❄🌺قصة : وردة يعقوب🌺❄
❄💎البارت : 62💎❄
نهار دراسي جديد و احداث جديدة بانت ليها اليوم الحركة زايدة على غير العادة و ضرها راسها تعرف شنو كاين.. شافت وصال كتهدر مع شي دراري و هي تمشي عندها و علامات الحيرة فملامحها
ملاك : شنو واقع بان ليا بنادم غادي جاي واش كاينة شي حاجة؟
وصال: قالك الالة كينظمو واحد الاولمبياد ديال الماط و العلوم و كلشي متحمس ليه حيت غدي يحضرو فيه تلاميذ من دول تانية عرفتي ميمكنش غير كنتفكر كمية التيتيز لي غدي تكون حاضرة كنتحمس
ملاك : ناري سكتي راه هشام يسمعك تقولي هكا يعوج ليك فمك
وصال : هداك خوك حتى هو غير بوحدو عرفتي حشمني البارح وليت كنقول يا ربي غير تشق الارض و تصرطني
ملاك ضحكت عليها : اه شفتك كيفاش مزنگة وقريبة تزغرتي
وصال : اجي نتي غدي تشاركي فالاولمبياد؟
ملاك : لا هدشي لي كان خاصني نيت (جبدت خصلة من شعرها كتلعب فيها) عرفتي مكرهتش نكون أنا مشرفة عليه باش نبقا ضاربة الشخصية على التلاميذ
وصال: و لكن نتي كطيري فالصيونص كون غير شاركتي و تزعميني حتى انا نشارك
ملاك : لا لا و الله ما فيا صراحة
وصال ضيقت فيها عينيها: فيك غير تكوني على اشرافها ماشي تشاركي فيها
ملاك : اجي و شنو غدي تكون الجائزة؟
وصال : رحلة لجزيرة مالطا 10 الرابحين اللولين غدي يسافرو ليها فبلاصة
ملاك ضحكت صحابليها شادة فيها ساعة ملامح وصال كيوحيو بالعكس
ندبت حناكها ممتيقاش: اويلي واش بصح و انا كنت شوية غدي نفوت عليا هاد الرحلة!!
وصال ضورت عينيها بدون اهتمام بالنسبة ليها ماشي شي حاجة تدعي الحماس : عادي عادي انا عارفة راسي مستاحيل نربح في بحال هادشي الوغ لا دعي للحماس اما نتي ممكن ومالطا الصحيبة واااو
ملاك : وااو وخصوصا مين كيكون معاك بنادم كتير فنفس الرحلة كتخلقو واحد اللومبيونص و السفر يدوز طوب ياااي تحمست
وصال : أنا بعدا مغديش نصدع راسي بالحفاظة ليه
ملاك: عرفتي شنو انا غدي نمشي عند المدير يقيدني و أنا عارفاك فين غدي تشوفيني غادة غدي تبغي حتى نتي تمشي
وصال : لا اختي بصحتك
خلاتها عليها و مشات لعند رضى لبيروه دقت فالباب و هو عطاها الاذن تدخل.. كان خدام كيسني فشي وراق و مكيشوفش فيها
حنحنت و هدرت مترددة: أستاذ بغيت نتسجل فالاولمبياد
هو طلع فيها عينو و عقد حواجبو حتى تخالطو ليه : نتي شنو؟
ملاك حكت راسها : بغيت نشارك فالمسابقة حتى انا
هو حط الستيلو بطريقة خلاتها تقفز من بلاصتها و ناض غادي ليها كيتمشا حداها بحال شي ضابط
و بصرامة قالها : ناسية بلي نتي معاودة العام اللالة؟ باغياني نسجل وحدة مضوبلة فاشلة وزايداها كاطيري بسلامتك مع طيور فمسابقة قدها قداش مشاركين فيها تلاميذ من دول أخرى و لي غدي تمتل المؤسسة ديالنا هي ملاك الذيب وحدة مقطعة الوراق و معاودة الباك و معروف عليها قلة الأدب و الانضباط
هي بقات واقفة متسمرة مي داتها كترعد و ما راضياش بشنو قال عليها بتاتا.. بهدلها نيت و مسح بكرامتها فالارض و لكن محلفة بحلفوها حتى تشد معاه الضد و بزز منو غدي تشارك و توريه علاش قادة.. بقات ساكتة حتى قاليها تخرج و دكشي لي دارت بقات صابرة مكمداها فقلبها حتى خرجت و هي تغوت بعصبية عاضة على ايدها.. كون ما جاها كبير عليها كون عطاتو علاش كيقلب و ترد عليه بخو جوابو و لكن هي من طبعها تحترم لي أكبر منها و توقر لي أصغر
بعد مرور أسبوع
عند شمس لي كانت في دوش كدوش طالقة لماء سخوون فسطل شي لي خلا دوش يزيد إسخن ضرباتها بتدويشة كتبرد لقلب حيت هاد الاسبوع كلو وهي غير كتغسل وطرف حالتها مع لغراز جداد اسبوع كلو و يعقوب معاها ممخليها دير والو لماكلة كيجيبها من براا ودائما فليل كيدير ليها دواء لتوتو ديالها بيدو وخا ف الاول حشمات وبدات تبكي ليه مدهاش فيها دار شغلو بيديه بزز عليها كيدير ليها دوا حتى ولفات سيد مكيحشم مكيرمش أسبوع حسات براسها ولات بخير ولغراز طارو جوج وبقات وحدة لحمها براا دغيا بفعل لبوماض لي خرجات ليها طبيبة ولي يعقوب كل نهار كيديرها ليها هو وتيقلب ليها جرحة ومخليها غير فدار ترتاح حدها جردة ديال لفيلة ودور ف لفيلة لي حمقاتها وجوج مرات خرجها فليل تمشاا حدا لبحر لي جا أنفاص مع دار كيخرجها تمشاا شوية على رملة تما باش متقنطش وهو دائما معاها مكيخليهاش بوحدها غير الى بغا يكمي كيخرج برا يتكييف وحتا الى خرج إتقدا مكيتعطلش وهو عارف بلي لمنطقة تما أمينة وكيدخلو ليها غير ناس لي كاريين فديك جيهة ولبوليس مراقبين لمنطقة بلاصة نقية داكشي علاش كيخرج إتقدا ويخليها حتى يرجع معندو مناش يخاف عليها وكيسورت لباب حتى يرجع وديما جايب معاه سقاطة لبرهوشة ديالو ..
شمس لي سلات تدوااش ديالها خارجة من لحمام مغلفة ف لبينوار ديالها ودايرة لقب على راسها حنيكاتها مزنكيين بدوش طايح عليها سرر كتشقشق لحمها عاضية منو ريحت باندوش بنكهة لفريز زادت لكوافوز لي مستفة فيه لبغودوي ديالها ومكياجها هزات كريم مرطب دهنات يديداتها ورجيلاتها وهزات شوية من زيت جونسون ديال لوليدات صغار دهنات بين فخادها غير من لفوق حيدات لقب وهزات فوطة صغيرة كتنشف ف شعرها نشفاتو مزيان وخلاتو على راحتو مسبسب كيلمع قبل مدخل لدوش دهزاتو مزياان بسيرووم ودبا غسلاتو بقا فيه داك لمعاان خصوصا ان شعرها لونو مميز دهبي كيلمع زادت لماريو لي ستفات فيه حويجتها خدات بيجامة ديال دار خفيفة مع لحال سخون كانت عبارة عن شورط فوق ركبة مع سوفيطمة ديالو بلون لاحمر مبينة طايتها لمثيرة ولحمها لفتي كتلبس داكشي لي بغات وهي من نوع لي عزييز عليها لمقزب ف الاول كانت كتحشم تلبس داكشي قدامو ولكن بدات تولف عليه خصوصا هو ديما كيحيد لحواجز بيناتهم ديما مقنتها كيبوس فيها يبدل ليها بيدو ويدير ليها دوا يعريها فليل كيخشيها فيه ويبدا يتلمس فيها ويبوس حتى ينعسو وهي كتمووت بلحشمة..
لبسات في رجيلاتها كلاكيط عاد زادت لكوافوز مشطات شعرها وجمعاتو بطريقة مهملة ومع رطب بقاو شي خصلات مدلين ولخلفة ديال شعر على جبهتها مخليها تبان فمظهر طفولي كتفتن وعنقها الابيض باين مع حلاقات صغار مزينين وديناتها لي كادو من عائشة هزات تليفونها وشافت ساعة كانت 11 ديال صباح باقي لحال اليوم فاقو مع 9 فطرو وخرج يعقوب
وهي زادت لكوزينة غسلات ماعن لفطور كاتشقى وهي فرحانة لكوزينة كاتفتح نفس على شقى كانت مجهزة بكلشي ديالها زوينة وفيها سرجم كبييير من زااج كيطل على جردة ولابيسين منضر غزال حطات تليفونها وحلات ثلاجة لقاتها عامرة بقات كتشوف بعويناتها وتفكر شنو دير لغدا ليوم ف الاخير جبدات لحم حطاتو ف طاجين وغسلاتو مزيان عاد حطاتو فوق لبوطة وشعلات لبريكة دارت زيت ولعطرية لملح إبزاار تحميرة خرقوم سكينجبير لحامض شوية ديال زعطر ربيع ثومة لقرفة.....دارت كلشي وخلاتو يتشحر مزياان قطعات لبصلة دارتها على داك لحم مع شوية ديال لماء ونقصاااات لبوطة مخلياه يطيب بشوية على خاطر خاطرو حيت باااقي لحال عاااد طلعات لفوق ضرباتها بتدويشة بينما لغدا يطيب و
زاادت هابضة تشوف طاجينها دخلات لكوزينة طرباتها ريحت طياب يسلام حلات على طاجين ريحتو كتشهي ضايب ومعسل مع طايب على خاطرو ضحكات عاجبها لحال بقات كتقلب بغات تقلي بطاطة حتى بان ليها لبرقوق هزاتو دارتو فكاسرونة يتعسل مع سانيدة وزادت لتلاجة جبدات مطيشة ولخص ولخيار ولفجل ولباربة بغات دير شلاطة غسلات كلشي ودات لباربة تصلق وقطعات شي لاخور جبدات لافوكا ولبنان مع لحليب دارت عصير ودارتو ف ثلاجة يبرد
دور سوارت فلباب دخل وسد لباب وعينيه كيدورو عليها هاز جوج ميكات فيديه ولكوناكطت فيدو تانية داخل عاقد دوك لحجبان كيقلب عليها بعينيه لابس سروال كيطمة كري مع تيشورط ابيض وفرجليه سبرديلة زاد جيهت لكوزينة وريحت ظاجين عاضية من ريحة باين لبرهان زاد كمش حجبانو وزاد لكوزينة حسو مكيتسمعش مشيتو بلحس مع وصل لباب لكوزينة هز راسو وهو يتشوكا بقمطلعها من رجيلاتها لحميمرين وسيقانها لبقين فخيضاتها شاف شنو لابسة لموخرة لي خارجة ودريعاتها هز عينو لعنقها الابيض وشعرها مسكانيها من صبيعات رجيلاتها لراسها حس بلمعلم قيم تفاحة أدم كطلع وتهبض فعنقو لمعضل كيشوف هاد كثلة لجمال هادي دايرة بحال شي فراشة وهي واقفة كتقاد وتستف ودندن بصوتها رقيق سحرااتو شكون قال حتى هو يولي يدخل لدار يلقاا مرتو كطيب ليه زاد جيهتها وعينيه عليها ... هي محساتش بيه عطياه بظهر كتقطع ف لباربة ودات ليها سنيدة ودارتها ف طبيسلات حسات بانفاس موراها دارت بزربة مخلوعة قفزها
يعقوب: بصوت مدعدع: ششش غير انا
شمس: هزات فيه عويناتها وهازة يداتها لي صبيعاتها حمريين بلباربة لي كتقطع وببراءة : خلعتيني
شمس: هزات فيه عويناتها وهازة يداتها لي صبيعاتها حمريين بلباربة لي كتقطع وببراءة : خلعتيني
يعقوب: كيطلعها ويهبضها بنضاراتو لي كيف نسر حتى حشمها باين عليها دوش شعرها باقي فازك شوية وحنيكاتها غيطرطقو بلحمورية هز يدو حط دوك لميكات فوق لبوطاجين حدر يدو لخصرها جرها عندو وهبض بنصو باسها من فمها ونزل لعنقها باسها بوسة مسموعة بورشاتها ولحيتو كتكها حسات بلفرشات فكريشتها هز راسو كيشوف فعويناتها مخدر بريحتها ولحمها رطيطب
يعقوب: شنو كديري
شمس: بحماس : درا طاجين وشلاطة و عاصير
يعقوب: دوشتي
شمس: بصوت خافث: أه
يعقوب: يدو كتلمس فجنبها وتانية هبضها لترمتها كيعجن فيها بشوية : بصحة التويشية ديالي
شمس: حشمانة : ن نشوف لغدا
يعقوب: باسها من جبهتها وجنب فمها وطلقها :
وزاد هو طالع لفوق ولمعلم منفووخ قيم عليها
طلع لبيت يدوش
شمس بقات واقفة كتبتاسم ببلاهة كتخااف منو وولفاتو وكترتاح معاه وكتحشم منو مبقات عارفة مالها غير كيقيسها معدتها كيشطحو فيها لفرشات وكتحشم دارت صبعها ف فمها ببراءة وزادت لفابو غسلات يدداتها و دارت لباربة لي صيبات تبرد وهزات لبرقوق دارتو لطاجين لي جا طايب كيشهي سلات كلشي وبدات تهز لطابلة لي كانت ف جليسة زوينة كطل على جردة بدات تنزل داكشي لي قدات كلو ظاجين شلاطة لعاصير وحطات لخبز ولماء داكشي كان متيول وكلشي قداتو وتفنانت فيه جلسات كتسناه شوية شافتو نازل مبدل باينة دوش لابس شورك مع تيشورط ديالو و كلاكيط وصل عندها وشاف ف طابلة هز حاجب ونزل لاخور بطريقة رجولية مكانش يحساب ليه كتعرف طيب قال باقة صغيرة صدماتو جلس بلاصتو وهز لغطاية ديال طاجين طرباتو ريحتو كتشهي شاف فيها هي لي مقابلاه بعويناتها وكترمش كتسنا فيه يشكر طيابها فهمها حتى هو جر طبسيل ديالو ديال شلاطة وهز فرشيط كياكل عجباتو وحتا هي بدات تاكل قطع لخبز وغمس غير لاح دغمة لولة زااد عقد حجبانو ماتعرفو فاش كيفكر هو لي جااه داكشي بنيييين طيبها بنييين هز عينو فيها معوجة عنقها شوية وكتشوف ببراءة زامة شفيفاتها بغات تشوف ردة فعلو
يعقوب: سرط دغمة وتبعها جغمة ديال لعاصير : الله يعطيك الصحة هادشي بنين
شمس عاد رجع فيها روح وتبسمات حتى بانو غمازاتها عاد بدات تاكل فخاطرها خلاتو غير كيشوف بدا يغمس وياكل عجبو كلاو وشبعو أما هو صات فداك طاجين
تغداو ناض باس يديها صغيورة كشكر على شنو دارت عاد زاد لجردة يكمي هي ناضت جمعات داكشي غسلات لماعن وطرفات كلشي كاتمشا بشوية مع باقية كاتحس بنغيزات تحتها وحتى رجليها مكاتقدرش تجمعهم مزيان
شافت لميكات لي جاب قلباتهم لقات وحدة فيها ديسير ووحدة سقاطة خرجو عويناتها شافت شكلاط وشيبس وبيموات غير داكشي لواعر مع لبسطاج وكوكاو لكركاع لوز ....عمر ليها لميكة بدات ضحك غير بوحدها حطات داكشي حتال شوية دبا عاد تغدات وعمرات لكريشة زادت عندو لجردة لقاتو جالس فواحد لفوطوي تما كيكمي غير شافها طفا لكارو ف طفاية جرها جلسها فحجرو
شمس: يعقوب
يعقوب: برشاتو بداك صويت هز يدو لعنقها كيتلمس فيه : بغيتي شي حاجة
شمس: نهضرو مع خالتي عائشة و ماما
يعقوب: جبد تليفونو دوز لميمتو
فدار عائشة كانو جالسين مجمعين منبعدما تغداو
ملاك وصال مخشين فلقنت هازين تليفوناتهم وعائشة ولحاجة و هاجر وخديجة مجمعين حداهم ومعاهم رجاء لي جالسة ساكتة ومعجبها حال وحتى هيشام و ياسين جالسين كل واحد خاشي راسو فلتيفونو معادا لعيلات لي كيهضرو
ملاك : لوليدة الله يحفظك متخلينيش نسافر مع لبنات لإفران رحلة
عائشة: لا خلاك خوك غا سيري والله ابنتي حتى يقرط ليك رجليك
ملاك : وناري على حياة متخليوني نسافر بحال عباد الله متخليوني نعبر كي ناس يلاطيف شمس لي صدقات ليها مشات تبحر ف ناظور
عائشة: إوا حتى تزوجي حتى نتي ويخرجك راجلك
نقز ياسين : وهو كيشرح زعما لعائشة : الى كل كل أم مغربية مابغيتيش تخلي بنتك تخرج وتسافر من حقك ولكن باش تقولي ليها حتى تزوجي ويخرجك راجلك لا متلسقوهاش فينا
هيشام : هادي عندك
عائشة: غا تزوجها بعدا ويكون خير نتا وهاد لمفروح لي حداك
هيشام: قريب قريب غا وجدي الواليدة
عائشة: بفرحة : على الله اولدي غير قولها ومنزيدك غير لخير
وصال بقات كتشوف فيه حتى غمزها حشمها
🍁