وردة يعقوب🌹مكتملة🌹

🌹الجزء 117🌹

❄🌺 قصة : وردة يعقوب 🌺❄

🍁🍁 بقلم : وردة نور "نور الصدقي " 🍁🍁

🍁🍁 البارت : 117🍁🍁

خارجة من دوش لابسة بينوار ديالها ودايرة لقب على راسها مكمشة على داتها وجها منوور حنيكاتها لمطيبزين غايطرطقو بلحمورية كتخطوي برجيلاتها لحومر صغار لدريسينغ وكريشتها مقنبلة قدامها غير فريزة وهاربة بديك لكريشة يالاه جات دخل سمعات تليفونها زادت ليه هزاتو وجوبات بصوتها رقيق لي كيبورش : الو

يعقوب: لمرضية

شمس: تبسمات ببراءة : يعقوب
يعقوب: اش خبار البطل ديال باه

شمس: كيلعب الكرة في كرشي ههه كل مرة ضربة

يعقوب: باغي يخرج زربان باش نحط خوه نعمرو تاني لكريشة

شمس: خرجات عويناتها: هااا لا صافي

يعقوب: دبا نشوفو واش صافي شنو بغيتي نجيب ليك

شمس: جيب ليا نوتيلا تسالات و لوز

يعقوب: يالاه وردي لبال لراسك

قطعات معاه و زادت لدريسينغ هزات لكريمات ديالها كدهن في لحمها وتعاود كتمشى بحال شي بطلة كريشتها مقنبلة قدامها حيدات لبينوار لبسات دوبياس ديالها مع كلون ولبودي ديالو مزيرين ومقطنين عاد لبسات بيجامتها بلغوز وبينوارها من لفوق طويل لبسات تقيشراتها لقصار مع بانطوفة غوز فيها نونوس وقفات قدام لمراية كتجمع في شعرها طويل لي غير مكيزيد يطوال معنكشها وكتشوف في طايتها مع الحمل زادت في الوزن صدر تنفخ وليهونش زادو فاضو لحمل زاد في زينها جات معاها لكريشة عضات على شفتها بحشمة فاش كتفكر يامها مع يعقوب لي غير مكيزيد يتقزدر ضحكات ببراءة كتفكر اش دوزات عليه في وحمها من فشوش وبكاء هزات لقب ديال لبينوار على شعرها وزادت خارجة من البيت عارفة دراري مزال مغيجيو من الخدمة تمات هابضة في دروج شادة بيدداتها على كريشتها زادت لكوزينة نيشان لقات عائشة وخديجة جالسين كينقيو وحدة في لعدس ولخرة كتنقي لخضرة ديال رفيسة لي ناوين لعشاء وسلمى واقفة كتعمر في لقهوة ديال لكوتي

شمس: نعاونكم

سلمى : دارت عندها كتفرنس : غير خلي لينا داك لباسل مرتاح لايدخل باه يحيح

خديجة : هههه حاار باين منكرش مو

شمس: ههه متعايروش ليا ولدي

عائشة: هداك مغايكون غير ولد جداه بعدو ليا من ولد ولدي

سلمى: إوا وهاد لكرش لي هازة انا ؟ مامحله من الإعراب

شمس: دبا شهرين ياك

سلمى : وايه اختي من شهري هزيت لكرش حلف عليا مانشرب لكينة

عائشة: إوا ابنتي شوقو في لوليدات مساهلش لي داز عليه ولدي لحبيب غير كيرد لداخل ويسكت السكوتي ديالي هداك