وردة يعقوب🌹مكتملة🌹

🌹الجزء 127🌹

❄🌺قصة : وردة يعقوب 🌺❄

🍂🍂بقلم : نور الصدقي 🍂🍂

🍁 البارت : 127 🍁

كوثر: قلبات وجها كضحك بصوتها لعدب :هههه والو اخالتي والله ماخبيتو عليك

يالاه غاتنطق كلثوم حتى بانت ليها هاجر خارجة من الدار وجاية قصدلهم

كلثوم: جيتي الجوالة مابقيتي تفكرينا مابقيتي تسولي قولي نسول غير فهاد لهيشة ديال صحيبتي

هاجر : هههه عاد سلمنا عليك هاويلي حي كمارتك ديما كنشوفها

كلثوم: وشكووون بحالك كتشوفيني اما كاين لي مشتاق فيا وميصيبش يشوف

هجار : سلمات على كرثر وعلى كلثوم وجلسات على كرسي صغير حدا كوثر في طليلة ديال دالية لي تما : هههه اللهم بارك ...اش خبراك ابنتي كوثر

كوثر: بحشمة : لباس اخالتي الحمدلله يسول فيك لخير

كلثوم: كوثر قالت ليك اخالتي شكون ديك لمرأة لي سلمات علينا زوينة تصدمات ملي عرفاتك عندك بنت العفريتة كتباني صغيرة

هاجر : انا عقلت على كوثر من ديك لمرة فاش جات عندك ختك وجابتها ملي ولدتي دعاء جات في السبوع وديك ساعة تكون عندها شي 10 سنين دبا كبرات تبارك الله

كلثوم: وايه ليام دغيا كيدوزو وافين خبار الزعرة لباس عليها

هاجر: لباس الحمدلله يسول فيك لخير كتسول فيك فينما تعيط

كلثوم: ربي يفكها على خير لحنينة هاديك الله يحجبها

هاجر: امين

يالاه كتهضر صونا ليها التليفون

هاجر : ألو سلام الحاجة

الحاجة : اهلا كي درتي بخير

هاجر : بخير نحمدو الله نتي اش خبارك بخير

الحاجة : لباس ابنتي الله ينورك ... واش تشدي معانا الطريق لمراكش غانمشي من دبا لشوية يديني ولدي فيصل نتسناك ؟

هاجر : غير طريق السلامة الحاجة انا غدا يجيبني سعيد كنت عوالة نمشي معاكم حتى قال ليا غير بقاي حتى نوصلك بغى يشوف شمس نيت

الحاجة: كاين سعيد

هاجر : جا كونجي شي يمات قلال هادو وعكبو عيطو ليه من الخدمة رجع تاني على شي جتماع عندهم وراه غير يساليه يشد الطريق اليوم يوصل على مقال

الحاجة فاطمة : ااه إوا ربي معاه حتى تلحقو علينا صباح

هاجر : إن شاء الله الله يعاونك
الحاجة فاطمة: الله يعاون

قطعات معها وشافت في كلثوم

هاجر : كتجمعي لحوايج اكلثوم حتى كتبقاي تصبني نهار كلو وميتسلاوش