وردة يعقوب🌹مكتملة🌹

🌹الجزء 134🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 134🍁

المساء

الدار عمرات لكل جا مت القريب ولبعيد لعائلة لكبيرة من عائلة لمرحوم أب يعقوب وعائلة عائشة كلشي معروض من الكبير لصغير

وجدو راسهم وبداو المعروضين يتوجهو للقاعة لي كانت كبيييرة وشي حاجة ناضية من لبرزة لي كلها ورد وضواو ولكراسة لبيضين وداخل فيهم للون ذهبي
طبالي فوقهم لورد وطبيسلات مع لفراشط ولمواس كيسان كيشعلو كلشي كان متيول تصميم خاص فخامة خاصة .... سرباية غادين جاين بلباقة وبرطوكول طاغي حاملين في ديهم المشروبات كيسربيو بلبسة موحدة سروال أسود وقميجة بيضاء منهم بنات ودراري

العائلة كلها تنقلات للقاعة لبنات مقادين ومانتكين ولعيلات لي عندها شي ذهوبات بان عليها ..... في الدار بقاو غير البعض لي غايجيو مع العروسة غير ظلام لحال تسمع كلاكصون وكان موكب أهل العريس لي جاو اهل خنيفرة طموبيل تابعة طموبيل ووحدة تنسيك في لخرى جاين ومعاهم الدقة لمراكشية مع نزلو في لباب د دار العروس بدا الشطيح واهل لعروسة لي بقاو في دار خرجو كيستقبلو فيهم كلشي مكشط ومانتك ومقاد لحالة شعورات وذهوبات عاطينها لشطيح ولموصور كيصور مامفلت حتى حاجة

نزل السي العريس من طموبيلتو بديك الطولة وتبوديرة ضارب كوسطار كحل جا مطرطق على كثافو وبارز عضلاتو وصباط كحل كيلمع شوميز بيضاء مطرطقة على عضلاتو سد لباب وتمشى بثقالة جيهت عائشة سلم عليها وهي كترحب وتعاود بواليديه وخوتو وعائلتو عاد لكل ركب طموبيلتو وزادو لقاعة وموكب اخر متكون من العريس لي ركب في لوطو ديال هيشام لي مزوقة وهو لي غايهز العروسة ركب معاه رضى موراهم طموبيلت يعقوب هاز مو حداه ونسيبتو وعمتو
وانوار ركب معاه ياسين وخديجة و خالتو عاد طموبيلت عم يعقوب هاز مرتو سميرة وموراه طموبيلت نسيبو هاز أميمة وبنتهم وطموبيلت بن عمهم تاني اخ ليلى حداه باه ومو لور مع مرتو سلوى وبنتهم ريحان أما ليلى مجاتش بمرة

زادو مقلعين لبلاصة منين غايجيبو العروسة متقدمة ليهم طموبيلت هيشام لي كلها مزوقة وحداه لعريس غادين بالكلاكصون حتى وقفو قدام سابا لي منها كلشي الطابق لفوقاني للجسم ولحمام ولمساج ولتحت لميكاب لعروسة قدات كلشي تما مساج رخا عضيماتها وحمام بزويوت ولاصيغ لمكياج لباس واي حاجة دارتها كيديروها معاها لبنات منغير كوثر مدارتش لاصيغ .... ظفران ليدين ورجلين مبرودين ومسبوغين شعر مصايب لوجه مصايب لجسم نقي كيشعل لحاصول تهلاو فريوسهم مزياان

ملاك منبعد مادهنات كريم بنكهة لفانيلاا لجسم ديالها لبسات دوبياس مشبكين بالابيض مع بيرميدة شورط مزززير بالابيض وصوفيطمة ديالو لبسوها بشوية بشوية باش ميخسرش لمكياج والمشطة لبسات التكشيطة الاولى لي ختارت بالابيض كانت تكشيطة وااو بتصميم وخياطة ملاكية لفخامة حزمو ليها التكشيطة بمضمة ذهبية كتلمع منقوشة التكشيطة بالابيض فيها طرزات بالاحمر محجرين لبسات صندالة عالية صميطات في لون خياطة تكشيطة زادت لمراية كتشوف في راسها ولبنات من وراها كيصليو على النبي ويرددو مشاء الله حيث فعلا جات واااعرة كاااتهبل التكشيطة برزات منحنيات جسدها ميكاب رااائلع بكل ما للكلمة من معنى طاح عليها واحد السر عجيب مشاء الله مشيطمة زوينة جامعين ليها شعرها ومخلين بعض لخصلات طايحين على وجها وثاج فوق الرأس محجر كيلمع وحنة في يديها حميمرة