وردة يعقوب🌹مكتملة🌹

🌹الجزء 73🌹

❄💎قصة : وردة يعقوب 💎❄

❄🌺نور الصدقي 🌺❄

❄❄البارت : 73 ❄❄

وصلات للدار وهي فرحانة ماقداها فرحة شافت فمها لي كانت خارجة من صالون متاجهة للكوزينة ، مشات كتجري عندها تلاحت ليها فوق ضهرها ،
عائشة : ياربي سلامة امالكي ياك لباس
ملاك: عندي ليك خباار كيفرح أعيشة ، انا جبت أعلى درجة وتأهلت للأولامپياد

عائشة منين ستوعباتها طلقاتها بواحد لالة مولاتي تزغريتة خلات كولشي لي فدار يتجمعو حداها.
هاجر: خير انشاء الله اختي فرحينة معاك
عائشة : بنتي لفريفرة راه نجحات في داك العجب لي دارو ليهم

هاجر: اوا مبروك ...عنقات ملاك ...مبروك عليك ابنتي الله يسر ليك ولعقوبة للمسابقة لكبيرة .

ملاك : باستها : اميين ياربي لهلا يخطيكم عليا
مشات خديجة كتجري جابت ليها لحليب وتمر كتشربو ليها وتزغرت وتبارك ليها
أما واحد الزرمومية غير وقافة وكاتشوف ماحملاتهاش اصلا هي ماحاملة حتى حد كتسنا غير فوقاش يعقوب وشمس يرجعو فحالهم رجاء ضارت غادية حتى وقفاتها خالتها
خديجة:اجي ابنتي باركي للملاك راه نجحات

قربان للملاك ونطقات بنفخة
رجاء :مبروك عليك
ملاك حتى هي ماشي من لمعاگزين مرضاتهاش عليها خلاتها هاكاك
انور وهشام حتى هوما فرحانين بيها ماقداهم فرحة عيطات ليهم عائشة ديك ساعة نيت في تليفوون وصلاتها ليهم وهما في خدمتهم

ملاك : مالكم على هادشي كولو راه باقي يالله تأهلت باقي مديتها.
عائشة : غادي تديها انشاء الله
هاجر:تستاهلي كل خير الحبيبة ، انا غادي ندور للشمس نقولها ليهم.
ملاك طلعات لبيتها ترتاح وكل واحد مشا للشغلو بقات وصال فصالون وحداها هشام لي يالاه دخل يا الله هي بغات تنوض حتى جرها من يديها مرجعها بلاصتها.
هشام : ونتي منفرحوش بيك
وصال: لا انا هادشي ديال لأولامپياد خاطييني عقلي مسكين على قد لحال
هشام: ماشي ضروري نفرحو غير بلأولامبياد كاينة شي حاجرة خرا
وصال حدرات راسها منين فهمات قصدو هو زواج

قرب ليها وهو سارح فعويناتها زينها بسيط وعكلشي فيها على قد لحال
هشام: عوينيك التويشية ديالي زوينين
وصال غير كتشوف فيه وهي مخرجة عينيها ومزنگة
هبط عينيه : وحنيكاتك زوينين
هبط عيننيه اكتر : وفيمك زوين
مع كل كلمة هي كتزيد تزنك وتغرق فحوايجها حتى بان ليها جاي كيقرب ليها وعينيه على فمها هي توترات ومعرفات مادير . وهو كيقرب ليها اكتر حتى تخلطو انفسهم ولات كتشم ريحتت نفسو المميزة قرب ليها حتى حس بسطح شفايفها الرطيطبين وببدا كيحس بسخونية طالعاه يالله بغا يتعمق وناوي يجرها فبوسة كبيرة يعبر فيها على حبو ليها حتى كيسمعو لغوتة ديال ملاك لي قفزاتهم
ملاك من دروج: وصااااااااال أجيييي

وصال قفزات من بلاصتها شافت فهشام بعينين نايمين ومعسلين من لإحساس لي حساتو ، وناضت كتجري عندي ملاك
هشام تنهد بغضب وهو كيحك عنقو من لور ، كيحس براسو تقطع ، خلاتو حتى جهل وسخونية طلعات معاه عاد ناضت ، هبط عينيه للمعلم لي كيزدح ناض وقف قاد حوايجو وطلع لبيتو وهو مخنزر وماعجبو حال .
هيشام : داك صعصع شاد فديك توتة لي واخد شابع مع راسو لحلوة مناويش يجي خلاص ندير حل لراسي وراااه بغيت نتزوج بيها اعيباد الله ميتهنا حتى ندخل عليها قبل زواج ويجي يهرسني من ضلوعي تفوو شي يبات يحفر شي يخمم