه ماتو والى عمله خاله علشان وانو كتبه باسمه حمايه ليه بس قالى امو محمد مصمم انو ادم ميعرفش
هايدى:(بعياط) كنا مفكرين كد احسن ليه والله مكناش نعرف انو كنا بنأذيه بأذي ابنى الى مخلفتوش والله ادم مايفرق عن مالك حاجه ويمكن معزته فى قلبى اكتر والله
رنا: عارفه معزه ادم عندنا كلنا وانو فرحه كبيره دخلت لم هو دخل العيله وكلنا بنحبه زى عيالنا بس اهدى بقا (ظهر حاتم واقف على باب المطبخ وباين عليه الصدمه
حاتم:(بصدمه) يعنى ايه ادم مش ابن عمتو ولا عمو محمد طب ازاى
مينا:(بحزم وحديه) بتعمل ايه عندك ياحاتم
حاتم:(بخضه) بابا
مينا:(بحديه) انت واقف بتتصنت عليهم وهما بيتكلمو
حاتم:(بسرعه) لا والله مش قصدى خالص كده والله انا كنت نازل اقول لماما تعملى حاجه سخنه اشربها لان زورى بيوجعنى قوى وحاسس بسخونيه سمعتهم بتكلمو والله (مينا تنهد وسكت حاتم قرب من مينا) بابا هو ده حصل بجد
مينا:(باسف) مش لازم حد يعرف ياحاتم محدش عارف حاجه ولا حتى عمر
حاتم: علشان كده هو قاعد هنا
مينا: ايوه
حاتم: انا عايز اساعده يا بابا اعمل ايه
مينا سيبه ياحاتم دلوقتى لو متحسنش اكيد هسيبك تكلمه (وبص لحاتم الى باين عليه التعب وحط ايده على وشه) اطلع ياحبيبى ارتاح شكلك تعبان قوى وانا هجبلك دكتور
حاتم: لا يا بابا مش مستهله بس هنام وهصحى كويس
مينا: ماشي (وطلع حاتم مينا دخل المطبخ وكمل كلامه) انتى لسه بتعيطى يا هايدى
هايدى:(شافت مينا قامتله بسرعه) مينا ادم عامل ايه كويس صح طمنى عليه بالله عليك
مينا: ادم كويس جدا متقلقيش عليه ومتخافيش (هايدى بصتلهم بدموع واخد شنطتها ومشيت ،، مينا بص لرنا) هطلع اوصلها
رنا:(هزت راسمها بمعنى ماشى) ماشي
مينا: بصى على حاتم علشان تعبان
رنا:(بخضه) ماله انا هطلعله (طلعت رنا ومينا مشي وراء هايدى
مينا:( لحق هايدى قبل ما تركب عربيتها) هوصلك هايدى متكلمتش وركبت عربيه مينا وسابت عربيتها وفضلو طول الطريق ساكتين بس عياط هايدى الى مهداش
~~~~~~~~~~~~~~~~~~~~~~~~~~~~~~~~~~
عند رنا الى كانت داخله تطمن على حاتم دخلت لقيت حاتم على وشه فوطه وحازم قاعد على الكرسي ونايم عليه قربت منهم
رنا:(اطمنت على حاتم وبصت لحازم) حازم حازم
حازم:(فتح عينه وبصلها) ماما
رنا: ايه الى نيمك كده يا حبيبى
حازم:(قام وبص حواليه) حاتم كان تعبان بالليل وكنت بعمله كمدات وشكلى نمت
رنا:(بخضه) طيب مصختنيش ليه
حازم: محبتش اقلق حد
رنا:(وهيا بتحط ايدها على وش حاتم) ده لسه سخن
حازم:(حط خده على خد حاتم) بس مش قوى
رنا:(باستغراب) انت يتعمل ايه
حازم: بشوف السخونيه
رنا: ابعد يا حازم بس علشان السخونيه انا هطلع اشوف اى علاج بره حقنه خافض او اى حاجه
حازم: ماشي (طلعت رنا ورجعت بعد شويه لقيت لسه حاتم نايم وحازم مكانه
رنا: مصحتوش ليه
حازم: مش قولتى هتجيبى حقنه مرضتش اصحيه
رنا:(بصتله) ماشي يا حبيبى (وحضرت الحقنه وبصت لحازم) تعالى بقا امسك ايده دى علشان ميشدش الابره حازم راح قعد جمب حاتم ومسك ايده رنا ضربت الحقنه لحاتم متحركش)
حازم: ماما
رنا: الحقنه خفيفه يا زوما متقلقش يلا ياحبيبى قوم وسيبه يرتاح (حازم قام من جمب حاتم ورنا عدلت عليه الغطا وسابوه ونزلو
~~~~~~~~~~~~~~~~~~~~~~~~~~~~~~~~~~
نزلت رنا وحازم لقو الكل متجمع على الفطار ومعاهم ادم
مينا: فين حاتم
رنا: سخن يامينا اديته حقنه وسبناه يرتاح
سليم: واخد الحقنه من غير صوت
حازم: ماهو كان نايم
رنا:(بصت لحازم) زوما قاعد طول الليل جمب اخوه بيعمله كمدات
مينا: مصحتناش ليه يا حازم
حازم: عملت زى ما ابيه عمر بيعمل معايا لم اتعب كان بيعمل كده ميصحيش حد ويفضل جمبى وانا كبرت يا بابا وخليت بالى من اخويا
مينا: ربنا يخليكو لبعض يا حبيبى
ادم: خالو انا عاوز تليفون
مينا: وتليفونك فين
ادم: نسيته فى البيت
سليم: هروح اجبهولك يا ادم
ادم: لا هاتلى واحد ياخالو واول ما اقدر اخرج هشوف شغل واجيب لحضرتك الفلوس
مينا: مش وقته يا ادم الكلام ده
ادم: طيب ماشي هاتلى تليفون (وبص لسليم) هات تليفونك سليم اداله التليفون ادم اخده وقام )
سليم:(بص لمينا) بابا متاكد حضرتك انو ادم كويس وهو مجرد انو تعبان
مينا: ايوه يلا علشان منتأخرش
سليم: ماشي
سلمى: وتليفونك يا ابيه
سليم: مش مهم خليه معاه هستعمل التانى
مينا: هبعت حد يجيبله واحد النهارده(وبص لرنا) هقابلك بعد الظهر انتى وهنا وسلمى ابقى طمنينى على حاتم
رنا: ماشي (ومشي مينا وسليم
حازم: ابيه ادم فيه حاجه
سلمى: ايوه انا حاسه بكده
رنا: خلصو فطار وانا هطلع اشوف حاتم (وطلعت وسابتهم قبل ما يسألوها على حاجه)
~~~~~~~~~~~~~~~~~~~~~~~~~~~~~~~~~~
عند ادم ووائل الى ظهرو عند مينا فى اوضه عمر وادم باين عليه الالم
وائل: معلشى يا ادم هيا تقيله قوى علشان مضاد حيوى
ادم: عادى يا وائل مافيش حاجه
وائل: بردو مش عاوز تحكيلى ايه الى حصل (فجأه سمعو عياط رائد جامد الاتنين بصو لبعض ووائل كمل كلامه) ايه ده فى ايه
ادم: مش عارف تعالا نشوف فى ايه طلعو بسرعه الاتنين وراحو لاوضه حازم ودخلو
ادم:(بخضه) فى ايه ماله رائد
عمر:(بصلهم بأستنجاد) مش عارف بجد تعبت عمال يعيط وانا مش فاهم هو عاوز ايه بالظبط
ادم:(بصله) هنا فين ولا طنط رنا
عمر: مشيو وسابوه نايم وقالو مش هيتاخرو بس هو صحى
وائل: مايمكن جعان ياعمر
عمر: حاولت ومش عاوز يرضع
حازم:(بص لعمر) انا بقولك من الصبح غيرله البامبرز غيرله البامبرز وانت عمال تتهرب من الموضوع من اصله
عمر: اغير ايه مش هعرف طبعا
ادم: ليه مش هتعرف
حازم:(بضحكه) اصله بيقرف يا ابيه
عمر: اخرص ياله
حازم:(بصله) هو انا كدبت ولا قولت حاجه غلط
عمر: برضو اخرص
حازم: خلاص خلى ابيه ادم يغيرله
عمر:(بص لادم) اه صح تعالا انت غيرله يا ادم بما انك صيدلى وكده واكيد فاهم
ادم:(بصله) انا اه صيدلى ودكتور صيدلى بس فى تركبيه الادويه مش تغير بامبرز
عمر: ماتلاقيك اتعلمت ياعمر يلا بقا
ادم:(بص لعمر ولحازم) هو انت مش كنت المربى الفاضل لحازم يعنى اكيد انت الى اتعلمت الحاجات دى اكيد يعنى على ايامه كان فى بامبرز انا فاكر طنط رنا وكانت بتغيرله قدمنا كلنا
حازم:(بغيظ واحراج من كلامه) انت بتقول ايه مكنش بيحصل الكلام ده ماما محكتليش كده
عمر:(بصله) لا كان بيحصل وهيا ماما هتحكيلك حاجه زى كده (وبص لادم) يلا يا ادم خد غيرله
ادم:(بصله وبعد عنه) لا ياعم مش انت ابوه غيرله انت
عمر: وانت عمه اخلص بقا
ادم:(بصله) لا انا اتبريت منك من زمان وقطعت علاقتى بيك يعنى انا مش عمه
وائل:(بصلهم بصدمه وبص لعمر) انت اب انت مش عارف تغير لابنك
عمر:(بصله وبلهفه) انت هنا انا ماخدتش بالى منك
وائل:(قرب من عمر) اوعى ايدك (واخد من ايده رائد الى سكت من حوارهم مع بعض) تعالى يابنى تعالا اغيرلك الله يكون فى عونك من ابوك واعمامك دول (واخد رائد مكان الغيار وغيرله وظبطته وسط قرف ادم وعمر وحازم بعد ما خلص مسك البامبرز وبيده لعمر) خد ارميه
عمر:(بقرف) السله عندك اهيه (وائل حدفه فى السله بغيظ منه عمر كمل كلامه) اعمله رضعه بقا
وائل:(بعصبيه) كمان مش عارف تعمل دى
عمر:(بصله) على فكره انا معنديش خبره
ادم:(بصله) ما حازم كا......
عمر:(بصله وقاطع كلامه) كان بيرضع طبيعى وماما كانت بتعمله الببرونه قبل ما تمشي
وائل:(بزهق من عمر وعماليه هو وادم) فين اللبن والببرونه
عمر:(بصله) اهم هنا سايبه ميه دافيه بس مالقتليش اعمل ايه (وائل قرب من المكان الى فيه اللبن والميه وعمل الرضعه وخلص عمر بصله وقبل ما يتكلم) رضعه (وائل بصله بصدمه ولسه هيتكلم عمر قاطعه) اخاف يشرق منى اموته
وائل:(اخد رائد وقعد على السرير وبدأ يرضعه بص لعمر) انا هحكى لمدام هنا الى حصل ده ومش هخليها تسيبه معاك تانى
حازم:(بص لرائد الى وشه احمر من العياط) تبقى عملت فى البيبى ده معروف والله (عمر بصله بغيظ حازم جرى اسخبى فى ادم
وائل:(بصلهم بعصبيه) اسكتو بقا علشان الولد ينام
ادم:(بص لعمر وحازم) اسكتو بقا هيبلعنا دلوقتى هو مش طايقنا اصلا ( وائل بصلهم عمر شاورله بمعنى انهم خلاص هيسكتو وسكتو فعلا وبيبصو لوائل وهو بيرضع رائد من الببرونه ورائد الى بيروح فى النوم)
~~~~~~~~~~~~~~~~~~~~~~~~~~~~~~~~~~
عند رنا هنا وسلمى فى العربيه
رنا: يابت اهدى بقا ايه انتى سيباه مع ابوه
هنا: منا مش خايفه غير من ابوه مبيعرفش يعمله حاجه
سلمى: متقوليش على ابيه عمر كده
هنا: والبنى اسكتى انا غلطانه انى سبت ابنى
رنا: ابنك نايم يا هنا اهدى بقا
هنا: منا خايفه يصحى يلا ياعم رجب والنبى شد شويه
رجب: حاضر يا بنتى
سلمى: انا هقول لابيه عمر على كل الى قولتيه
هنا: هتبقى فتانه
سلمى: مامى بتقولى فتانه
رنا:(بشرود) بتهزر معاكى
هنا: مالك يا طنط انتى زعلتى منى
رنا: لا يا حبيبتى والله(ودخلو من باب الفيلا (رنا بصتلهم) يلا انزلو(نزلو كلهم رنا بصت لحراسه الفيلا) حد يدخل الاكياس الى فى العربيه جو (وسابتهم واخدت البنات ودخلت مجرد ما وصلو لباب الفيلا الداخلى وقفو بصدمه) ايه ده
سلمى:(بخضه) ينهار ابيض وجريو كلهم (ياترى فى ايه وايه الى حصل