وردة يعقوب🌹مكتملة🌹

🌹الجزء 150🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 150 🍁

سعيد: نطقق بلامااا يشعر حيث صااافي عينيه معمين سخط سخططط تعصب عروقو تجبدووو : قاااودي ولا نزل نجبد لعدو ربك لحلاااقم ختي اااانا نطلقها من شماااتة ديال ولدك وبديني وما أعبد ويعااود يدوور بسااحتها ولا غير نشم ريحتو إلى ماا قلععت لجدبووه لكلب لعينين رااني زاامل وعلميه رااه نهاار نشدوو مانرحموو

قال كلاموو وزااد مقلع جنون طالعين فوق راااسو معصب ومجييف من منضر ختو وبكاا بنتها لي باينة فيها جووع ولي فهم من كلام مو نورة مفيهاش لحليب ضرب على لفولوون بكاء لبنية صغيرة كايضرب ف ودنوو ماكرهش يشد ختوو يزييد يشبعها عصى ويقتل شمااتة لي ضحك عليها شنوو دنب ديك لبنيتة صغيرة مسكينة ولكن هو عمرو يفرط فيها غايهز ختو وبنتها ويصرف عليها يقريها يكسيها مهم مايخليهمش مكرفسين وبنت ختو هو غايكون خالها وباها وخوها

زاد ماوقف حتى لدار نزلو ونورة معاهم لي رااجعة لدار بوها بقلب مكسوور وندم كلشي رجع عليها خرجاات على راسها بيديها دخلوها لدار هي وبنتها فرشاات ليها هاجر في لبيت وفرشوو للبنيتة لي ماملسينها والو مسكينة غير شرواط وواحد لمانطة فين مكمطينها حطو لبنيتة وجلسات نورة حداها

هاجر ناضت لكوزينة طيب لحسوة لنورة على الله يرجع فيها لحليب
نهار دوزوه مع نورة لي تعاونو هاجر وراشيدة دوشو ليها وبدلو ليها بحوايج جداد جابهم سعيد بيجامة دوبياس سخوونة وتقاشر جداد كلشي جديد ونفس شي داروه لبنية لي لبسوها ليكوش وحويجاات جداد خرج سعيد جااب اي حاجة غاتحتاجها تربية من ليكوش طاي صغيرة ولحويجات صغار ، لبيبيغون لحليب من صيدلية لكونة ديال لوليدات صغار وخدا حتى لختو شي حوايج ولفاكية من كاو كاو تمر لكركاع لوز كراطن لحلوة على قبل يتحطو لناس لي غايدخلو يباركو زيادة تقدا كلشي من بني ملال وجابو ليهم وخرج هضر مع واحد صاحبو كايبيع ويشري ف لحوالاا دار معاه يشوف ليه شي حولي يوجدو ليه منهنا لسيمانة على قبل سبووع لبنية

مصطفى دبح دوك جوج فرارج وناضت هاجر تنصب رفيسة بدجاج بلدي لنافسة جيران وعيالات دوار غير ساقو لخبار نورة جابها خوها لدار بداو يدخلو عندهم يباركو زيادة ويزررو لبنية ولي دخلات طلقها بتزغريتة وطبالي كايتحطو ديال اتاي وسلو مع ضياافة هاجر معااونة كاتعمر ف اتاي وتحط لناس تقول بنتها لي ولدات ممقصرااش ومهازااش ف قلبها بلعكس كاطلب الله يهدي ماخلق نااسية لي دوزو عليها وعلى بنتها
كاتشقى تهز وتحط وتغسل ف لماعن ولعيلات داخلين خارجين يباركو زيادة وكاينة لي كادخل غير بزرورة فيديها وكاينة لي كادخل ببلاطو عامر ها لي جايبة أتاي ها لي جايبة لقهوة لمسمن لبغرير لبطبوط رغايف لكيكة ...

أدن العاصر وتماات داخلة كلثوم كاتزغرت من لباب هازة بلاطو مغطي بزيف مزووق فيه بريق ديال لقهوة وطبسيل ديال لمسمن مع زلافة ديال لعسل لحر وحداها كوثر ب جليليبة موف وصبيبيط شعرها مجموع كوت شوفال شادة فيد بنت خالتها بنت صغيرة دخلو لدار لي بابها مفتووح تلقات ليهم هاجر وراشيدة سلموو وخدات من عندها هاجر لبلاطو