وردة يعقوب🌹مكتملة🌹

🌹الجزء 122🌹

❄🌺قصة : وردة يعقوب 🌺❄

🍂🍂بقلم : نور الصدقي 🍂🍂

🍁 البارت : 122 🍁

شمس: هزي داك لماسك ديال لخيار ديري منو شوية راه درتو في ثلاجة

سلمى : حقااا راه درت ليك منو عجبني صراحة غزاال

شمس: كتشوف في رجيلاتها لبويض بصباغة لحمرة جاتها خظيرة في ظفيراتها نقين مقطعين عجبووها رجيلاتها كتفرنس ببراءة : ماعليش

سلمى : جاتك نااضية ياختي انا لي بنت تزعط في رجليك
ملاك : شاكة هاد لمخلوقة عدنا فيها شي عرق من سويد

عائشة: عمرو لينا بعدا شي براد ديال اتاي راه لعصر هدا وفرقو مرت ولدي راه لعين علينا حق

سلمى: ناضت جارة كلاكيط ديالها كتجر فيها : ايه وشي بطبوط نعام اسيدي بلعسل

عائشة: كتشير لملاك ووصال : إوا نوضو الله يرضي عليكم عاونو مرت خوكم يالاه

ملاك : بموعيوعة : وصال تنوض انا عرووسة جديدة نعام اسي ورضى مبغانيش ندير شقى بغاني نخلي يدي رطبين يتمتع نعام اسيدي

عائشة: الله يقلل حياك نوضي جمعي لوقفة ولا نريش طاسيلتك مابقيتيش كاتحشمي يحساب لمك غير تزوجتي صافي ياالاه

ملاك : ناضت كتخبط : يالاطيف يالاطيف على قمع نصوني لراجلي دااابا يجي يديني لداري مالي اختي كنتعرض لقمع ماعندي انا كرامة ؟ ماعندي راجل ؟ ماعندي داري ؟

خديجة: ههههه إوا شووف ليك فليفلة ولات تسكتنا بالراجل

عائشة: عاجبها لحال : سيري ابنيتي سيري عاوني مرت خوك انا راضية عليك

ملاك : كتعوج : طلبوني ونمشي

مع شافت مها تحنات على صندالة وهي طربها بجرية تابعة وصال و سلمى لكوزينة

شمس بدات تسوط على سباغة حتى نشفات لبسات تقيشراتها وناضت شادة على كريشتها كتسوط لبسات بانطوفتها وتبعاتهم لكوزينة تعاونهم

عائشة: كتعيط ليها : شمس ماديري نتي والو ابنتي اجي تجلسي

شمس: ولاااا غير نجلس مع لبنات اخالتي

دخلات عند لبنات لكوزينة شدات لكرسي وجلسات مجمعة معاهم وهما كيتحركو كل وحدة شنو كدير كيوجدوو لكوتي عمرو برااد د اتاي مشحر بشيبة وبريق د لقهوة حطو لمسمن سلمى دارت لبطبوط دهناتو بلعسل وزيت بلدية
حطو كلشي في طابلة مع زيتون وزبدة ولفاكية وسلو حطو كلشي وتجمعو عليه
ملاك كلات دغيا وناضت خلطات لخلطة لي قالت ليها شمس طلسات رجليها دارت ليهم لميكة وتقاشر غلاط جرات صندالت هيشام ديال لميكة وزادت لكوزينة جبدات لماسك ديال لخيار دارتو لوجها وطلعات لفوق لبيتها هزات تيليفونها لقات ليزابيل ديال رضى دخلات لواتساب وصيفطات ليه سلام صونا ليها خلاتو كيصوني حتى قرب يقطع عااد جوباتو