عند ريوف وسعود بالمزرعه أنفتح الباب ودخلت ريوف وخلفها سعود بالكرسي بيكون أول لقاء بعد فراق خمس سنين بين ضرار وسعود سعود
أخذ نفس يمشي بكرسيه وريوف معاه وهي تنظر لمزرعه اللي تغير بعض أثاثها وتذكرت ذكريات اللي صارت لحظة هروبهم وتذكرت تجمعهم بالجلسه الارضيه.. سعود كان بيطيح أنتبهت ريوف له: بسم الله عدلت عجلة الكرسي ودفعته:مستعجل على هاللقاء.
سعود:كثر ماني مستعجل باللقاء ضرار الا أني خايف ان فيه شيء كل ماسال عن ضرار يقولون بخير ! وانا متاكد مو بخير بعد غيابي عنه.
ريوف نسميها ثقه؟
سعود: إي شيء بس تاكدي الخيل لا تعلق بشخص أنسي يتعود على شخص ثاني بسهوله.. خصوصاً ضرار لانه وحيد ولا يحب يحتك بالخيول الثانية.
وصلته الاسطبل كان الخيل منحني برأسه عند الباب تقدم سعود بكرسيه وضحکه مابین ثغره: أرحب أرحب
تقدم له وهو يرفع يده أما الخيل عرف سعود من نبرة صوتة وتقدم لسعود سعود بفرحه: شفتي ماقلت لك الخيل يعرف صاحبها ويتعلق بسرعه .. أنها وفيه أكثر من البشر تلوميني بحبه سعود مسح على الخيل بفرحه وضحك بشده ياعيون أخوك
التفتو على صوت وناظرو بعضهم، ريوف: تهقى أحد من أهلك هنا؟
سعود : مدري انتِ الحين مو أجازه اکید هم ماجزين وجايين هنا.
ریوف:اجل مانقدر ننام هنا.
سعود:على كيفك ؟ انا بروح أشوف مين.
مشي سعود وراة ريوف، كانو فهد وشفق وماسكين يدين بعض سعود عقد حاجبه:فهد ؟
تقدم لهم، فهد التفت على سعود..
سعود:شجايبكم هنا ؟
شفق: أبد قلت له أبي خيولكم وجابني مزرعتكم فيها شيء؟
سعود:فيها شيء ؟ فيها مليون شيء ماجابك الا هالوقت تراك مو على ذمته تسرحين وتمرحين وقت ماتبين
ناظر فهد بعصبيه : اذا تبيها حدد ملكتك وأملك عليها مو تطلع وتتمشى
معها وتجيبها هنا وتقعدون لحالكم
فهد بیرود: حددنا تقريبًا ملكتنا بعد شهرين بعدين ليه شادها ؟
سعود:ليه شادها ؟ لا أبد بخليك تاخذ راحتك معها لاتجنني يافهد أختي جايبها هنا بهالوقت ولحالكم ماهي زينه لا بحقك ولا بحقها وأنتِ أرجعي مع السواق لا أجي هنا وأفصل رأسك عن رقبتك.
شفق: لا صار شور بيدك أفصل رأسي عن رقبتي يالله فهد نروح نشوف الخيول
مسك يدها:يالله
سعود بعصبيه هين شفق هييين
ريوف وهي ماهي متحمله وجود فهد ولا متحمله وجود شفق:سعود
معليك منهم خلاص أمش نرجع بيتنا ماعاد نبي ننام هنا.
سعود: تستهبلين معي أنت ؟لا الظاهر تستهبلين أختي هنا مع فهد أخليهم وأمشي
ریوف: سعود قاعد تصرخ علي ؟ انا شدخلني تحط حرتك فيني
سعود وهو معصب: ريوف ماتعرفين تسكتين يعني؟
توسعت عيونها وتكتفت وهي تعطيه ظهرها ، عند فهد وشفق.
شفق:قلت لاخوي أن ملكتنا بعد شهرين وأنت ماحددت ولا حتى علمتني ولا حتى بررت لي صوت البنت اللي سمعته.
فهد ببرود وهو يناظر الخيول ببرود:عادي بكره أمي تكلم أمك وتقول لها
مدة التعارف أنتهت ونبي نحدد الملكه.
شفق وهي ماسكه أعصابها:يابن الناس أكلمك عن البنت اللي سمعته يوم
رديت على أتصالي أنت صدق ماتبيني؟
فهد مسك يدها:لو مابيك كيف ليه بجيبك هنا ؟ ليه يوم عرفت أنك تحبين الخيول جبتك مزرعتنا.
شفق: يعني اكيد ماتحب أحد غيري.
فهد ببرود:أكيد
شفق مسكت يده:يعني خلاص شهرين بس ونتملك ونكون ملك بعض؟.
فهد بمشاعر مزيفه وكإنه يجبر نفسه حتى بالابتسامه الخفيفه:شهرين بس وتكونين ملك فهد لحاله.
شفق: ماراح تعلمني عن البنت؟
فهد: تغار منك.
شفق ضحكت :يعني نقدر نقول هذي معجبه وتبي تخرب بينا.
فهد تنهد:أكيد.
وصل سعود عندهم بعصبيه:شفق أنقلعي لريوف بتكلم مع فهد لحالنا.
فهد: شفق روحي ريوف قصده.
سعود:لا تنقلع لريوف.
فهد:والله أنتو خوان حيلكم بينكم.
شفق بغرور: فقير أخلاق وأسلوب وش نترجى من واحد خلنا ساكتين بس. سعود: شقصدك أنتِ؟.تقدم بكرسيه وقف فهد بينهم ، شفق بقهر: تبي تمد يدك يعني؟
سعود: أمدها وأكسرك هنا دام هذا لسانك معي.
شفق:هين ياسعود
سعود:وش بتسوين ؟ تعالي بس
فهد بعصبيه:سعود بتضربها قدامي يعني ، شفق روحي لريوف خلينا لحالنا.
ومشت شفق لكن أستوقفت وهي تتسمع لهم
سعود:أسمع يافهد أختي ماهي لعبه عندك أن كإنك تبيها فاستعجل وتملك عليها كلنا عارفين أنك تحب شيم ماتحب شفق أنا حاولت أني أرفض هالزواج بس شوفة عينك كنت بالمانيا والشور ماهو بيدي لكن الحين أنا رجعت وأعرف من عيونك أنك ماتحبها ولا تبيها ياخي لاتجرح قلب أختي على حسابك أنت وشيم ، شيم اليوم شفتها بالكوفي اللي تشتغل فيه ومتاكد لو أنك بتشوفها بتجدد لك المشاعر هذا اذا مو كل المشاعر
فهد: من قالك أني ماشفتها ؟ شفتها وأختك معي كانت بالكوفي بس ماتجددت المشاعر عادي مافرقت معي
شفق كانت تسمع كل شيءٌ وتكتفت بسخريه على شيم وهي تطلع جوالها وتسجل صوت
سعود بأنفعال: لاتكذب أعرفك أكثر من نفسي أنت باقي تحبها وتبي أختي تنسيك شيم
فهد: قلت لك مافرقت معي شفتها مافرقت معي ، بعدين مين قايل لك أني أحبها ؟ ومين قايل لك أني كل يوم أسج وأفكر عنها ؟ شيم ماعادت تعني لي شيء دام شفق بحياتي.
وصلت شفق للحكي المطلوب وأغلقت تسجيل ومشت
سعود: باقي تكذب يافهد باقي تكذب .
فهد: وش أقول لك أقول لك أني أكره قلبي باقي يحبها وهي مو معطتني
وجه ؟
سعود:تکره قلبك تحب قلبك مايهمني اللي يهمني لاتظلم شفق معك صحيح ماتجمعني معها ذيك المحبه بس أختي ولا أرضى واحد ينزل من قيمتها عشان يرضي نفسه ولا يرضي غروره عشان فلانه مابادلته بالحب لو
تبادله رمى أختي !
فهد:أختك على العين وعلى رأس صدقني متقبل أختك. وراح ، التقى بریوف: وين شفق؟
شفق طلعت من الصّاله الداخليه وهي تتقدم له:موجوده حبيبي
فهد: وحشتيني.
ریوف ناظرتهم بتقرف، ومشت وهي تدخل الصاله.
شفق:ندخل الصاله لانه الجو بارد. مسكت يده ودخلو ، وجلسو مسكت ريوف جوالها وصورت من تحت
وهي ترسل لهيام:وع أحسني بطرش.
هيام وشيم بالسياره، هيام مسکت جوالها ودخلت على المحادثه وكتبت:مين ذول؟
ريوف كتبت:فهد وخطيبته طلعت أخت سعود
هيام:أحلام العصر.
شیم ناظرت هيام وقصرت على الموسيقى: وش شفيك؟.
هیام بتردد مدت الجوال لشيم ، شیم مسكت الجوال وبلعت ريقها وهي تقرا وتشوف الصوره وكيف قريبين من بعض مايفرق بينهم حتى نسمه كتفه لاصق بكتفها مابينت قهرها ورجعت الجوال:يهنيهم بس صدق على قولتك أحلام العصر يعني سعود أقصد أخت سعود مع فهد أحلام العصر الزبده دقيتي على ليال قالت بتجي ؟
هيام: ترا هو الخسران هو مايستاهلك.
شيم: أتصلتي على ليال ولا؟
.............،...........
-عند سلمان طلع من الحمام ولاف المنشفه بخصره ، شافها لابسه عبايتها وتتمكيج
سلمان عقد حاجبه:على وين؟
لیال: مخنوقه وقلت للبنات يمروني.
سلمان: أستاذنتي مني؟
لیال: ماحس له داعي
قاطعها بعصبيه: له داعي شلون تطلعين من غير أذني تبين أضربك عشان أعلمك شلون تطلعين من غير ماتستاذنين ؟
ليال: ياخي أنت تطلع وتروح ماتستاذن مني أنا مخنوقه والله من جيت هالبيت ماطلعت أبي أطلع أشم هوا مشتاقه لصديقاتي.
سلمان: متى بترجعين؟
ليال:مدري ريوف بتجي الخميس قبل ماتبدا دوامها وبتنام عندهم ف بقعد عندهم لين السبت.
سلمان: تستهبلين معي يعني أنتِ مو رايحه تتمشين لا رايحه ومجهزه أنك بتنامين طيب انا وش قدامك مزهريه؟ أقلها تقولين لي سلمان عادي أطلع مع صديقاتي وأنام عندهم بقولك أي عادي دامك أستاذنتي أي عادي ما بمنعك من صديقاتك أنتِ متربيه معهم وعادتهم أهلك
لیال:سلمان
سلمان ببرود: نعم؟
ليال:عادي
سلمان: عادي وش؟
ليال:أطلع وأنام عندهم.
سلمان: أطلعي وكل شوي بتصل عليك، وأسمعي الجمعه العصر بجي وأخذك.
ليال بعبس: أقولك ريوف بترجع السبت
سلمان بأنفعال بعصبيه: وانا وشدخلني بريوف متزوجك ولا متزوج ريوف ليال : أبي أقعد معهم . هنا ماعندي أحد.
سلمان أوف خلاص السبت بجي أخذك.
ليال:الليل.
سلمان:العصر أحمدي ربك سامح لك تنامين عندهم خمس أيام غيري مايرضى زوجته تطلع مع صديقاتها.
دقت هيام على جوال ليال وصلو.
سلمان تقدم ياخذ ثُوبه ويطلع بوكه ويطلع بطاقتة الصراف:رقم السري . ٣٦٨٤
لیال :مشكور معي فلوس
سلمان: قلت خذيها لايكثر ماسالتك.
ليال:خذت البطاقه وأنت؟
سلمان: لاتخافين لو بشتري شيء فيه أبل باي.
ليال:شكرا..
وراحت وأستوقف عند الشباك وترقب خروجها للحوش وخروجها من البيت الكامل، ماتوقع أن يبي يشوف وناستها بعد ماكان يبي يشوفها متعذبه قدامه.. لكن اليوم حزن عليها بسبب حالتها وناظر كيف بعض العطورات تكسرت من أنهيارها وتأفف وهو يمسح على رقبته
...........،.......
بالمزرعه وهم يتعشون بيتزاً
شفق بغرور: الا ريوف حبيبتي كيف العيشه بالسجن يعني فعلا تاكلون عدس يوميًا ؟.
فهد أستوقف بأكله ، سعود بعصبيه:وبعدين معك!
شفق:وش سالت سؤال حرام يعني دامنا ساكتين جاني فضول وش ياكلون بالسجن.
ریوف كان بيدها بيتزا حطت البيتزا بصحن وأستوقفت:الحمد لله..
سعود:ريوف كملي أكلك
تجاهلت سعود وراحت تغسل سعود لحقها فهد ناظر ريوف ثم ناظر شفق:ماتحسين سؤالك وقح شوي؟.
شفق وهي تأكل:لا مو وقح خلها تعرف أحنا مين وهي مين ماخذه راحتها
ولا كإنها خريجه سجون تفشل
فهد:واحنا مين؟ شفق نسيتي أبوي بالسجن نسيتي " بصعوبه وهو يقولها " أختي برضو كانت مسجونه يعني مفروض تتفشلين مني صح ولا ؟
شفق:حبيبي لاتقارن نفسك فيها أبدا بعدين أختك أنت متبري منها ما تعترف أنها أختك وأبوك كنت تقول أنها مايشوفك ولده يعني ابدا ماتتقارن فيها.
فهد:شفق ممکن لو ولد قلنا نظرته أو عقليته متخلفه بس أنت بنت والشيء اللي صار حساس يعني مفروض ك بنت وتعرفين مشكلتهم مفروض تفتخرين فيهم أنك ذبحو شخص متحرش دفاع عن النفس هذا وأنهم أنظلمو بتهديد وحده اللي هي خالتي مو عيب تتفشلين من هالشيء ؟
شفق:يعني أنت تفتخر بأختك.
فهد:أرجع وأعيد موضوعي وأنا وهيام مختلف لكن كونها أنسانه ثانيه مو
أختي أي بفتخر أنها ذبحت شخص حاول يتعدى عليهم ترا هالبنات مرو بفتره وأيام يعلم الله بحالهم لاتضحكين عليهم وربي يبلاك لاتذكرين شخص يحاول ينسى همه لكن كذا بتكونين وقحه. وقف وراح
شفق:صرت بعيونك وقحه الحين ؟ هين يافهد والله لا أخليك تركض وراي.
ريوف وهي تغسل يدها لحقها
سعود:ريوف لاتبالين حكيها ماينشره عليها.
ريوف : لا أبالي حكيك لا أبالي حكيها يعني كإنك تقول خليك من غير أحساس.
سعود:ريوف حبي أنا اذا عصبت ماحس بنفسي.
ريوف بنبرة حاده:مشكلتك ماهي مشكلتي حس بنفسك ماهو عذر ترفع صوتك علي متى مابغيت وتتعذر أنا ياريوف اذا عصبت ماحس بنفسي
فهد طلع من المزرعه بيرجع بيتهم وشفق بقت بالمزرعه مع سعود وريوف ، ريوف طلعت من الحمام وأستوقفت شفق: زعلتي عشان جبت طاري السجن توني أقول حبيبي فهد بروح أعتذر لها قال لي أنك مفتخره أنك مسجونه وأنك وين ماتروحين تعلمين الناس بسجنك صدق هالشيء؟.
سعود طلع وهو يتمالك بأعصابه : شفق يرحم أمك أبلعي لسانك.
شفق : فهد قالي مفتخره هي وصديقاتها.
ريوف: أي مفتخره تدرين ليه يوم كان عمري ١٧ سنه أقتل شخص كان يحاول يغتصبني ومفتخره أني قتلته وبرضو أشجع اي بنت تتعرض للتحرش أنها تدافع عن نفسها لو بالقتل عندك شيء ثاني
شفق بسخريه:يمه تخوفين بس صراحه مصدومه أنك أنت اللي تعرضتي
للتحرش صراحة مالومك نظرات الشباب كلها عليك.. حبيبي سعود
زوجتك جميله خاف عليها من عيون العيال تعرف يمشون ويتحرشون
فيها لانها جميله.
سعود بعصبيه: شفق أرجعي مع السواق أحسن لك عشان مأرتكب فيك
جریمه هنا ،
شفق:حلوه هذي زوجتك تخاف عليها أختك أمك لا ماتخاف أحد بس من يتحرش فيني ؟
ريوف : ماتحسين انك قليله أدب وتاخذين موضوع التحرش بتهريج ؟.
شفق: لا بالعكس.. طبعا سمعت أنكم بتنامون هنا خذو راحتكم أنا بختار لي إي غرفة تبون تعيشون جو رومنسي عيشو ماعندي إي مانع بس لطفا
مابي أزعاج عشان بكره الصبح نرجع سوا.
كانت بتروح مسك يدها بقوه برصة أسنانه:مافي نومه هنا كلنا بنرجع أمشي قدامي ياشفق
ضحكت شفق:أوكي
ومشت وطلعت وهي تشوف الحارس بغرور وركبت السياره وطلعت ريوف بعجله دون أن تسمح لسعود يكلمها وكانت بتطيح بس مسكها الحارس
أنتبهت شفق لهم ونزلت بسخريه: أوف أوف ياسعود الحق
وصل سعود كان منتبه لتقارب الحارس وريوف وناظرهم
الحارس: المدام كانت بتطيح
سعود وهو يحدق بالحارس بنظراته:خلها تطيح ليه تمسكها ؟
شفق:صراحة أكون صريحه أنا شفت شيء ثاني يعني الحارس حقك نزل من سيارته ومسح على كتف ريوف هذا اللي أنا شفته مدري بينهم شيء ياترى أو علاقه صداقه أو حركه عفويه!
أندهش الحارس من كذبتها حتى ريوف مندهشه وتُحدق بشفق بذهول نطق الحارس بأنفعال من التهمه:كذابه
سعود غمض عيونه من دون مايناظر بأحد:أركبو السياره.
ريوف وهي تحاول تتماسك بأعصابها تحس أنها بتنفجر من سعود وبروده
ومن شفق أختة ، ركبت السياره
الحارس ناظر بشفق بنظرات تقزز منها ونفر وهي تركب السياره التفت
على سعود ودفعه بالكرسي وركبه قدام وشفق وريوف ورا وكان المقعد
الوسطي فارغ مابين شفق وريوف بالطريق الكل كان ساكت بين سعود كان يتمالك بأعصابه وغضبه نطقت وكسرت الصمت السيارة ريوف وهي تقصد الحارس: وصلني بيتنا مو بيت سعود.
الحارس ناظر بسعود سعود هز برأسة معنى ودها وصلو البيت ونزلت ريوف من دون ماتتكلم وسكرت الباب بقوه ناظرها سعود وهي تمشي الا يسمع صوت شفق اللي يتوعد فيها سعود ناظر قدامه:ودنا بيت أبوي.
حرك الحارس بأتجاة بيت طلال ، عند وصولهم نزل سعود بالكرسي بمساعدة الحارس شفق أستوقفت عند الباب دق سعود على أمه تفتح لهم الباب..
نزلت نجلاء بهلع من جيتهم بهالوقت دخلت شفق وبعدها دخل سعود
ناظرتهم نجلاء بذهول سعود ناظر شفق ولا قدر يتحمل تقدم ودفعها على الارض وشد شعرها بعصبيه وغضب صرخت نجلاء وهي تسحب سعود لكن سعود لازال شاد شعرها ويصرخ:علميني وش أسوي فيك؟.
شفق بصراخ وهي تمسك شعرها بألم : أتركني
سعود ماعاد يشوف شيء من غضبه الا أن يذبحها بيدة يد صفعها ويد يسحب شعرها يتحمل الالفاظها يتحمل وقاحتها الا أنها تتهم زوجته بالخيانه وبالكذب نزل طلال بعجله خطواته بدرج ومعاه سيف اللي صحو من الضجيج اللي حاصل ببيتهم نجلاء وهي تحاول تفرق لكن طلال سريع مابعد كرسي سعود وسحب يدينه من شفق نجلاء جلست على الارض وهي تحضن بنتها الي أنهارت بالبكي نجلاء بغضب وقهر:ماتعلمني أختك شمسويه عشان تضربها
طلال التفت وأشر لسيف اللي كان واقف عند الدرج أن يروح هز رأسه سيف وراح لغرفته
سعود:حلو أنا أبي هالسافله تقول لكم وش مسويه علميهم
كان بيتقدم ويضربها لولا مامسکه طلال ، شفق رجعت ورا أمها بخوف..
طلال:شفق يابنتي علمينا وش مسويه عشان أخوك ينجن ؟
شفق بخوف وهي تبكي وشعرها تبهذل والكحل ساح على خدها:قلت له شفت ريوف مع الحارس وكان يمسح على كتفها وهو أساس كان شايفهم قلت له تراني شفته نزل من سيارته ويمسح على كتفها يمكن بينهم علاقه كنت أنبه منها..
نجلاء بغضب وهي تلتفت على سعود:تضرب بنتي عشان هالوصخه اللي جايه من هالشارع ؟
طلال ناظر شفق ثم التفت وتقدم لدرج وطلع المصحف ومسكه وناظر بشفق ببهدوء لاجل لايرعبها أكثر يكفيها عصبيه سعود:هذا اللي بيثبت لنا مين الصادق فيهم تعالي وأحلفي له أن كلامك صحيح وماتكذبين أن كانك كلامك صح أن ريوف خاينه ولدي مايرد ولدي الا طلاقها ونقطع سيرتها من يوم
ورايح .. تعالي أحلفي وأثبتي لنا أنك صادقه.
شفق وهي متمسكه بأمها واقفه خلفها ناظرت سعود ونظراته اللي تخوفها وترعبها.. أبتعدت عن أمها وقفت قدام طلال وناظرت القرآن أستشعرت بالخوف من قدام القرآن الكريم بكت ولفت جسدها وركضت وهي تصعد فوق وهي تبكي
سعود بعصبيه:شفتو كيف أنها كذابه ؟ قدام عيوني تتبلى على الحارس وعلى ريوف
نجلاء:قص يقص هاللسان شفق أختك ومن لحمك ودمك توقف مع اللي جايين بالشارع ضد أختك.
سعود: أنا متبري من هاللحم والدم مابيها خير شر أبيها تفارق عني وعن زوجتي لا والله يايمه أنك ماتشوفيني خير شر أذا بنتك ماعدلت تصرفاتها
مع هالمسكينه.
نجلاء: لما أقولكم هالولد مسحور ماتصدقوني
طلال برصة أسنانه:بنتك هي الغلطانه لو أني مو زوج أمها كان عرفت كيف أتصرف معها بس أعتبر غريب عليها .. بنتك أتهمت أنسانه أنها تخون
زوجها وطعنت بشرفها وأنتِ أنسانه مؤمنه وتخافين من عقاب ربك وتخافين من زور والكذب والقذف على مُسلمات وأتهامهم بهالشيء من الكبائر خافي ربك ياحرمه وأنصحيها.
سعود بهدوء وهو يناظر أمها:داري أنك تكرهينها بس لاتحاولين أنك تفرقين ريوف عني لان ماهيض قلب ولدك الا هي .. جيتك وأبيك بس تعتقينها لخاطر ولدك أن كان لي خاطر لاتخربين بيتي !
نجلاء بذهول:أنا أخرب بيتك ؟ سعود وش هالكلام أنا أمك.
طلال: أفهمي كلامه زين وأعتقي البنت أنتِ وشفق اليوم تتهمها بالخيانه بكره تسوي الاعظم وينهدم بيت ولدك.
سكتت نجلاء وكإنها أجتنبت بالحق بحكيهم صحيح ماتحبّ ريوف لكن خاطر ولدها وفرحته أهم.. خصوصا سعود أسلوبه تعدل معهم ولا ودها تخسره للمره ثانية ، هي أخطئت بعد ماتركت تربيته لعبد الله وأهملته..
..............،..........
"عند عبدالله".
اللي أمضينا عن طاريه لازال بالسجن وعلى سريرة ٥ سنين ولا أحد زاره وعقوبته لازالت غامضه مايدري عن عقوبته هل بينعدم ؟ هل بينسجن ٢٥
سنه ؟ هل بينفرج ويطلع ؟باقي الامر مجهول وينتظر .
على سريرة وصورة بنته حلا على يدة ، أشتاق لحلا مابين أخوانها كلهم أخر العنقود حايزه بقلب الابو دايم أخوانه هجروة ، وعياله وزوجته مريم محد سال عنه طيل هالسنين ماعاد لقاء أحد منهم بس يبي حلا بنته.. كار ينظر بصورتها والمسبحه مابين أصابعه عازل نفسه من أصحاب يي السجن ولا يحتك فيهم ودايم يقلل من قيمتهم ويعاملهم أنهم يشتغلون عندة
.........،...........
-عند ريوف دخلت بيتهم " بيت البنات" كانو مالهم الا نص ساعه من رجعتهم هم الثلاثه أستمتعو تعشو وتمشو بسيارة .. والحين بصاله يجهزون لهم فلم بين أنشغالاتهم هيام اللي كانت قاعده على الاريكه وتشوف شيم وهي تختار الفلم بريموت وليال كانت على جوالها التفتو بعد دخول ريوف
أستوققو هيام وليال
ليال عقدت حاجبها:ریوف؟
شیم وقفت بعد ماكانت متربعه على الارض:شفيكم كذا مصدومين أنه جايتنا ترا بيتها تجي بأي وقت
هيام:لانه قالت بتنام هي وسعود بالمزرعه
ریوف تأففت وتقدمت وهي تجلس على الاريكه وباين أنها متنرفزه جلست بجانبها ليال:ماتتكلمين شفيك متهاوشه مع سعود ؟سعود قایل لك شيء؟
شیم بعصبيه وهي تتقدم وتجلس على الطاولة:يخسي يقول لها شيء وأنا عندها قولي اذا سعود مضايقك ولا مزعلك بكلمه الحين أروح له وأكسر رأسه.
ليال: أنتِ بس شاطره تکسرین رووس أسمعي السالفه.
ريوف وهي مقهوره:خليها تروح تكسر رأسه وتكسر رأس أخته وأمه وكل
أهله.. قهروني
شيم بأنفعال:ماعاش من يقهرك علميني وش مسوي وأدبه لك.
ریوف: سعود صرخ بوجهي عشان حضرته معصب من أخته والحين أخته يابنات قاعده تتهمني أن بيني وبين سواق سعود علاقه بنات تتهمني علني قدام أخوها!
شيم بعصبيه : اللي أسمها شفق صح ؟.
لیال:وه معصبه من اللي تقوله ريوف وسعود لايكون سكت ؟.
ریوف: بكل برود قال أركبو السياره.
هيام وهي تجلس بالاريكة:بس كذا قال ؟ بدل مايكسر رأس أختة وينحرها
قالكم أركبو السياره .. ريوف كيف متحمله هالبارد
ريوف وهي ماسكه رأسها وتحس بتنفجر:ذبحني ببرودة كنت يمسك أخته وأضرب رأسها بالجدار وأحط سعود فوقها أبرد حرتي من بروده.
شیم:عطيني عنوان بيتهم وأنا الحين أبرد حرتك.
ریوف رفعت رأسها: ذي ماتستاهلين تنزلين لمستواها .. رافعه خشمها ومغروره تشوف الناس كلهم تحت وهي فوق
لیال:نکسره حبيبتي نكسره .. تراني ليال لا صار الموضوع عنكم أصير أجن من شيم عادي الحين أروح أنا وشيم نقطع شعرها.
ریوف:خلوها خلوها ماتستحق تعورون رأسكم معها بروح البس أنا بجامه وأمسح الميكب اللي حاطته.وراحت وصعدت
هيام تأففت: أف يعمري والله تحزن
شیم عقدت ب ملامحها وعبسته بعد ماشمت رائحة الحريق:هيام يالفاهيه الفشار شكله أحترق
ركضت هيام للمطبخ وتطفي النار وفتحت القدر وعضت شفايفها بعد
ماحترق الفشار ودخلت شيم ومعها ليال اللي كانت ترفع شعرها لذيل وتربطه لفوق وضحكو على وجه هيام.
شيم وهي تجلس على الكرسي المرتفع: شصار؟
هيام وهي زعلانه وتجلس بجانب شيم بالكرسي المرتفع الموجود على
طاولة الطعام:أسكتي بس جايه تتشمتين ولا وحده فيكم ذكرتني عن الفشار.
ليال: أقول بس هالمره عدت على خير.
دخلت ريوف المطبخ بعد مالبست بجامتها ومسحت الميكب ورافعه شعرها بالمشبك وتاركه خصلات من قدام وصعدت فوق الكرسي المرتفع
وجلست على طاوله وتربعت
ليال:ليه ماتجلسين على الكرسي؟
ريوف لانه فيني حش أبي أحش أبي اكب العفش كله.
ليال ضحكت
ريوف : أهخّ يابنات تخيلو كنت طالعه من الباب وكنت
بطيح الا المسكين يمسكني راحت بنت اللذينه تقول لسعود بينهم علاقه.
هيام بعد ماكانت حاطه إيدها تحت فكها بذهول:لحظه لحظه مين اللي
يمسكك ؟ سواق حقه ؟ ليه يمسكك ؟.
ليال:بعد تقول لك كانت بتطيح
هيام:طیب حطي نفسك مكانه لو وحده مسكت سعود بتغارين ولا؟.
ريوف:أنتِ عشانه ولد عمك تدافعين عنه ضدي ولا وش؟ أنا أختك قبل لا يكون ولد عمك.ضحكو ليال وشيم
ريوف وهي تناظر المطبخ:بنات ميته جوع بيتكم فيه أكل ؟.
شیم قاعده بالكرسي وهي حاضنه رجولها وتعطيها نظرة:بيتنا فيه أكل؟ لا تصدقين أنا وهيام لا جعنا ناكل من الشجر اللي بالشارع نظام المتزوجات عند أهلهم وين مطبخكم وين ثلاجتكم وين ملاعقكم هدي لا جو مالك أسبوع من رحتي
ضحكت ريوف ثم قالت وبوسط ضحكها:أخ يابنات قهرتني وأنا أكل تجلس
تسالني كنتو تاكلون بالسجن عدس ؟ .. أخ لولا الحياء من فهد وسعود كنت بقولها لا حبيبتي العدس أنتِ اللي تاكلينه أحنا ناكل كل يوم من مطعم وفيه ناس يطبخون بالسجن معززين ومكرمين بالسجن.
ليال ضحكت وهي ماهي قادره تمسك نفسها من الضحك ومن سوالف ریوف مندهشه من جملتها معززين ومكرمين !
شيم وهي ميته ضحك هي وهيام:خلوها معصبه دايم تكفون أخ بطني !
ريوف وهي متجاهله ضحكهم الهستيري: والله ماعلي منكم أنا أنسانه أدمنت السجن رجعوني أنسجن ولا مقابل سعود وأهله والجامعه.
ليال وهي باقي واقفه:على طاري الجامعه بشري المعدل يبشر بالخير ؟
نسيت أسالك.
ريوف ناظرتهم وهي تتذكر درجاتها: بنات.
هيام: النبرة ماتطمن بالخير.
ريوف وهي تحضن رجولها: أنا عندكم وحملت مادة وحده ، عند سعود تحسون كم سنه بقعد بالجامعه ؟لانه سعود والدراسه خطان مستقيمان لايلتقيان أبدا ، والله جالسه أفكر کم ماده بحملها وأنا عنده
شيم: أبو سعود شسمه؟.
ريوف: طلال ليه؟.
شيم وهي كاتمه ضحكتها:بيخليك تحملين بطلال مو بس بالمواد.
لیال فطست بالضحك حتى ماحمر وجهًا
ريوف وهي تحدق فيها: الله يرزقني بثقتك وأنتِ واثقه بسمي ولدي طلال معنى ترا طلال أبوه يستاهل تحسونه حنون طيب ماتحسونه أبو مو مبين عليه أن كبير !شفته مره يوم رحنا بيتهم يسولف مع عياله يابنات تحسونه صديقهم بينهم ميانة ، سيف أخو سعود فرق عن سعود ، بنات شوق أخته يابنات طيبه بالزياده كنت شوي وباكلها من حلاوتها مدري شلون صارت أخت سعود وشفق وأمها نجلاء أحس فيه غلط بالاعدادات الحين بعد ماشفت
شفق عرفت ليه العمات يسمونهم أفعات.
شیم وسعت عُيونها بذهول : شقصدك أنا أفعى يعني؟
ريوف وهي تحس لحظة إدراك وكتمت ضحكتها
هیام:زين لا جاك سعود يراضيك بترجعين معاه ولا بتتطلقين ولا وش؟. ريوف:لا حبيبتي ماني راجعه له الا لما أخته تعتذر لي وتعتذر للمسكين.
ليال فتحت الثلاجه ووسعت عيونها:كان فيه عصير شاريته وماظن أنكم تشربونه وينه؟
شيم:لا حبيبتي صرنا نشربه صار بديل للحليب الصبح مالنا خلق نسوي حليب نفتح الثلاجه ونشرب العصير أسرع.
لیال بنبره شخريه وهي تقلدها:والله ؟ يعني مالكم خلق تسون حليب بس لكم خلق تسون باستا الفجر وتفطرون برقر وتتعشون كبسه اللي ليتكم تعرفون تضبطونها فوضويين حتى بأكلكم.
ولفت وهي تناظر الثلاجه:ولا شيء مفيد بالثلاجه كلها شوكلت وخرابيط.. وين الفواكه ؟.
شيم وهي تناظر هيام:مدري اللي يتزوجون يصيرون غثيثين وثقال دم ولا بس صديقاتك أنهبلو ؟ وحده تسال عندكم أكل الثانيه تسال وين الفواكه یا خوان مطبخكم هذا لاتسون فيها أنكم ضيوف أي شيء ناقص جيبوه بعدين أنا وهيام ماناكل فواكه.
ريوف بغيض وهي تتذكر شفق:أف والله كله من شفق ماخلتني أكمل البيتزا مشتهيه بيتزا.
شیم بيتزا:بس تم الحين أدخل الهنقر ستيشن وأطلب لك بيتزا.
مسکت جوالها وهيام نزلت يدها : أنتِ هيه ساعه ۲ وش تطلبين !
ريوف وهي تناظر هيام:هذي ترا بذبحها مع شفق على فكره.
هيام:والله معليش بعد ساعه ۱۱ مابي أشوف مندوب واقف عند باب بيتنا
ليال وهي تطلع أربع علب زجاج كولا وتحطه على الطاوله: ماشفتي وشسوت فينا مروني أول ماجت ۱۲ بالضبط صرخت قالت رجعوني البيت خلاص صرعتنا بصراخها.
هيام:والله تحملوني ماحب أطلع والوقت يكون متاخر ولا أحب مندوب
يجي عند بيتنا أخر الليل.
شیم رفعت حاجبها:وليه أن شاء الله مايجي مندوب أخر الليل يعني أفترضي اني جعت فجاه ماطلب مطعم ؟.
هیام:مو شغلي أدخلي المطبخ وأطبخي ، بس ماشوف مندوب يوقف عند
ببيتنا الليل حدك لين الساعه ۱۱ غيره ممنوع خير بنات ماتخافون؟
شيم بذهول وهي تناظر هیام:یابنات قاعده تتكلم نفس فهد ! بغيض وهي تتذكر حكيه وتقلد نبرته بأستهزاء: ليه للحين قاعده بالمقهى ؟.
ماتخافين أحد يسوي لك شيء.. الاخت طلعت على أخوها
ليال عقدت حاجتها:لحظه لحظه متى شفتيه وشافك أنا ليه أخر من يعلم؟.
شیم بغيض وهي تنزل رأسها وتلعب بأصابعها:بالصدفه جاء هو وخطيبته هذي شفق ومن بعده صار ينشب لي يوقف بعيد ويراقبني.
هيام:يراقبك؟.
شیم:کم مره أنتبهت أن موقف بعيد ويراقبني لين ماطلع من دوامي ومره
جاني وقال أنا مستعد أفل خطبتي لو علمتيني عن شعورك.
ليال:وش قلتي له؟
شيم:وش أقول له قلت له روح الله يوفقك ماحس في شعور بقلبي لك لا كره ولا حب.
ریوف:الى متى بتسكتين عن مشاعرك له.
شيم بأخفاء مشاعرها وكإنه هالطاري ضيق خلقها ومنزله رأسها: مافي مشاعر له.
ليال:كلنا ندري أنك تحبينه الا أنتِ ، فرصة وجات لعندك وضيعتيها أكليها الحين لما تشوفين عياله بحضنه وأنتِ أكتمي الحب بقلبك.
هيام وهي تضييع الموضوع وتتكلم بطريقه مسرعه لاجل تلفت أنتباهم عن شيم: بنات خلني أعلمكم عن فارس.أء فارس وفهد طبعًا صارو مشاهير مو مشاهیر مره بس يعني مقاطعهم منتشره يعني المقطع اللي شهرهم هو أن فهد يغني وفارس يعزف وبعده كل واحد أتجه لحلمه وموهبته وصار عندهم متابعين واجد ، وفهد صار لاعب عاد كيف صار لاعب وأنشهر بسرعه مدري لكن دنيا حظوظ وأرزاق.
وأبتسمت عند طاري فارس:وفارس توقعون كيف التقيت فيه؟.
ريوف بهدوء بعد ماكانت أنظارها على شيم:كيف؟.
هیام ناظرت ريوف:نقدر نقول أني تشجعت شوي بعد ماشفت أن عنده أفتتاح تدرون فارس صار رسّام ومعروف والكل يطلبه برسمه وكل رسمه ياخذ عليها مبالغ كبيره.. رحت له الافتتاح وناديته بنفسي.
ليال شهقت:رحتي له يالخفيفه؟
هيام حدقت ب ليال:لو مارحت له كان ماعرف عن أرضه وسماه وهو كذالك وأحمد ربي أني تشجعت ورحت له بنات فارس كانت نفسيته تعبانه وخواني ماقصرو مانعين أحد يقول له عن مكاني! اللي مخوفني أن مستعجل على الزواج وفهد أحس مايبيني أكون زوجه صاحبه.
ليال بعد ماشافت شيم تلعب بأصابعها وهيام متكدره أشرت على ريوف
ريوف وهي تنزل من الطاوله:أء بنات قاعده أقولكم جوعانه كله من شفق ماخلتني أكل انتو بعد ماراح تاكلوني من أكلكم ليال حبي شوفي وش موجود بمطبخهم.
شيم: رجعو يقولون مطبخهم وأكلهم يالله أنك تصبرني.
ريوف وهي تفتح ثلاجة الفريزر وتطلع أسكالوب الدجاج وبطاطس
المقلي: هيام حبي أقليهم.
هيام وقفت وهي تاخذ الدجاج منها ، ريوف طلعت الصحون وشوك وغسلتهم ونشفتهم خلصت هيام القلايه وريوف تقدمت وهي توزع على كل صحن قطعتين دجاج أسكالوب وكميه بطاطس ، وعلى كل صحن وزعت حبة خس مع شريحة لليمون.
ووزعت عليهم الصحون وشوك وسكينه.. شيم وهي وأقفه فتحت علبة الكولا زجاج بأسنانها
شهقت ليال:حماره أنتِ ؟ فيه مفك بتتكسر أسنانك وأنتِ تفتحين الكولا من أسنانك..
شیم :خزتها فتحت حقك؟.
ليال: لا
شيم: أجل مالك دخل فيني.
ليال: أي بكره تتكسر أسنانك يادفشه.
ريوف وهي تعصر الليمون على دجاج:شيم وأنتِ واقفه جيبي الكاتشب.
شيم وهي ترجع بالمقلوب وتفتح الثلاجه وتطلع الكاتشب وتسكر الثلاجه برجلها وتقدمت لهم وتمده لريوف
ليال وهي تاكل:تصدقون عاد بيت سلمان ماقد کلیت فيه الا وجبتين بس
أحس ميته جوع ويمكن بعد شوي أطلع شيء وأقليه بعد.
هيام وهي تناظر ليال:يعمري مستحيه منه يعني؟.
ليال وكإنها بتغص من لقمتها:بكذب يعني.
شيم قالتها من دون ماتحس:شدعوه شدعوه تستحين منه أنا لو بتزوج ليله زواجنا أخليه يوقف عند مطعم بخاري ناخذ لنا نص حبه.
ريوف وهي تضحك:حلو يعني معترفه أن بيجي يوم وبتتزوجين.
شيم:يعني من اليوم وأنتو ماعندكم موضوع الا الحب وزواج لوعتو كبدي..
قاعده أعطي مثال شدخل أني بتزوج لوعتو كبدي
ريوف غمزت لها:حلوه وأنتِ معصبه
شيم صدت وجها بتمثيل لغضب وهي كاتمه ضحكتها.. هیام وقفت:أنا شبعت.
ريوف: وأنا بعد " صفقت بيدها" يالله حبايي ليولي وشيمي عليكم تغسلون مواعين وكذا.
قامت ومعاها مشروبها اللي بتكمله بغرفتها، ولحقتها هيام بعد ماخلصت مشروبها وغسلت يدها.
لیال كانت بتقوم ، مسكتها شيم:والله ماتقومين تغسلين معي!
بعد ماغسلو المواعين ونظفو المطبخ ، بعد أذان الفجر صلو وكل وحده بغرفتها طبعًا ريوف وهيام بغرفة وحده.
ليال بعد ماصلت سمعت صوت هيام وريوف وعرفت أنهم صاحين طلعت من غرفتها ومعاها بطانيتها ودخلت عليهم وهي تحس بالرهبه أنها تنام لوحدها بعد اللي حصل لها: بنات عادي أنام عندكم الليله؟.
ريوف قاعده على السرير وضامه رجولها لصدرها وتناظر بجوالها: تعالي
هيام اللي ترطب وجها بكريم ورافعه شعرها وهي مستغربه:أكيد عادي .
فيك شيء؟.
ليال: لا بس حسيت ودي أنام معكم.
تقدمت وأنسدحت بجانب ريوف هيام جلست بجانب ليال وأصبحت ليال بوسطهم.. بعد دقيقتين أنفتح باب غرفتهم وكانت شيم معاها بطانيتها:إيا الخونه..
ركضت ونقزت عندهم:مالي شغل بنام معكم أصبح رأسها على فخُوذ ليال، ريوف : أساسا توني داخله الواتس كنت برسلك صاحيه ولا.
شیم:ترسلين لي؟ شدعوه ناديني وأسمعك محسستني غرفتي تبعد عنكم الف كيلو.
سعود بنفس الثانيه بعد ماشاف أنها متصله بالواتس أرسل وهو يكتب:
ريوف.كتب " أعرف تواقحت معك بأسلوبي لكن كنت معصب من شفق وكيف خربت ليلتنا أعتذر عن كل اللي صار .. تراني ماسكت لها غسلت شراعها وأدبتها وبتجي تعتذر منك طرق عن خشمها لاتظنين أني بصدق كلام أحد عنك.
ریوف: سعود أرسل لي يعتذر.
ليال وهي تدخل الواتس: سلمان أرسل لي كيفك قبل ثلاث ساعات والحين
رأسل أستفهام ومتصل بالواتس.
هیام:فارس رأسل لي قبل ساعتين صوره ياخذ رايي فيها ومانتبهت لرسالته.
شيم وهي تدخل الواتس:وأنا مديري رأسل لي أن خصم من راتبي ٣٦٠ريال. ريوف كتبت لسعُود:بس سكوتك وبرودك قهرني أكثر من كلام أختك لو
شخص ثاني قال هالحكي بتقول له طيب وبتمشي؟.
سعود وهو يكتب بسرعه وينطق الكلام اللي يكتبه:لو شخص ثاني ممكن
أقل شيء أقطع لسانه قدام عيونك ثم لي تصرف ثاني معاة بطريقتي ، لكن شفق أختي أتوعد وأضربها بالبيت والعن خير خيرها ماهو قدام الحارس ولا بالشارع
ريوف عقدت حاجبها وهي تقرا رسالته:"ضربتها؟".
سعود كتب لها:ومسحت وجها بالارض بعد طول الطريق وأنا أتوثم فيها.
كتب"بتصل عليك".
ريوف كتبت: " لا "
سعود: دقيقتين وبقفل.
وأستوقفت ريوف وهي تطلع من الغُرفه وتدخل غرفة ليال
الا يتصل سعود وردت بغضب:شبغيت؟.
سعود:أسمعيني أنا والله العظيم أني ماكنت أقصد أرفع صوتي عليك بس شفق جننتني وأنتِ الله يهديك تكلميني وأنا معصب بعدين أنتِ تتوقعين
أني بصدق كلامها
ريوف:شفتك ساكت ولا أهتميت قلت أكيد بتصدقها أنت أساسا كنت
حاط لي ناس يراقبوني قلت أكيد بتصدق أختك.
سعود: ريوف وش قالو لك ؟ أي أحد يقولي زوجتك تسوي كذا بصدقه ؟ شايفتني ناقص عقل؟. أوكي أنا بنظرك سعود المجنون سعود المريض.
بس ماتجرا أشك فيك ضربت شفق ضرب مايرحم لو مابعدوها عني كان
ماتت على يدي وش تبين بعد؟ حقك وخذيته منها وأمي أخذت وعد منها
أنها مابتسوي لك شيء ولا تضرك وأنها بتمسك بنتها عنا
ریوف:ما برضى الا لما تجي أختك وتعتذرلي وتعتذر للحارس وتعترف بكذبتها وأنت شخصيا بتعتذر له قدامي بعد.
سعود بحدة: أنا أعتذر ؟ هيهي تراني سعود مو أنا اللي أعتذر..
ريوف بذهول : ليه الاعتذار بتكون أهانه عندك ؟ على العموم ياسعود أنتهى
وقتي معك فيني نوم بنام لاتزعجني
وسكرت، وتأفف سعود من أسلوبها وسيطرتها عليه..
- بغرفة البنات؛
ليال ردت على سلمان: معليش مانتبهت لجوالي .. أنا تمام".
سلمان وهو بغُرفة نوم كتبت لها "متى رجعتو البيت؟".
ليال:١٠
سلمان: "أهم شيء أنك أستانستي وغيرتي جو؟".
ليال: "أي الحمد لله".
سلمان :" يكون بعلمك السبت جاي وماخذك
قرأت ولا ردت، كتب لها: "وينك بدق عليك".
ليال كتبت له: لا تدق أنا مع البنات نايمه بعد اللي صار ببيتكم خايفه أنام لحالي".
سلمان تنهد وكتب:تمام اذا أحتجتي شيء علميني وأتمنى أي مكان تروحين له معاهم تستاذنين وتعطيني خبر أول مارسل لك تردين لي ثلاث ساعات أرسلت لك ولا رديتي خفت أن فيك شيء لاني أتصلت عليك بس يقولي مغلق .
ليال:أحط جوالي على وضع طيران عشان كذا .
سلمان " لاتحطينه لوسمحتي". كتب مره ثانيه " تصبحين على خير".
قرأت ليال ولا ردت أنسدحت وشيم رفعت رأسها تعدلة..
ريوف دخلت الغرفه وسكرت الباب ومشت وهي تجلس بمكانها وتنسدح حصلت مداعبات وضحك هستيري ثم نامو
.............،...........
"الصبح".
شفق بغرفتها مانامت بعد اللي الضرب تعرضتة من سعود ومعصبه جدًا ومقهوره أن امها نامت ولا أهتمت
سعود دخل الغرفة ، شفق وقفت بخُوف سعود وهو مو طايق يشوف وجها :إنزلي تحت واعتذري للحارس وأن ماعتذرتي والله ياشفق أن اللي سويته فيك أمس ولاشيء!
شفق بأنفعال: تهددني ؟ أقول نسيت نفسك أنت أحمد ربك مابلغ عليك
وأقول مُدمن مخدرات وتاجر.
سعود وسع عُيونه والغضب باين من عيونة ، شفق وهي تلبس عبايتها
وتحط الطرحه على كتفها : شفت أنك ماتقدر علي ! ومرت من جانبه الا يدفعها على الارض ويدعس الكرسي على قدمها ويرص بأسنانه رغم أهتزاز الكرسي: ماهو أنتِ اللي تهدديني بتعتذرين من الحارس ومن ريوف عشان ماكلم أبوك وأقول له عن فهد وأقول له جايه معاه المزرعه لحالهم وأقول له بعد أن يفل الخطبه ويكنسل كل شيء تراني قادر أشويها ..
شفق بألم:سعود رجلي!
سعود بعصبيه غير مبالاه:الحين تنزلين تعتذرين منه وتعترفين له أنك تبليتي عليه ! بعدها تروحين معي بيت ريوف وتعتذرين لريوف وأن طلب الامر تبوسين رأسها بعد!
شفق بألم ودمعتها على خدها:سعود أختك أنا تذلني عشان زوجتك ؟.
سعود ببرود:لو ریوف مسويه نفس قذارتك كان خليتها تسوي نفس الحركة.. بعد عن رجلها وقفت وهي تحس بألم من ناحية قدمها صرخ عليها حتى
ماكتمت بكاءها: روحي أعتذري منه!
شفق:سعود تکف..
سعود: روحي أعتذري.. أخر مره أقولها لك!
شفق تأففت بتضجر وطلعت الغُرفه ونزلت وهي تبكي وطلعت للشارع شافته وأقف عند سياره وعلى جواله..شفق تقدمت له بغيض ورفعت رأسها وهي تناظر سعود اللي يناظرها من شباك ونطقت الجمله بغضب وكإنه تشعر كبريائها وغرورها أنهشم:أسفه !
التفت الحارس عليها بسخريه:على وش أسفه ؟
شفق بغيض:لا تسالني على وش .. قلنا لك أسفه وأنتهى !
الحارس:أجل لاتعتذرين من غير ماتعلميني عن السبب وأعتذار المجهول ما تقبله..
شفق بغيض وهي تتمالك أعصابها : أسفه أني تبليت عليك زين كذا ؟.
الحارس:أعتذري لريوف زوجة العم سعود.. مو لي.
شفق تكتفت بسخريه: العم سعود دام سعود عمك ف أنا عمتك.
الحارس:صدق لا قالو ملعونه الحاجّه اللي تذل الرجال وتوصله أقصاه !
هي مسأله وقت بس
ركب سياره وتارك شفق اللي تعقد حاجبها بعدم الفهم
.............،..........
"بيت فهد"
نزلت حلا الا ترتعب من خروج هناء من المطبخ لتحدق فيها هناء بنظراتها المرعبه بالنسبه لحلا تخاف من وجها المشوه والعين الفاقعه مايبين الا بياض عينها ركضت فوق بخوف..
عند غرفة فهد قاعد على سريره وحمد واقف يتكلم معاه.
فهد رفع حاجبه:ماتتكلم ماتنطق داخل ومسكر الباب؟.
حمد:فهد تكفى ياخي أنت أخوي الكبير بس مالك حق تمنعني من أختي شفيها اذا رحت وتعرفت عليها ياخي والله أني متشفق لشوفتها
فهد وقف:أنّ رحت حشيت رجولك حش ، متشفق لشوفتها من متى المعرفه ؟ أترك الفلسفه عنك وخلها بعيده عنا لا نشوفها ولا تشوفنا ماعاد أبي أسمع طاريها.
حمد:طيب ليه فهد ليه ؟ عطني سبب واحد لكرهك لها
فهد ببرود وهو يرفع بأكتافه:ماحبها مادانيها ماطيق حتى أسمها أسمها صار كابوس بحياتي وين ماروح أسمع أسمها
حمد بأنفعال: تبريراتك أبدا ماهي مقنعه وليكون بعلمك أني بقابلها رضيت ولا......
ماكمل حكيه الا فهد كان بيمد يده
حمد :تمد يدك علي؟
فهد أبتلع ريقه وسكت وهو ينزل يدة بهدوء غريب: لقاء معاها مافي .لاتجيب طاريها عندي ! طاريها نحس وأسمها هم على قلبي !
حمد وهو يحمل القهّر:مانعني من زيارتها بالسجن ويوم طلعت ماتبيني أزورها ؟.
فهد بعصبيه : من زين المكان عشان تزورها فيه !کلمه وقلتها لك روحه لها مافيه تسمع مالنا شغل فيها عندها أبوها يهتم فيها مالنا شغل نتحمل بلاويه..
حمد : أختك صارت بلوه ؟!
مريم فتحت الباب ودخلت وعقدت حاجبها شفيكم ؟
فهد: ولدك الرقيق يبي يروح ويقابل هيام
حمد بعصبيه بأتساع عيونه:رايح أسوي منكر ؟ كلها مقابله ومن حقي
أتعرف على أختي وأتقرب منها
فهد: ماعندك أخت غير حلا غيرها مافيه
مریم:خلاص ! حمد سكر الموضوع بعدين نتفاهم عليه " أشرت معنى أسكت".
حمد: يمه مو عشانك تغلينه أكثر مني تشوفين كل اللي يسويه صح تراني ولدك مو هو!
فهد ناظر حمد تكسد بداخله كسرة من هالجمله يأنها موجعه وغليظه على فهد
مريم بعصبيه من حمد:حمد قص يقص هاللسان
حمد أحتواه الندم من جملته اللي قالها بأنفعال من غير أحسّاس..فهد ثم أخذ جكيته وطلع
لحقته مريم وهي تمسك كتفه:أمي فهد أمي معليك من أخوك أنا أمك وش مايقولون لك أنت ولدي بكري اللي ينشرح صدري لا سموني أم فهد معليك من أخوك اللي بقص لسانه الحين.
الحين مشى ونزل قابل أمه هناء الحقيقيه ناظرها بغيض ومشى وطلع من
مریم دخلت على حمد اللي رفع يده ويحلف : أقسم بالله أني قلتها من غير ماحس وأني ماشوف فهد غير ولد أمي وأبوي بس فهد قاهرني يايمة والله قاهرني مايبيني أقابل هيام .. مايبيني أتقرب منها كل مافتح له هالطاري يعصب ويصرخ علي يمه أنا معطيه كل الاحترام عشانه أخوي الكبير بس مايصير كذا ماهو معطيني المجال اللي أفرض شخصيتي معاملني معامله طفل ماله راي ولا كاني داخل العشرين وقراراتي بيدي كل ماحاول أتقرب من هيام أجلس اخاف منه لا يسوي لنا مشكله..
تنهدت مريم:ماقول غير الله يهديه بس فهد ماهو الاولي اللي نخبره حنين
فهد أخوك تغير ۱۸۰ درجه ! وأنت الله يهديك هذي كلمه تنقال له؟ .
جالس تزيد عليه هم
حمد:من غير ماحس والله ولا أنا عارف فهد ولدك لو وش مايصير !
مريم بتفكير وهي حاطه إيدها على خُصرها:الا قلت لي بتقابل هيام؟.
حمد أي يمه خذيت عنوانها من سعود بس يمه مستحي تحسين عادي
أروح بيتها وأقابلها من غير موعد ؟.
مريم: أي يمه عادي هذي خيتك تروح لها بالوقت اللي تبيه
حمد:مستحي وخايف فهد يجينا ويخرب علينا أبي أقابلها بسلام.
مريم: لاتستحي أخذ أختك حلا وروحو
حمد:حلا؟ أنجنيتي يمه ذي ماتسكر فمها عند فهد كل شيء تقوله له!
مريم بصوت عالي: حلا ياحلا
دخلت عليهم:هلا ماما.
مریم بهدوء : تعالي حبيبتي تعالي
حمد:يمه والله بتنكبنا عند فهد.
تقدمت حلا لمريم ومريم أنحنت وهي تمسك كتف حلا:نقولك سر بس ماتعلمين أحد خصوصا فهد .. اللي يحفط السر الناس تثق فيه أما اللي يفش السر ومايكتمه الناس تكره ولا تحترمة أوعديني يالله ماتعلمين أحد
حلا:وعد.
مریم ناظرت حمد وثم ناظرت حلا:بتروحين أنتِ وأخوك تقابلين أختك هيام.. عندك أخت حلوه مثلك مو كان ودك يكون عندك خوات؟.
حلا وهي تحس بالحماس:متى؟
مريم وأبتسم حمد أبتسامه جانبيه على براءئتها ورقتها عند طاري الاخت :العصر الحين روحي تسبحي ثم ناديني أستشور شعرك ضحكت:وتلبسين أحلى لبس
حمد:يمه تراك بتروحين معنا محتاج بس تشجعينا لانه صراحه مستحي ولا أعرف كيف أبتدي بالحوار معها.
مریم وهي تعدل وقفتها:شوفو أنا بروح معكم أسلم عليها ثم أرجع مع
سواق وبالمره أرجع لهناء مايصير تقعد لحالها وعشان لاتشك أن رايحين
نقابل هيام وتعلم فهد.
حمد بحدة:وهي شدراها أن بنقابل هيام ؟ حتى روحتنا لهيام بالسر كانه رایحین نسرق مو نقابل أختنا
.............،...........
بالسياره فهد ركب الا يتصل عليه سعود ورد بهدوء: نعم؟
سعود بعصبيه وباقي بغُرفة شفق:تصدق أنك حقير ولا توقعتها منك !
فهد رفع حاجبه:خير أن شاء الله شسويت بعد؟
سعود: شفق شدراها عني مافي أحد يدري عن هالشيء غيرك.
فهد ببرود وبعدم فهم:درت عن وش؟ شتخربط أنت؟.
سعود بلعثم الكلام وهو كاره هالطاري لانه محد طيحه الا هالشيء: فهد هالشيء محد يدري عنه غيرك لاتستعبط معي المُخدرات شدراها أني
أني كنت أبيع مافي غيرك يدري عن هالشيء
فهد بعصبيه:أولا أستح على وجهك داق علي من صباح الله خیر تسفل
فيني أنا ولد عمك ما غدرك قدام أختك وأطيح نظرتها فيك روح لامك وأبوك هم اللي يدرون
سعود سكت وكإنه مندهش ،
فهد: ليه أنت ناسي يوم طحت علينا وديناك المستشفى " برصة أسنانه" شافو السم اللي تاخذه من ضمن دمك أهلك عرفو أنك مدمن لاتحط الغلط علي روح حط الغلط على أهلك.. ثانيًا لاتنسى أبوك كان عارف كل سواليفك ف لاتحط كل شيء على فهد ! فهد غدر .. فهد فعل .. فهد سوا .. أعتقوني ياخي.
وسكر ومن قهره من أخوه حمد ضرب دريكسون بقوة ، حرك وهو تايهة كل شيء يتصارع بداخلة صارت أفكاره غريبه ومشتته، يسوق ولا هو داري وين وجهتة وين طريقه ؟ كل الطرق تجيبه لها أستوقف بمكانه نفس كل مرة ! أنتظر مابين ساعه وعيونه على المكان ، طلع المدير من الكوفي وهي وراة..
شيم:ترا ماصارت كل شيء خصم خصم لو أتنفس خصم لو أضحك خصم! ترا مابقى لي براتب شيء وأنا قلت لك وبدر قال لك عن ظروفي لو مو محتاجه هالوظيفه ليه ببقى فيها وأنت كل شوي خاصم مني ؟!
المدير ببرود:عزيزتي شيم أنتِ تتركين شغلك وتجلسين مع زباين هذا لحاله خصم وأحمدي ربك خصمت على هالشيء ٣٦٠ ريال ! ثانيًا فيه كم كوب أنكسر منك فاكيد بخصم عليك خصم عالي !
شيم وهي تستمع لمدير الا عيونها أنتبهت لفهد وأجتمع الغيض بداخلها وناظرت المدير اللي سالها: فهمتي يا عزيزتي؟
شيم : أي أي فهمت.. ركب المدير سيارته وحرك
شيم باقي وأقفه وتناظر فهد والتفت وهي تتاكد أن المدير راح
مشت لمكانه وهي معصبه أنتبه لقدومها وعدل جلسته كان بيحرك الا
تضرب الشباك بقوه أنفزع منها وأرتبك ماله عِذر لاسئلتها
شيم وهي تحاول تفتح الباب ضربت الشباك بقوه:أفتح
ضغط الزر بطبعه وفتحت هي الباب وهي تسحبه من جكيته وتثبته على باب السياره: ماتعلمني شتسوي؟
فهد بحاله غريبه أقرب تشبيه لحالته أن ثمّل:رجولي ماعاد أحس فيها جابتني لعندك !
شیم بلعت ريقها وبغضب وهي تدفعه على السياره وماسكه ب قميصه بإيدينها الثنتين:دام الله جابك أمسك خطيبتك عن أختي لا والله أوريها
شيء عمرها ماشافته تفهم؟!
رجعت لورا وهي تلقط أنفاسها بقهر بعد ماتركت فهد..
فهد باقي ساكت وهو يناظرها ولا رمش بعينه تقدمت له شيم:عيونك عيونك..
فهد دخل إيدينه بجيب جكيته الاشود:أناظر عيونك تحت هالغُيوم وأسمع تهزيئك ماتوقع فيه أحلى من هالصبح !
شيم بأستغراب من هلوسته وحكيه الغريب سؤال: أنت مريض اليوم ؟ مضيع باب المستشفى وجايني ؟
رفعت يدها وهي تحطه على جبهته: الظاهر مسخّن غمض عيونه وهو يشوف كفها على وجه طبع بوسه على كف يدها وشهقت وهي تنزل يدها أحتضنها الخوف والمشاعر ومصدومه منه فهد صد بوجه يتمالك دمعه عينه لاتنزل قبالها:ليه تصيرين دمعه طرف العين ؟.
شیم تمالكت نفسها بالقوه على مشاعرها:ليه تصير وجع القلب ؟
فهد التفت بعد ماكان صاد وجه ناظرها بذهول:أنا وجعتك ؟ ولا أنتِ توجعين نفسك وقلبك ؟. بعد مافات الفُوت تقولين ليه تصير وجع القلب !
أساليني ليه كل ليله أوقف وأراقبك ؟ بس عشان أشوف اللي قدر ياخذك مني اللي قدر يكسبك مع أن متاكد لو بشوفه معك مره ثانيه أقل شيء أني أبرحه من الضرب أو أدعس عليه بالسياره أو أني أقطعه وأرسل لك أوصاله..
شیم بذهول شقاعد تقول أنت؟. ؟
فهد أقترب منها:منهو هذاك اللي كان يحضنك وأنا كنت موجود؟شیم رجعت بخطوه لخلف وكإنها عرفت أن يقصد بدر فهد:أعرف مالك بالحبّ وخرابيطه متى أمداك تشوفينه ؟! بصراخ من الغيره اللي أعمته مايشوف غير شرار بعيونه:متى شافك وشفتيه وحبيتو بعضكم ؟.
شیم رفعت نفسها وهي تصفعه كف حتى ماخلته يصد بوجه..شيم وهي تستفزه لتبرد خاطرها المغلي : تبي تعرف متى حبينا بعض ؟ تونا حبينا
بعض خطبني وافقت!
فهد التفت عليها وهو يناظرها بصدمه : أعقبي !
حس بمرارة الشعور مجرد ماقالت خطبني مسكها من أكتافها بجنون
وحركات لا أردايًا بعصبيه وهو يشدها له وأرتعاش جسّده وهو مصدوم أبتلع ريقه : ماتاخذينه ! شیم ماتاخذينه والله ماتكونين لغيري
شیم بدمعه:بس أنت خذيت غيري ولا أنتظرت ؟ وأنا أنعاف خاطري منك
فهد.
فهد: شیم لاتقسّين كفايه قسّى ، لانظلم شفق واللي خطبك أنا أبيك لي
صرخ بوجها:أبيك لي لاتروحين له لاتروحين لغيري عشان مادفنه وهو حيّ .. لانه ماعاش من ياخذك مني ماعاش!
بنبره هادية وضعف : كفايه صدّ يابنيه والله العُمر فوات يا أعيشها وأنتِ معي يا أموت وقلبي عندك! خطبتها عشان أنساك وأعيش حياتي ولا دريت أن لو أخطب أربع ماينسوني حبك ، محد قادر ياخذ مكانك بهالقلب والسبب أنتِ أعميتي عيوني عن الخلق ! کل ماضحكت تخيلت ضحكتك كل مابتسمت تخيلتك ، تخيلتك قدامي ! عايش معها على الخيال ! ظالمها ولا قادر أسامح نفسي حبتني وأنا أخترت اللي يدعس علي
شیم ناظرت بعيونه كانت عيونها متلمعه بدمعه نطقتها وهي متمالكه نفسها : الله يوفقك معها هذا أخر كلام
فهد غمض عيونه وبعدت عنه بعد ماكانت قريبه منة ومشت وهي تعطيه ظهرها ودموعها على خدها
فهد بنبره مهزوزه دمعه على خده: شيم ماقوى أشوفك مع واحد ثاني ! قلت لها لك قبل خمس سنين ماهو أنا اللي يشيب رأسي بعنادك قلتها وكلي ثقه
وأنا الحين أقولها لك وكلي هزيمة أمتلى شعري بالشيب والبلا بعنادك
نطقها بصعوبه:مع السلامه يابنية أنا بروح ولا تظنين لي رجعه أو محاوله بعد .. خلي عنادك ينفعك وعسى الله يهنيك معاه !
ركب سيارته ، وهي ركضت لكوفي ودخلت دورة المياه.
فهد بالسياره وكل مابقلبه يحرقه من الغيره نطقها بغضب:الله لا يهنيك
معاه الله لايهينك معاه
شیم سكرت الباب وجلست على الارض وهي تبكي وهي منهاره كل
ماوصلت للفرصه صدتها بيدها حطت رأسها على رجولها وهي تبكي منهاره كابرت بهالحب وظنها أعتراف بالحب هزيمه بحقها.. كل شيء بداخلها يردها بالاعتراف
...............،............
"العصر بالسياره"
حمد يسوق ، بجانبه أمه وحلا بالخلف
حمد وهو يحس بتوتر وأرتباك:يمه تحسين بتتقبلنا؟.
مريم نزلت جوالها ونطقت بتاكيد:أي يمه تتقبلكم ليه ماتتقبلكم ؟.
حمد: يعني مدري ماقد كلمناها ولا زرناها تحسين بتصدق أن أخوانها ؟مریم: والله يايمه أنا ماعرفها ولا قد شفتها الا مره معكم لكن أن شاءالله أنها تطلع حليله ربي مايخيب حاسه أنها حليله وسمحه.
حمد:تصدقين يايمه مستغرب منك يعني على كل المصايب اللي سواها أبوي التفت وهو يتاكد حلا لابسه سماعات الا أنك ماقسيتي لا على فهد ولا على هيام رغم أبوي كذب عليك وقالك خالتي هناء ماتت رغم أنلعب عليك مارضيتي بهالشيء رحتي لخالتي هناء لمستشفى وجبتيها تعيش عندنا وأم هيام رغم تدرين أن خانك مع أمها ماشلتي بقلبك على هيام لو ذرة حقد اللي مثلك يحقد ويمنعنا من شوفتها..
مریم:لا يمه أنا زعلت وشلت بقلبي وأنصدمت أبوك خاني مع وحده وتزوجها وأنا على ذمته وقت ماخاني معها وتزوجها كنت أربي فهد ولا رضيت أحمل الا بعد مافهد يكبر شوي كنت أبيه أعطي فهد كل الامومه مابي أحب ضناي أكثر منه ولا كنت أبي أنشغل عنه كنت أخاف عليه وأبوك كان يمثل علي بالحب بالاخير طلع خايني مع أمها ، بس اللي راح راح وهيام مالها ذنب أحقد عليها ولا أكرها هي أساسا مسكينه حالها من حال هناء ليه بحقد على هالمساكين ماعندي قلب ؟ أنا أخاف على الحوبه لاتنرمي علي من رب العالمين بعدين هذي صلة رحم شلون أمنعكم من لحمكم ودمكم أختكم مالها غيركم وأنتو مالكم غيرها
حمد أبتسم وهو يشوفها ويشوف الطريق: ياخي يلومونا بحبك مريومه وين بلاقي مثلك أحس ودي أوقف وأبوس فيك!مریم ضحكت
حمد وصل البيت اللي وصفه سعود له
حمد:وصلنا حلا.. " التفت عليها "حلا ووجع!
مريم وهي تفتح الباب بأستغراب:شفيك؟
حمد:يمه ماتشوفينها من طلعنا من بيتنا وهي فاهيه بهالجوال
مریم: حلا أمي الجوال لو أشوفك عليه قاعده عليه قدام هيام ياويلك. نزلت مریم ونزل حمد، وحلا نزلت السماعات وحطت الجوال بشنطتها ونزلت وهي تشيل كيسة الهدية وحمد شايل صحن شوكلت ، وأستوقفو قدام الباب
"عند هيام"
اللي كانت تناظر التلفزيون ولافه شال الاحمر عليها وبردانه وأستغربت بعد مارن الجرس وأستوقفت وهي تعدل الشال وتستوقف عند الدرج بصوت عالي:بنات طالبين شيء أنتو؟.
ترد عليها ريوف بصوت عالي : لا.
وأستغربت محد يجيهم الجرس أبدا مايسمعونه ببيتهم ، طلعت للحوش
وتستوقف عند الباب من دون ماتفتحه:مين ؟
مريم اللي ردت كان حمد مستحي: هذا بيت هيام عبدالله ؟.
فتحت الباب هيام وهي توزع أنظارها عليهم ناظرت حلا اللي كانت قدام
الباب بالضبط وبيدها كيسه وورد أحمر رفعت نظرتها لمريم اللي كانت
حاطه إيدينها على كتوف حلا ، وناظرت حمد اللي شايل شوكلت أردفت
وكلها هدوء وصرامه: أنا هيام عبدالله مين أنتو ؟.
حمد بلع ريقه بذهول وهو يشوف أخته قدام عيونه سريع ماناظر أمه ، أنتبهت هيام لحمد كانت صرامه بوقوفها رغم تستشعر بالغصه كانو مألوفين عليها بالشكل...
حمد أردف وهو يناظر هيام بفرحه وكإنه ينظر لمُعجزه لقاءه معاها كانت من المُعجزات بالنسبه له:هيام أنا حمد أخوك ناظر حلا وهذي حلا أختك !
مريم أبتسمت لشجاعة حمد اللي سيطر على خجله وناظرت هيام اللي فتحت فمها بدهشة وهي تناظر حلا وتناظر حمد كانت مصنمه لثواني عديده حتى ماستوعبت وتمالكت رجفتها وأرتباكها وهي تفتح الباب كله:حياكم
دخلت حلا ثم مريم وخلفهم حمد اللي كان يناظر هيام ، هيام وهي تأشر لهم من دون ماتحط عينها عليهم:حياكم داخل
دخلت قبلهم بعجله وهي تسكر التلفزيون وتعدل الوسادة ، مريم وهي تدفع عيالها قدامها:يالله أمشو !
دخلو حمد وحلا وخلفهم مريم، هيام تقدمت لهم وهي بأشد التوتر و همست لحمد:عنك
أخذت منه صحن شوكلت وأشرت لهم يجلسون:حياكم أجلسو هناك.
دخلت المطبخ بسرعه ونطقت مريم ياقلبي عليها واضح متوتره ! أمشو نجلس
دخلت المطبخ وهي تمسك قلبها اللي كان يدق بقوه ، عند حمد ومريم اللي جلسو حمد جلس على أريكه اللي بجانب أريكه اللي قاعده فيه أمه وحلا وهو يناظر البيت بالكامل.
مريم:واضح أنها توترت بالحيل.
حمد:أنا بعد يمه توترت يوم قالت أنا هيام مين أنتو !
بعد دقايق طلعت لهم هيام وبيدها صحن أكواب قهوه تقدمت لحمد
وحمد رفع يدينه ياخذ الكوب وتقدمت لمريم وأبتسمت مريم لها ورفعت يدينها تاخذ الكوب حتى مازاد توتر هيام وخجلها أستوقفت قدام حلا.
مريم:حلاوي ماتشرب قهوه
هيام:أء أجيب لها عصير أو بيبسي؟.
مريم:لا تكلفين على نفسك أجلسي احنا جايين عشانك مو جايين نشرب. حطت الصحن على الطاوله وجلست بالاريكه لوحدها
مريم: أخبارك هيام وش دنياك
هيام بلعثمه:ت تمام الحمد لله.
مریم:طبعًا أنا مريم أم فهد وحمد وحلا وأن شاء الله أني أكون مثل أمك أي شيء تحتاجينه مني لايردك الا لسانك ، ياحلوك جميله ماشاءالله
هيام بخجل وهي تناظر بالارض: شكرا.
مریم ناظرت حمد معنى تكلم ، حمد: أخبارك هيام؟.
هيام:الحمد لله تمام أنت أخبارك؟.
حمد: الحمد لله تمام
نزلو ريوف ولیال وهم لابسين عباياتهم ليال ومستغربين بوجودهم حمد نزل عيونه ، ريوف عرفت مريم وعرفت حلا سبق والتقت فيهم: أء سلام.
مریم التفت عليهم: وعليكم السلام ياهلا
ريوف: أء هيام حبي أحنا طالعين ، عن أذنكم البيت بيتكم وتو مانور البيت.
مریم:حافظكم الله ياحبايي والبيت منور بأهله.مشو وطلعو من البيت
ليال بفضول: هذول مين؟.
ريوف : أشش ، هذول أهل هيام البنت الصغيره أختها وأتوقع بعد اللي معاهم أخوها ليال توهم يسالون عنها وينهم عنها؟.
ريوف: أشش !
ليال بقهر: وع حتى وع توهم يعرفون أن هيام أختهم؟
ريوف وهي تدفعها:لاتفضحينا طلعو وأستوقف عندهم السواق اللي طلبوه ليال ركبت وريوف بتردد ولازال الخوف بداخلها أنها تركب مع شخص غريب تنهدت وهي تتغلب الخوف وركبت بجانب ليال
نعود لهيّام، أستوقفت مريم:يالله أستاذن أنا بعد !
هيام وهي تظن أنهم بيروحون وقفت:وین تو ناس توکم جایین.
حمد ناظر أمه ثم ناظر هيام ، أبتسمت مريم : أخوانك بيقعدون عندك لكن أنا جيت أسلم وأمشي أبيكم تاخذون راحتكم وتتعرفون على بعض من دون ماتستحون مني.
حمد كان بيستوقف : أجل يمه بوصلك لسياره.
مريم: لا يمه أقعد مع خواتك لاحد يلحقني.. وراحت
هيام وهي تجلس بمكان مريم وتبتدي بالحديث.
هيام:حمد صح؟.
حمد ضحك بخفه وهو يهز برأسه: صحيح ، هيام أنا أسف على كل لحظه أحتجتي فيها سند ولا وقفت معك جيتك وبصلح غلطتي
هیام بدمعه عُيونها وهي تناظر حلا وتناظر حمد:كنت متوقعه أن بيجي
يوم وبجتمع فيكم أنا مسامحتك ياحمد ! كل اللي مضى ننساه
حمد أبتسم بأرتياح وهو يستشعر بالتانيب الضمير بعدم سؤال عنها ، هیام حطت إيدها تحت فكها وتتأمله: تصدق أول مافتحت الباب وشفتك حسبتك فهد لانك نسخته بالضبط.
حمد:ودي أنكر وأقول لا وين مافي شبه بس نشبه بعض بس مو لدرجه أني نسخته.
هیام ضحكت:نسخته بالضبط بس اللهم أن وجهك أنحف شوي.
حلا: فهد أحلا منه.ضحكت هيام وهي تناظر حلا
حمد:هذي حبيبه أخوها ماينشره عليها.
حلا:هه
حمد بتحديق وهو يناظر خُواته اللي جالسين بجنب بعض:تصدقين فيكم
شبه أنتِ وحلا ؟
هیام ناظرت حلا:يمكن عشانا خوات. حلا أبتسمت
هيام أنتبهت لكوب حمد: ماشربت قهوتك !
حمد تبين الصدق ماشرب قهوه عربیه هيام بذهول:ماتشرب قهوه أبدا ؟.
حمد:الا شدعوه بس القهوه العربيه ماحبها يمكن عشان تعودت أسبريسو.
هيام : الا كم عمرك؟.
حمد:۲۰ وأنتِ؟.
هيام:أكبر منك بسنتين.
ضحك حمد: يالله الحمد لله على كل حال مافي الا حلا أطلع شخصيه الاخو
الكبير عليها.
هیام تطالع حمد: تدرس؟ اذا تدرس وش تخصصك؟.
حمد: أي أدرس ، تخصصي تمريض.
هیام:الله يوفقك يارب.
ناظرت حلا وأنتِ ياحلوه صف أول ولا ثاني؟.حمد ضحك ، هيام ناظرت حمد بأستغراب
حلا: أنا بخامس.
هیام ناظرت حمد:هي صادقه ؟ناظرت حلا اللي من شدة قصرها يبين أنها بأولى وناظرت حمد: أنا كنت بسالك دخلتوها الروضه ولا البنت قصيره أبدا مو مبين أنها بخامس.
حمد حط رجل على رجل وهو كاتم ضحكته : أنتو كلكم يالثلاثه قصار بس
أنا الحمد لله على خوالي طويل.
هیام رفعت حاجبها وهي تناظر حلا:شوفي حط رجل على رجل يبيني أكسر هالسيقان مايدري أني أخته الكبيره.
حمد عدل جلسته وهو يضحك: والله شسوي ربي بلشني بأخوان كلهم
قصار الناس لا شافتني مع فهد يحسبونه حمد وأنا فهد !
هيام شيء بداخله تلاشى عند طاري فهد ببرود:هو أخباره؟.
حمد:فهد ؟ بخیر ترا كان بيجي معانا بس أنشغل عنده مباراة مهمه بكره. هيام ببرود واضح الكذب من نبرة حمد:معذور
لفت على حلا:تبين نسوي بان كيك؟.
حلا بتفكير: بان كيك؟ فيه نوتيلا؟
ضحكت هيام وهي تقرص خدودها: حبيبتي أنتِ بيت فيه شيم أكيد فيه نوتيلا روحي المطبخ والحين أجيك
أستوقفت حلا وراحت ، وهيام أستوقفت: حمد تعال
أستوقف وهو يلحقها ودته عند ركن القهوه الخاص حق ريوف: شوف هذي الالة قهوة أنا ماعرف كيف أشغلها بس أكيد أنت تعرف سو لك قهوه والحقنا.
حمد: أن شاء الله.
وراحت هيام لحلا وطلعت الالة البان كيك:نسوي الحين أفضل بان كيك
صح ولا مو صح؟
حلا ضحكت: صح.
شغلت الاله وكانت هيام تساعد حلا وضحكت حلا على شكل البان كيك اللي يسوونة..
دخل عليهم حمد وبيده كوب:أوف بان كيك هذي ولا أشكال هندسيه؟. هیام:تطقطق حضرتك؟.
حمد : لا حشى بس عليكم بالعافيه ماراح أكل.
هیام: ماهو على كيفك ياحبيبي النتفه هي اللي سوته وأحنا بناكله.
حمد: النتفه اللي سوته ولا أنتِ؟.
حلا :كلنا سويناه شتبي.
حمد ضحك: تحديتو علي؟.
حلا:هيام ترا حمد کریه ماحبه.
حمد أرتفعت نبرته : على أساس أنا ميت فيك؟.
هيام:أص أنتِ وياه وش هالحكي ! بعدين حلاوي حبيبي وش كريه ماحبه هذا عيب أخوك الكبير.
حلا:يتدخل بكل شيء أقول لامي ويفتش جوالي.
حمد: أي أفتش ورع طول أصبعي ٢٤ ساعه على جوالها أكيد بفتش
هیام:حمد هو مايفتش عشان شاك فيك حبيبي هو يفتش عشان يخاف عليك بعدين خلاص لاتفتش حلاوي كبرت وعندها أسرار مع صديقاتها. لا
حلا بغيض:علمیه تدرين عنده باسورد سنابي وباسورد حسابي بالانستا اي شيء أسويه بجوالي يجيه بجواله.
حمد:اقول لايكثر السناب والانستا أنا لك عشان كذا أعرف الباسورد وجوالك يوم شراه لك فهد ماكلف على نفسه يحط لك أيميل مسويهم حطيت لك أيميلي أحمدي ربك.
هيام وهي تزين البان كيك بالشوكلاته:أنتو شكلكم مطولين بالهواش أنا باخذ الصحن وصحن اللي جبتوه بروح الحوش الحقوني ! حمد في قهوه عربيه جيبها معك
أخذت الصحون ولحقتها حلا وهي تحط لسانها لحمد ، حمد أخذ القهوه والكوب حطهم بصحن الموجود ولحقها وطلعو للحوش مكان هيام
المفضل وجلست بالجلسة وجلست معاها حلا وتقدم حمد وهو القهوه على الطاوله ويجلس
حلا وهي تطلع جوالها:هيام عادي أروح هناك وأصور نفسي.
هيام:أي حياتي روحي.
راحت حلا وهي تصور نفسها بجوالها ، هيام أبتسمت وهي تناظرها ناظرت حمد بعتاب:ترا كذا بتكرهك اذا تدخلت فيها ماعطيتها الحريه
حمد:هيام وش أسوي محد خايف عليها بالبيت الا أنا فهد ماغير يدلعها وأي شيء تبيه يقول لها حاضر وأمي بالبيت ماتشوف غير فهد هالمسكينه ذي محد يدري وش تسوي ماتسوي بجوالها
هيام:تروح تفتش جوالها بعذر أن خايف عليها ؟ غلط مايصير خلنا نقول أنها أخر العنقود وكل اللي بالبيت كبار ومحد يفهمها وأنك خايف عليها كذا بتكرهك اذا ماحببتها فيك وهي طفله أنسى تتقبلك بعد ماتكبر هي الحين توها داخله مرحلة المراهقه مفروض أمك.هي اللي تحرص عليها مو انت تقدمت لها حلا:عادي أصورك لصديقاتي أقول شوفو أختي؟
هيام:أي عادي
قربت حلا من هيام وصورت عدة صور ثم لفت عليها وباست خد هيام اللي أضحكت هيام وهي تمسك مكان البوسه سحبت حلا وجلستها بحضنها بدأت تدغدغها وضحكت حلا بشده! مّر غروب الشمس ، تبادلو الاحاديث والضحك كانت ملاحظه جوال حمد یرن وحمد يتجاهل.
حلا:شوفي الهديه اللي جبناها لك
هيام مسكت الكيسه وطلعت العِلبه فتحته وأنبهرت من جمال السلسال واضح أنها غاليه:ليه تكلفون على نفسکم؟ مشکورین
حمد: تستاهلينها !
هيام: لبسيني ياها.
لبستها حلا السلسال ونطقت:أبي أقص شعري مثل شعرك بس فهد مو راضي يقول شعرك طويل أحلى. هيام وهو صدق الطويل عليك حلو لاتقصينه أبدا ، بعدين شعرك يهبل ماشاء الله وعندك غره مثلي.
-وصلت الساعه ۸ ، وهيام وحلا كانو برا وحمد دخل رد على فهد.
حمد: فهد أنا وحلا بالسوق.
فهد : أرجع الحين دام النفس طيبه عليك
وسكر فهد ، تنهد حمد والتفت وأندهش بوجود هيام
هیام:فهد مانعكم من زيارتي؟.
حمد: لا وين
هیام:حمد أتكلم معك مو وقته تكذب علي فهد مانعكم من زيارتي؟.
حمد بأنحراج سكت، هيام بتوتر:الحين لو درا وش بيسوي فيكم ؟ فهد أعرفه عصبي أكيد بيضربكم ولاشيء.
حمد بأستغراب: هيام شدعوه يضربنا عشان جيناك ؟ أنتِ أختي معليك من هالمريض
هيام:أشش حمد لاتقول عن فهد كذا هي مسأله وقت بيحن قلبه
حمد:متی بیحن علميني ؟ ٥ سنين مرت ولا حنّ !
هيام:الحین روح لا يعصب عليكم وطمني بعد ماتوصل.
(هاي يحلوين شلونكم،شرايكم بالبارت مرره نارر صح؟صح تتوقعون شيم بتسحب على فهد ولا لا،وهل فهد بيحن قلبه على هيام ولا؟ بس والله اكتبو كومنت حلو وعطو البارت حقة💞)