وردة يعقوب🌹مكتملة🌹

🌹الجزء 65🌹

❄🌺 قصة: وردة نور 🌺❄

❄🌺بقلم: وردة نور 🌺❄
❄ فردوس ❄

❄البارت : 65❄

جلسات حدا هشام لي عينيه غير على وصال ،
وحتى هي حدرا راسها ومرا مرا كتهز فيه راسها .
ملاك همسات لهشام: نحن هنا براكا من حيبيني احيبيك وتصنت ليا عفاك اخويا لعزيز

هشام : يالطيف ماتعيشي متخلي لي يعيش

ملاك دلات عينيها: وانا كرهت نعيش
هشام خرج فيها عينيه: جمعي راسك راه خوك انا ولا نجمع ختي نسيك لقبلة فين جات

ملاك شافت فيه وبدات تبحلس عليه: خويا لحبيب انا ختك ياك وعزيزة عليك

هشام قلب عينيه بملل: ايه ايه غير قولي اش كين ، اش بغيتي تاني

ملاك : لا دابا هي ماشي شي حااجة غير بغيت منك واحد لحاجة وصافي غير صغييييورة والله

هشام : يالله طلقيها خلاص

ملاك : دابا اخويا كينة واحد لمسابقة يعني داكشي ديال أولامپياد لماط فلمدراسة وبيت نشارك ولكن لمدير مخلانيش نشارك وبغيتك
تمشي معايا باش نقدر نشاك

هشام: وعلاش لمدير ماخلاكش تشاركي

ملاك بتوتر: م م ماعندوش م معايا

هشام خرج فيها عينيه : اشنهوا ، ياك لمدير جديد عندكم هاد لعام
ملاك : لا اخويا راه غير سوء تفاهم وصافي والله
هشام : مهم انا مامساليش شوفي مع انور

ملاك بعصبية : حشووومة عليك الدحش من صباح وانا كنشرح ونعاود فلخر قاليك مامساليش گاع لمغاربة هاكا تيقوليك مامساليش وهو نهار كولو معلق مع سارجور

عائشة : امالكي اختي تتجعوقي تاني تغديتو ؟؟

ملاك : تغدينا ولكن غادي نعاودو لميطة تانية ، اجي فنهو انور

عائشة عينيها على لباب : مطلبتي غير لموجود هاهو ولدي حبيبي لمرضي جا

خرجات من صالون ومشات كتجري عندو وقفات عليه بحال زلط
انور لي كان داخل وساهي وكيفكر غير ف سلمى لي خلاها مريضة

ملاك وقفات حداه سلمات عليه وحدرات راسها ، كيفما سبق وقلنا انور انسان حدودي ، ومنعازل بزاف وملاك كتحتارمو وكتحشم منو عكس علاقتها مع هشام لي كولها ضحك وتقشاب

ملاك بحترام : خويا بغيتك فواحد لموضوع

انور مبتسم كيعجبو لإحترام ديالها ليه: قولي مرحبا

ملاك : خويا كينة واحد لمسابقة فلمدراسة ولامپياد الماط كادي يشاركو 10المدارس وكل مدراسة غادي يتأهل منها واحد وانا بغيت نشارك فيها ولكن لمدير مخلانيش عفااك توسط ليا باش نشارك

انور : علاش غادي نتوسطو ليك مالك ماتقيدي بوحدك

ملاك بتوتر : لا اخويا غير دابا واحد سوء تفاهم وقع ليا فلمدراسة داكشي علاش ماخلانيش المدير نشارك