وردة يعقوب🌹مكتملة🌹

🌹الجزء 158🌹

🍷🍒 قصة : وردة يعقوب 🍒🍷

🍂 بقلم : نور الصدقي 🍂

🍷🍒 البارت : 158 🍒🍷

عائشة: أبشوية غاضيح اوليدي ياربي حفظوو ياربي

إسحاق : غادي جيهتهم كاينطق بصوتو طفولي : باباا ماما وي وي

شمس: تحنات عليه كاتوبس فيه وتعاود بغات تاكلو كاتهضر بطفولية : هههه لحبيب ديال ماما وحستيني هاني زيت عند ولدي درتي لبسالة لمي جدة ؟

إسحاق : ناء أنا إزوين بابا قول ماديلس بسالة أنا لازل ( لا أنا زوين بابا قال ليا ماديرش بسالة أنا راجل ) باباا هزني افاك أوبلا بابا

يعقوب: تحنى هز عندو بيد وحدة ويد هاز بيها لميكات باسو فراسو : شنو دار ولدي ليوم

إسحاق : دور يدداتو على عنق باباه وحط راسو على صدرو كايهضر بطفولية : ديلت ألعاب وعام عام حليبة وبوست هالون ومسيت مع عمي حانوت سلا لي دانون وسوكولا ويلعب معايا كولا ( لعبت وكليت شربت حليبة وبست هارون ومشيت مع عمي شرا ليا دانون وشوكولا ولعب معايا كورة )

يعقوب: مزيان اولدي .. ياكمت ضربتي هارون ؟

اسحاق : بخوف : لا ابابا

يعقوب: قرب لميمتو باس راسها ونفس لحاجة دارتها شمس : يكما عياك الواليدة ؟

عائشة : لا ولدي بسلامتو بلفرحات عليا معمر علينا وداير لحس وشنو نبغي مزال كثر من هكا

يعقوب: الله يطول لينا فعمرك الحنانة

دخلو لداخل يعقوب طلع نيشان لفوق هاز ولدو لي مشعبط فيه مخلي شمس غادية جيهت صالة

خلات لقات سلمى حاضة لبوليكوب قدامها فوق زربية في الأرض كتقراء فيه وولدها هارون مفرشة ليه مانطة ديالو في الأرض حتى هو بشورط وتيشورط وليد ببشرة بيضاء وشعر اسود بنفس تحسينة ديال إسحاق واخد من باه ومو في لملامح أنوار واخد منو ملامحو وشعر وسلمى لبيوضة و نيف فعمرو عام وست شهور نااعس فاتح يدداتو ورجيلاتو من صهد غير بعدا دار باردة أما برا شموشات ولحرارة

شمس: سلام زين
سلمى : أهلين مو كريشة على سلامة

شمس: جلسات على ركيباتها حتى باست هارون وسلمات على سلمى بلوجه : الله يسلمك .. وينو وينو على لفنيكيش ناعس

سلمى : وايه حملتو فظهري حتى نعس يخليني نراجع شوية الامتحانات قربو من صباح وهو يتجارا يطيح وينوض هو اسحاق

شمس: هههه منوضين حرب فدار

سلمى : هههه ياسين غير قشعهم قدام لباب مخرجاهم خالتي هزهم وخرجهم بحال توام لحانوت طالقهم كيتجراو منوضين لحيحة

شمس: دوزات على كريشتها وناضت بشوية: هههه مفاهمين مع ياسين كايشعفهم ... ااي نوض نبدل عليا هاد لحوايج