❄🌺قصة : وردة يعقوب 🌺❄
🍁🍁بقلم : وردة نور "نور الصدقي "🍁🍁
🍂 البارت : 111 🍂
شمس حركات راسها وناضت كتفوه زاد قدامو وهو متبع ليها لعين ببيجامتها لقصيرة حد ركبة ديال نعاس بسميطات دخلات لحمام دير روتينها صباحي
سلات ولبسات بيجامة مستورة ودارت زيفها لبسات كلاكيط ديالها وزادت عندو هو لي باقي في بلاصتو وشاد تليفونو عاااقدهم
يعقوب : هز راسو فيها وناض وقف جرها ملصقها معاه : اشنو المرضية
شمس: بدات دور فعويناتها وتلعب في قاميجتو : واالو
يعقوب: ماتعطيناش شي بوسة صباح الخير ناشفة مم؟
شمس: ههه لا نبوسك
يعقوب: يالاه شي بوسة
شمس: وقفات على صبيعات رجليها كتجبد : واهبض عندي
يعقوب نزل عندها بنصو حاكمها من خسرها مزيرها عندو هي دورات يدداتها على عنقو وباستو من لحيتو و فمو عاد بعدات حشمانة
خلاتو غير كيشوف كتصطييه هز يدو لكريشتها كيتلمس فيها : فيه جوع ؟
شمس: أه
يعقوب: وشنو بغا ؟
شمس: بعفوية : لحريرة ولكن مافقتش بكري نصايبها نفطر بيها دبا مشا لحال
يعقوب: خليها لعشاء وصايبيها وخا ؟
شمس: واخا
يعقوب: هز يدوكيدوز على خدها : غدا إن شاء الله في لعشية غانشدو الطريق
شمس: خرجات عويناتها: فين واش انمشيو لروسيا
يعقوب: ايه اليوم جمعي لحوايج لي غتحتاجي غير لي ضروري ماتجمعيش بزاف
شمس: و والخطبة د انوار
يعقوب: هز يدو سرفقها لترمتها : نوصلو معاهم و نتيسرو مغانكلسوش
شمس: دلات شفيفاتها: وعفاك نجلسو حتال بعد غدا
يعقوب: بلا هدرة راه عندي الخدمة دبا زيدي قدامي تفطري
شمس حركات راسها مساخياش تفارق مع البنات زادت قدامو عويناتها كيبريو حابسة دموع نزلو لتحت هو خرج لجردة يكمي وهي زادت لكوزينة تعاونهم كتستف في طبيسلات كبات زيد وزبدة و لعسل كل حاجة كتحطها في بلاصتها لقات خديجة مطيبة لبطبوط و عائشة عمرات أتاي والقهوة
بقات كتصايب وتجمع معاهم حتى تمو داخلين كي شي عجاجة
ملاك : صباح الفستق والبرقوق المحكوك ولكركاع لمشقوق
وصال : صباح الأقحوان والورد وبلعمان وداكشي زوين كلو
لكل : صباح الخير
عائشة: يالاه بداو تهزو لطابلة نحطو لفطور تفطرو لا يمشي عليكم لحال
ملاك : أيه ماقلتي عيب اراو ليا داك لبلاطو
أنت تقرأ
وردة يعقوب🌹مكتملة🌹
Romance💎مكتملة💎 ❌حصرية على الواتباد❌ ♨️حـــــصــــــريـــــــا ولأول مـــــــرة عـــــلــــى شــــاشــــتـــــكــــــم ♨️ 🥀#مكتملة 🥀 💎 قــــصـــــة تــــحـــــت عــــنـــــوان 💎 ⚜وردة يــــعـــــقــــــوب⚜ 🦋 بـــــقــــــلــــــم 🦋 ...
