وردة يعقوب🌹مكتملة🌹

🌹الجزء 83🌹

💎🌺قصة: وردة يعقوب 🌺💎

🍁🍁 BY : نور الصدقي 🍁🍁

🍂🍂البارت : 83 🍂🍂

زادو طالعين لقيسمهم كانت عندهم الحصة الاولى ديال الإجتماعيات مع دخلة لقاو الأستادة واقفة في لباب مهضراتش معاهم حيث باقي الوقت
زادت ملاك ووصال لبلاصتهم ولي هي طاولة ماقبل الأخير جلسو وجبدو كتباتهم ودفاترهم بدات الحصة الأستاذة كتشرح وهما متبعين معاها حتى صونا تليفونها هزاتو وزادت خارجة لباب شافت فيهم
الأستاذة : يالاه كتبو هادشي لي في سبورة

هزو ستيلواتهم شي كيكتب شي كيوشوش مع صاحبو دار دري لي جالس أنفاص لملاك سميتو عثمان ولي هو تيتيز ديال ليسي دري بوكوص عزيزة عليه ملاك بزااف كيحماق عليها

عثمان : دار عند ملاك : أفين أفليفلة شتك كتخممي ياك شي باس مكاين

ملاك : لي كانت شادة على حنكها متكية على طاولة وساهية كتفكر فشنو غتكون مها موجدة لغدا حتى فيقها من سهوتها ضحكات ليه : لهلا يوريك فاش كنخمم
عثمان: متكوليش ليا فارس الأحلام يكما لقيتيه أهيتا
ملاك : أفيييين فارس أحلامي واخا يكون جاي على بغل عوج ميديرش هاد التعطيلة

وصال : راه جاي على عودو كيشالي ألالة غازيدي صبري شوية دروك يوصل
ملاك : لا هوايات لا علاقات لا طموحات لا جمال حتى نقطة ضعف كي ناس معديش

عثمان : اودي اش بيتي بشي علاقات خاصك خصوصا مع لبراهش انا أخير مرة تصاحبت خانتني بكل رجولة
ملاك : خانتك خونها العين بالعين وسن بالسن ونمرتي في لخاص
عثمان :ههههه الله أودي نتصاحبو أزين
ملاك : نتصاحب لا أبدا قال تعالى " ولا تقربوا الزنا إنه كان فاحشة وساء سبيلا " صدق الله العظيم

عثمان: اللهم قوي إيمانك
ملاك : أمين غير هو لي كيحس بشي حب من جيهتي وخازنو سير بغيت ربي يصرفو ليه حبوب في وجهو مابغيتوش تعتارفو ليا أغير صبرو سأزيان وستندمون

عثمان : ياك مابغيتيش تصاحبي
ملاك : تا بان ليك غير تصاحيب مكاينش لحلال ويلي حي ياغير بغيوني راه كاين لحلال
عثمان : نبغيوك ؟ على حنا شحال؟

ملاك : على شنو يحساب ليك هي راه معندهااش فاارس أحلام عندهااا ناادي الفروسية
عثمان: شاف في ملاك هاز حجبانو زعما واش هضرت وصال صحيحة

ملاك : كي شتي أنا مريولة نعشق الزين وكيقول ليك الزين حبو مولانا

عثمان: نسولك وجاوبيني بصراحة
ملاك : "نسولك وجوبيني بصراحة " هاد الجملة كتخليني نفكر فالكذبة قبل من السؤال

عثمان: طعتي افريفرة
ملاك : عاد عرفتي راه قالك القلب صافي والزهر طافي ووجودنا في المغرب خطأ جغرافي
عثمان: أ مكتقضايش ولايني كتعجبيني صراحة كنتبغيك أنا
ملاك : زايد في شهر 4 وبغيتيني نتيق فيك لا أبذا شوف غير الجو ديالو كي داير كل نهار بوجه
عثمان: توما البنات لي مبقات فيكم تيقة
ملاك : إوا راه رسل ليكم حاجب المساج غير توما مكتفهموش
عثمان: أشوا قال تاني
ملاك : شافت في وصال : أش قال ليهم عمي حاجيب أوصال