وردة يعقوب🌹مكتملة🌹

🌹الجزء 143🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 143 🍁

حاولات حتى غفلاتو وتهزات على ركابيها في الأرض نقزات لركبتو نيشان غرسات سنيناتها تما جاتو لعضة لديك لبلاصة ماعرف باش تبلا دفعها عليه بجهد حتى طاحت على ظهرها حساتو تقسم رجعات بلور بزربة كتزحف وناضت جمعة لوقفة هاربة غير كتجري معارفا حتى فين دورات راسها ملي حساتو تابعها هنا عرفاتو غايشدها غايشدها زادت فجرا حتى دخلات فحيط راسها مشا وجا هزات عويناتها بزربة وهي تغوت كان وجهو كححل بداك لماسك لي كايخلع يديه بليكات كوحل لابس كلشي كحل وداير لقب بغات تبعد تهرب وهو يحكمها بزربة من خسرها عينييه حمريييين نطق بداك الصوت لمدعدع وزاد بمغير صوت قفزها وهي كاتبكي بجهد

يعقوب: بصوت كايخلع صدرو كايطع وينزل دنيا ضلاااام بين عينيه كيشوفها قريبة تمووت قداموو كترعد شعر مشنتف وجها حمر فاازك بدموع خوايجها كلهم ثلج وحفياانة : هذا أنا شششت بنتي

شمس سمعاتو اش نطق هزات عويناتها في عينيه لي مقدراتش في الاول تشوف فيهم بكثرث ماخلعها ركزات فيهم واااه واش يخفاو عليها غير عرفاتو غوتات ولصقات فيه كترعد وتبكي بجهد : هئئئ اعععع علاش هئئ خليتيني بووحدي هئئ

يعقوب هز عينيه لحووومر كي جمرة نيشان على هذاك لي مصمر قداامو كيشووف مفاهم واالو ولكن لي عاارف انه شراها مع الوحش

ذاروك وااقف مصمر مفاهم حتى وزا اش كادير هاد الصغيرة مع الوحش ؟ اش علاقة الوحش بيها علاش لوحش هنا والجميلة بين يديه ؟؟ كلها اسئلة روداتو بلاما يلقى ليها جواب ولكن لي متأكد منو انه شراها مع لوحش غير من نضراتو ليه أه هاد لمرة تخلع ولكن مايقدرش يهرب هيبتو ماتسمحش ليه لازم يتقاتل لأخير نفس ومايخلييش عدووه يشمت فيه

يعقوب لعرووقة ديالو كيزدحوو لقاميجة منحت تجاكيط تفركعو ليها صدايف بكثرث ما تورمو عضلاتو بالاعصاب والشمتة ولحرقة أول ما دخل من راس داك شارع كي رعد بانت ليه مجرجة في الارض وهو باغي يأخدها بزز وكيف عضاتو وهربات وكيف دفعها حس بقلبو تحسك حس بيه تعصر كلشي داز قدامو لمح لبصر نزل من للوطو كي لبرق منبعدما ركب لماسك لي لابذ حيث طايح مع عدوووه في لمافيا

نزل براسو وعينيه غير على ذاروك نطق قريب لوذنها وشوفتو منيشين على لي واقف
يعقوب : بصوت مدعدع كيخلع خلاها تقفز بداك صوت لي ممولفاش : غاتمشي لطموبيل وتكمشي ماتحركيش وماتنطقيش دبا نجي عند بنتي متخافيش

حركات راسها ب وخا بزربة ورجيلاتها مهازينهااش كاتحس بشي حاجة ناازلة من تحتها سخوونة يالاه غاتخطي خطوة تسمع صوتو لي خلاها تكمش وخا مفهمات حتى حرف حيث نطق هاد لمرة بروسيا

ذارووك : بجنووون : مااااغاديش نخليهاا لييك سمعتي هي ديااالي رد ليا حااجتي الوحش ماتخلينيش ندير حاجة ندم عليها نتا وانا عارفين بلي مخصنااش نتقاتلو والإ راك عارف شنو هي النتيجة عند لبووس لكبير