وردة يعقوب🌹مكتملة🌹

🌹الجزء 106🌹

💎🌺قصة : وردة يعقوب 🌺💎

🍂🍂 بقلم : وردة نور "نور الصدقي " 🍂🍂

🦋 البارت : 106 🦋

شمس: هزات عويناتها فيه: وخا ناكل غير هادي دبا

يعقوب حرك راسو وزاد لدريسينغ لبس سروال كيطمة غري مع تيشورط بيض وخرج عندها هز لكارو وبريكة من لكوافوز وزاد لبالكون فتحو وخرج لتما واقف كي لحيط شعل لكارو وبدا يتكيف وعينيه عليها بدرة ديالها وشعرها زعيعر لي خارج كي لحرير كتنقب وتفرج مرة تقرن حجبانها بلطف مرة تفرنس نزل بعينيه بعينيه لكريشتها لي مزال لاصقة كيتخايلها بكريشتها لمنفوخة كتمشي وتجي قدامو قد نملة نثر اخر نثرة من لكارو وزاد عندها تلاح على سرير مجبد على ظهرو وهي حداه

يعقوب: فاش كتفرجي

شمس: نطقات بصوتها لحنين: في لحلاويات نتعلم

دارت عندو كدور فعويناتها : نصايب ليك شي حاجة كنعرف نضيب

يعقوب: هز يدو جرها عندو منعسها حداه منعسها على يديه حيد ليها الزيف مخلي شعرها يتمرد كيعجبوو : أش تصايبي ليا

شمس: لي بغيتي نتا
يعقوب: هز ليها دراعيتها حتى بانت ليه كريشتها لي كتشقشق حط يدو كيدوز بيدو لحرشة عليها : لي جات من يديك ناكلها غير دبا ماديري والو راكي عيانة

شمس: قربات بنيفها لصدرو كتشمشم : ولا انا بخير

يعقوب: هز يدو سرفقها لترمتها حتى قفزات : راني دويت دبا كاينة روح وحدة اخرى فكرشك ردي لبال نلقاك كديري شي حاجة ولا طالعة هابضة كل مرة في دروج نصلي طاسيلتك

شمس: احح واا لا

يعقوب: أح على مك نتي

شمس: هههه انا مادرت ليك والو نتا لي ضربتيني

يعقوب: ونتي بغا تصايبي ليا لحلوى عطيني الالة غا لحلوة لي هنا

شمس: قفزات ملي حط يديه على توتو : هنن ولا

يعقوب: اشنو لي لا انا باغي هاد لحلوة

شمس: هزات عويناتها فيه بحال لفارة كترمش: نمشي نقراء

يعقوب: عقد حجبانو كيشووف فيها : أش بغيتي ؟

شمس: هزات يديها لحيتو كتلعب بيها بصبيعاتها صغار لمطيبزين : نقراء فهادشي د لباتيسري وناخد ديبلوم الفرنسية عاارفة ليها غير الإنجليزية مالحقتش نقراها عارفة فيها غير شوية

يعقوب: كيسمع ليها بإهتمام : هانتي قريتي وخديتي ديبلوم اش ديري بيه

شمس: ماعرفتش لي بغيتي نتا

يعقوب: نيم عينيه فيها كلشي فيها بديك لي بغيتي نتا كتسالي معاه هضوراتها تصرفاتها : الى بغيتي تقراي وتاخدي الديبلوم نسجلك لخدمة نسايها لمرأة بلاصتها دار راجلها تقابلي وليداتك وراجلك حتى طياب ولغسيل و هز هادي حط هادي نتي ماشي مجبرة ديريه داكشي غير بليزير منكم لي عليك تقابلي راسك وولادك وراجلك لخدمة وتمارة لراجل ماشي لمرأة نتي تجلسي ولي خصاتك تجيك بغا تقراي وتعلمي مرحبا انا نديك ونجيبك