وردة يعقوب🌹مكتملة🌹

🌹الجزء 97🌹

💎🌺 قصة : وردة يعقوب 🌺💎

🍂🍂بقلم : وردة نور " نور الصدقي " 🍂🍂

🍁🍁 البارت :97 🍁🍁

عند أنوار

جالس في بيتو كيخربق في تليفونو حتى شاف في ساعة وناض لدوش قلع حوايجو ودخل تحت رشاشة طالق عليه لماء بارد رجعات بيه داكرة لغدا لي جمعو بلي بغها قلبو

🔙🔙🔙🔙🔙

أنوار : شتك ساقلة
سلمى : حاطة يديها على حناكها لي حسات بيهم سخان مبقات عرفات ماتقول شافت فيه واحد شوفة فشكل: واش كاتهضر بصح ياك

أنوار : الله يهديك بحال هاد لمواضيع كيضحكو فيهم ناس

سلمى: ولكن مافهمت والو ماعرفتش والله و واش اففف تلفت

انوار : تبسم ليها بلطف : بشوية عليك وخودي راحتك اش مافهمتيش انا باغيك لحلال واش ابنت الناس قابلة تولي مرتي هدا لي قدامك باغيك لحلال عجباني و بغيت نكمل معاك الى كتاب و مغانخيطش بيك زناقي ولقهاوي ناوي لحلال نيشان نجيك من لباب واش تقبلي تولي مرتي نتي بغياني

سلمى : شافت فيه لهضرة تلفات ليها كتحاول
ترتب لحروف وتكون جدية : ماعرفت مانقول والله دبا معارفة والو على زواج ماشي معارفة والو ولكن زواج مسؤليتو كبيرة ماعرفتش واش نقدر عليها ولا لا و بزاف ديال لحوايج خصوصا اني مزال مديراه فراسي ماعرفتش واش فهمتي اش بغيت نوصل ليك ولا لا

انوار : بإبتسامة حنونة : شوفي زواج فعلا مسؤولية ولكن كلشي تعلميه مع لوقت مكاينش لي كيكبر عارف كلنا كنتعلمو ونتي تعلمي فدار راجلك ومع راجلك في لحلال لي نقول ليك هو مايخصك معايا خير قرايتك تكمليها حتى تقنعي وانا نعاونك فيها إلا حاجة وحدة لخدمة نسايها باش مانكذبش عليك انا لي نخدم ومنخصصك إن شاء الله من والو لخدمة وتمارة لراجل ماشي لمرأة ونهار نقصر من جيهتك ديك ساعة هضري

سلمى: ويلي نقراء حتى نعيا ومانخدمش

انوار : كاينين خدامي مفيهمش الاختلاط هادشي باقي عليه لوقت غانهضرو فيه وكل حاجة ليها حل وكل خاص غير تفاهم وكلشي يتحل بالعقل دبا الاهم هو تقبلي وفي لخطوبة سولي لي بغيتي

سلمى: حدرات عويناتها حشمانة قلبها كيشطح باغي ينقز من اول مرة شافتو عجبها وحمقها بزينو وضرافتو وشخصيتو ولكن عمرها دلات راسها ليه حتى صدمها وطلبها لزواج حسات براسها كتحلم

انوار : شافها منوياش تهضر : سلمى اش كلتي الله يهديك

سلمى : تبسمات ليه حشمانة: وتخليني نكمل قرايتي
انوار : ضحك برجولية: كتبيها في لعقد
سلمى : هههه راه نديرها

انوار : من حقك دبا اش كلتي
سلمى : موافقة ولكن حتى نهضر مع خالتي

انوار : فرح ملي سمع موافقتها هز يدو دوز على لحيتو وشاف فيها فرحااان : بعد غدا إن شاء الله غانجيب عائلتي ونجيو نخطبو
سلمى: خرجات عينيها صدمها: ويلي فيسااع