وردة يعقوب🌹مكتملة🌹

🌹الجزء 135🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 135 🍁

هااااهي جاات قباالي هااد الزين الغااالي ضواا علينااا المكاان

لالة مولاات الهمة ثقيلة ورزينة المشية بالميزااان

لاااالة العروسااااا فينااهياااا شوفو معااانا شوووفو معااانااا باينة هاهياااا
تباااارك الله عليها ... تبااارك الله عليهااااا وووووو لااالة لعرووسة
هاااد لليلة مبروووك عليك الالة هاااد الليلة مبرووك علييك اسيدي

زادو لعرساان لبرزة تحت أنغام الشعبي كلشي كيصلي على النبي ويزغررت ويصور

رضى هز عينيه في عروستو كضحك عاجبها لحال تبسم بفرحة واخيرا غاياخد مرتو لدارو ويدير حتى هو وليداتو مع لي بغى قلبو وختارها .... هز عينيه دورهم على لقاعة حبابو عائلتو وعائلة مرتو كلشي داير بيهم وفرحان ليهم لبنات ناضو كيشطحو منهم وصال لي فرحاانة لصاحبتها وختها وبنت عمها كتشطح وتشير لملاك كتصيفط ليها في لبوسان ولخرى كضحك

لعائلات شدو الطبالي جالسين منهم طابلة ديال العائلة لي جالسة فيها الحاجة و هاجر بزينها لي يشوفها يقول موالدااش حداها عائشة وعريساتها شمس بكريشتها جالسة مرة تصور مرة تصفق كضحك فرحاانة وسلمى حداها وكوثر ووصال وسميرة مع أميمة ... لقاعة مقسمة على جوج جيهة لعيلات وجيهة الرجال سجادات حمرين لوسط كباار غاادين في خط واحد من لباب حتى لبرزة ودروج هابض من الجيهة الثانية كلو ورد والثريات كباار نازلين

يعقوب ملي دخلو شد قنت مطفح على الكرسي عينيه منيشن في بلاصة وحدا وهي مرتو سحرااتو لدرجة ماكرهش ينوض يهزها ويزيد لدارهم مخاصو بو عرس حاضيها وعينيه كي الذيب بين الرجال لا يشوف فيها شي حد هو من أصلو مبغاش يحضر لهاد صداع مااعندو ماايدير بيه ولكن حااضي رزقو مبغاش يخسر ليها ويبكيها اللهم فيه يصبر ويجلس يخليها تنشط ...جالس و معاه خوتو وعمامو في نفس الطابلة وسعيد مع أب رضى
كيهضرو وكل واحد مقابل مرتو انوار عينيه على مرتو هيشام عينيه على خطيبتو سعيد شوفتو غير على كوثر ياسين عينيه فينما شااف شي طرف وعينين السي جوااد لكوميسر على هاجر بااغيها عجبااتو وهضر مع يعقوب على موضوعها ومزال لحد الان كيتسنى في جوابها لكل وهمو لكل وشنو في راسو وهكا الحياة غادية

نوضو ملاك جلسوها في العمارية ورضى بقى جالس في البرزة لي على شكل فوطوي في الأبيض نااعم موراه خشب منقوش على شكل حيط وكلو ورد بالالوان
رضى جلس فتح لافيست داير رجل على رجل كيتفرج في مرتو وهي في لعمارية كيشطحو بيها كضحك وتشير بيديها لخوتها ومها وعيلات خوتها ووصال وعائلتها كلهم مع عائلة رضى لي واقفين مور لمغني كيشيرو ليها ويصورو

الجميع : اااااااا ملاااك ... المرضية ... هاااكا يكونو بنااات الرجاال المحضياااا

هيا كتشير بيديها وضحك مرة يقلبوها جيهت الناس والورد كيترما عليها بالاحمر مرة يديوها حتى لعند رضى وكتشير بيديها وهوا كيضحك والفرحة في عينيه عينيه غير عليها وفي ضحكتها بجماالها والسر لي طايح عليها