وردة يعقوب🌹مكتملة🌹

🌹الجزء 48🌹

❄🌺قصة : وردة يعقوب🌺❄

💎وردة نور 💎
💎Ama Mery 💎

✨البارت : 48✨

شمس كتجيه صفحة بيضة ساهل تقرا أفكارها

عارفها باقة مقصحة و لا قرب ليها دابا أ تموت ليه بين ايديه جرحة باقة ما برات غير كيعيا يصبر تا كيتقادا صبرو

أما هي غير ناض من حداها بدات تنخشش فلفراش عيانة هلكها لبكاء طار ليها نعاس و غير شوية بدات كتحرك فشفارها كتحل عويناتها بزز

تفكرات تاني أش وقع بقا فيها راسها و بقا فيها ولد عمها و لكن لي بقا فيها كتر من هدشي كولو هو الشكلاط لي طاح تماك و شهوتها فيه كبيرة لدرجة ناعسة وكتخايل راسها كتاكل فشكلاط قلبات شفايفها و غرغرو عينيها تاني مكرهتش تهبط تقلب عليه و لكن لا عتبتها هاد المرة غيسلخها سلخة ديال لكلاب

يعقوب تكيف ليه مزياان قاد لمزااج شوية ووقف خرج من لبالكون جاي جيهتها كمش حجبانو فاش شافها فايقة يالله نعسها كيشوف فيها قالبة فمها و عينيها مدمعين يحساب ليه زادو ضروها الضربات تا كيتنادم معاه الحال و تبقا فيه و كيرجع تاني يقول خاصها تربا لا مدارش هاكا مغتبتش

يعقوب : " بصوت مبحوح " مالك؟ ضراتك شي حاجة

شمس : "شافت فيه و كتفكر الشكلاط و باغة تقوليه و خايفة يضربها داخت ما عرفت تقول و لا تسكت و مبغاتش تهضر معاه غضبانة منو ولكن باغية شكلاط كتحبس فالبكية بزز"

يعقوب شافها طولات و تخلع منين شاف وجها مزيير و حمر بحالا مقطوعة فيها النفس قرب ليها بالزربة حاط يدو على حنكها كيقلب فيها

يعقوب : ششش صافي ما وقع والو كتنفسي مزيان باش كتحسي ؟ "كيتجنن كتر فاش مكتجوبوش تا غوت" واا دوي آش كااين

شمس : "قفزها تخلعات و هي طلقها بكية وحدة تقول ميت ليها ولدها كتبكي و تحرك راسها بلا و تدوي الخلعة و ما دير" اهئ اهئ اهئ ل لاءح ما درني اهء... والوو...ااااهء هء "هزات فيه عويناتها هكاك حمرين" بغيت اهعء بغيت شكلاطي لي عطاني سعيد... اهئ نتا طيحتيييه ليييا لتحت...اهععئ اهئ بغييتو دياالي...اهئ حراام عليك... علاش نتا خااايب

مسكينة أتر عليها شكلاط تا ولات غير كتدبز و تحط كديرها بيديها و عاد كتجي تبكا من بعد هو ما كيدير ليها والو

بقا غير كيشوف فهاد لخليقة لي قدامو ركبات فيه لخلعة لي عمرها كانت فالقاموس ديالو هو هداك لي مكيعرفش معنى الخوف عمرو خاف و ديمن ضارب حسابو ذكاؤو الحاد كيخلي كولشي ضارب ليه حساب تا جات هاد البعلوكة و لا كيحس براسو مكلخ يعيا يفهم و يصغر عقلو معاها و مكيفهمهاش سمع هدرتها حرك راسو بلا حول منين كتفهم هادي

يعقوب : "بحدة" شكون سعيد ؟

شمس : اهئ هو ولد عمي بحاال خويا اهئ... تربينا بجووج... و كان كيشري ليا من الحانوت ديما... اهئ و مكيخليش ماماه تضربني... اهئ او و مني مشا لمدينة ما بقاش رجع.... اهئ جا اليوم يشوفني... اهئ اهئ حيت مكانش عارفني تزوجت... و عطاني شكلاط قبيلا... اهئ داك داكشي علاش عنقنتو... اهئ ولكن نتا طيحتيييه ليا ... و ضربتيه و ضربتيني تا أنا حشوومة عليك اهءءعء