وردة يعقوب🌹مكتملة🌹

🌹الجزء 31🌹

❄🌺قصة : وردة يعقوب🌺❄

🦋البارت : 31🦋

الدوار نايضة فيه اصوات المسيقة وشطيح ورديح لقاعة عمرات بناس وسرباية قايمين بلواجب داخلين خارجين

الدراري انوار ياسين وهيشام وفيصل لبسو مكاين غالكمبلايات لكلاس جاو متيتزين واقفين قدام دار الحاجة و معهم دقايقية لي ديجا وصلو ولبسو لباسهم وعائلت يعقوب عمامو وولاد عمامو وعيلاتهم وبناتهم وعائشة

شمس وصلها هيشام قبل لقاعة هي و النكافات و لكوافورة لي حطو كولشي فبيت شمس فين أتبقا تبدل لباسي ....
لقاعة لي عمرات بالناس لي جاو كولشي تبهض من القاعة كيف دايرة ماضنش هذا عرس فالعروبية هما موافين بلخزانة وطبالي وكراسا عادين هادشي ماشي من لي موالفين
طبالي متيولين كيسان ديال الماء كيبريو الماس و الفورشيطات وطباسل و الترحيب بالحليب و التمر كلشي منظم ومقاد

دخلو لعروسة بالصلى و السلام على رسول الله و الزغاريت من طرف النكافات لي وراها كانوا لابسين لباس موحد فالابيض وصوتهم مسمووع ومبحوح مجهد كيجبدوو في الصوت
وصلو العروسة لي لحشمة طايحة عليها وثوثر لبرزة و كلسوها كتشوف فالناس من تحت الطرحة لي غطاو ليها بيها وجهها لي غايطرطق بلحمورة كاتشوف كل الأعين عليها وطرح بدا ولكمانجة كاسرة دنيا
نضو ياناس جيبو زغراتات 🎶
لعرووسة جات أيما وزينت لبنات 🎶
أيما وزنت لبنات 🎶
لالات لبنات 🎶

قدام باب الحاجة فاطمة لي مابعيدش بزاف كانو عائلة العريس كاملين مجموعين في لباب كيتسناو فيعقوب لي عيطوا ليه و قاليهم بلي جاي فالطريق رجال مجمعين بلوقيف كيضحكو ويهضرو وبنات ولعيلات حتى هما هالي كتصايب تكشيطها هالي كتقاد زيفها
ملاك ووصال كيشطحو بكتافهم ناضو فيهم لهوايش بغاو غايقلعو خلاص يمشيو لعرس

حتى وقفات رونج كحلة كتبري قدامهم و نزل با يعقوب آش منك يا طولة آش منك يا حروشية لكتاف واسعين طولة وتجريدة وضخامة ولفخامة الكوستيم شحال واتاه بلون الاسود وتحتو قاميجة بالاسود لقاتم سباط اسود كيلمع جا خظييير

لكحل وتااه و ما يلبس الكحل غا الفحل و الفحل باغي يكحلها اليوم غير الله يعميها لشي واحد و لا شي وحدة

نزل من لوطو عااقدهم كيف ديما مخلي بنات عمامو غا كيشوفو فهاد لعظمة سلمو عليه عمامو وباركو ليه وولاد عمامو لي عاد شافهم توكلو على الله وطلقاتها عائشة بتزغريتة تبعاتها سميرة أم وصال و ياسين
دقاقية حماو الطرح و تهزو الطيافر و العيالات كيصفقو و يغنيوا معهم ويشطحو ودراري كايعلقو لي عندو شي مرأة يعلق ليها غازرقة على ختها تمو قاصدين القاعة و هوما حاامين طرح منوضينها على سي العريس لي هاز خنافرو لسما و عاقدهم بحالا جايبينو بزز مصبر راسو تا دوز هاد الليلة على خير وهو ماعاجبو حال ..خوتو دايرين بيه وعمامو ولاد عمامو هيشام و ياسين شداتهم لي ماتعلم ماكرهو يشطحو ويحيحو ولكن مرزنين قدام يعقوب