وردة يعقوب🌹مكتملة🌹

🌹الجزء 113🌹

🌺❄قصة : وردة يعقوب ❄🌺

🍂🍂بقلم : وردة نور "نور الصدقي "🍂🍂

🍁🍁البارت : 113 🍁🍁

كلاو وسلاو ولي سلمى غير دور دور وتجبد التليفون تصور معاه وحتى هو مخليها على خاطرها حتى سلاو وناضو باش يشريو بعض لكدويات على دوق سلمى من لحوايج ولمكياج ولي انوار باغي يشري ليها شي حاجة اخرى ديال ذهب

كيضورو بين لمحلات ديال ذهب ويدخلو لهذا ويخرجو سلمى تلفات معرفات متختار كلشي كيحمق وهبلات انور معاها

انور:وسربي واش غنبقاو هنا
وباقي خصك تمشي باش تنقشي كيف قلتي ليا

سلمى:متوترة:اوووف معرفت منختار كلشي زوين واصلا باقي لحال

كانت كتهضر معاه وتشوف فلمحلات تبان ليها وحد لمحال كبييييير وفزاجة لي برا فيه خواتم ديال لعرسان وسناسل

سلمى:بدات كتنقز بلفرحة: صافي صافي واخيرا لقيتو ههوا لي كنت كنقلب عليها

انور:شد فيديها وجرها: زيدي شوفي وخودي داكشي لي عجبك

دخلو لمحال
مول لمحال: مرحبا بيكم اش حب الخاطر
سلمى:نقزت وشيرات على سنيسلة لي كانت رقيقة وفيها نجيمات صغار عجبااتها : هادي عفاك

جبد ليها راجل سنيسلة قدامها وهزاتها قيساتها جات في عنقها زويينة

انور:عطينا عفاك شكل لي فيها

مول لمحال: اه مرحبا مجود لخير
مشا جبد ليهم سنيسلات بالاشكال قلوبة ووريدات فيهم اشكال زوينين حطات لولة وهزات وحدة فيها قلوبة صغار

سلمى: فرحات:واخيرا واو شحاال زوينة

تفكرات لخاتم لي ختارت وخداه ليها من لفضة لحرة وفيه الماسة على شكل مربع وبراسلي وها هي واخدة سنيسلة اخرى دارة كتشوف فيه بحب

سلمى: شوف شوف زوينة ياك

انور:جبد ليها لحنيكات:وراه ختارتو مرتي حبيبتي كيفاش ميكونش زوين

سلمى:ضحكات: هه دبا نوبتك انا نختار ليك

انور:وخا الالة

ختارت ليه تهوا خاتم ديال لفظة زوين ديال رجالا

انور:واخيرا ختارينا لخواتم صافي جمعلينا اسدي هذشي وقوليا شحال لمجموع

مول لمحال جمع ليه لخاتم وسنيسلة فبواطات حمرين ودارهم فشاسي وعطاهم ليهم

مول لمحا:مجموع جاك اسدي 100 الف سنسلة لي خدات لمدام 70 الف ولخاتم ديالك اسيدي 30 الف
سلمى:تصدمات من تمن جاها ثمن خيالي بزااف:انور راه غالية سنسلة بزاااف او وغير صغيرة عاود لعبار الشريف وتأكد

انور مداهاش فيها جبد ليه لفلوس عطاهم ليه وهز داكشي وشد ليها فيديها وخرجو

سلمى:كندوي معاك انور راه بصح غالية