وردة يعقوب🌹مكتملة🌹

🌹الجزء 132🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 132 🍁

30 : 00 🕒

وصلات 12 دلليل عاد العم وولادو ونسيبو ومرتو ناضو قصدو دويرتهم

وأهل البيت لكل قصد بيتو ينعس ويرتاح ضفاو ضواو ولكل شاد بيتو وفي بيوت الضيوف جلسات هاجر ولي كوثر لصقات فيها كتخاف تنعس وحدها وخا وراتها عائشة بيت ليها وحدها ساعة خوافة نعسات مع هاجر

في بيت يعقوب

كان مطفح فوق الناموسية بشورط فقط هز تليفونو مصغر عينيه وعاقدهم باينة شي حاجة ديال الخدمة

قراء شنو وصلو وحط التيلي فوق لكوافوز دار يديه مور راسو متكي على لكادر د السرير وعينيه على باب لحمام كيتسنا فيها تخرج حتى حلات لباب وخرجات لابسة كلون سخون وتيشورط ديالو بالاسود جا على بشرتها البيضاء خاطير جامعة شعرها لحريري لفوق كعكة مهملة ودايرة بوندو كيوت جامعة بيه لخصلات لي طايحين على عويناتها وفي رجيلاتها بانطوفة فيها قليب مشعر بالاحمر بقى مفيكسي عينيه فيها غادية قدامو بحال شي فريزة بكريشتها لمقنبلو عويناتها تنفخز شوية ودايرة بيهم لحمورية باينة مبكية ... جلسات في لكرسي ديالها حدا لكوافوز د المكياج بكل أنوثة وبدات تدهن في رجيلاتها ويدداتها بكريم مرطب وتخربق في ميكياجها تحط هادي وتصايب في هادي وهو مخليها على خاطرها

حتى سلات وناضت شادة على كريشتها

شمس: نضي ضوء ؟
يعقوب: غير زيدي تنعسي انا نوض نطفيه

طلعات تكمشات حداه هزات عليها لغطاء هزات عويناتها فيه لقاتو كيشوووف فيها مفيكسي الشوفة فيها حدرات عويناتها حشمانة ومقلقة منو زعماكين

يعقوب: هز يدو لحرشة كيدوز على حنيكاتها لمطيبزين لوى لسانو في فمو ونطق : ماعنديش مع لهضرة بزاف ولكن هاد لمرة غانهضر وسمعيني مزياان الله يرضي عليك

شمس : و وخا

عينيه في عويناتها كيهضر بجدية وصوت مدعدع وفخم ... فخم في حياتو وتركيبتو في نظراتو الواتقة حضور طاغي مخليها تبع معاه كترمش ببراءة وتسمع ليه بحال شي أمانة وهي ناعسة مقابلة معاه

يعقوب: لهضرة لي قلتي اليوم متعاوديهاش حيث مامنهاش ... الى ماكنتش كنخليك تخرجي بلا بيا فا من خوفي عليك ماشي حيث مكانبغيكش نتي مزالة صغيرة معارفة والو ونية وانا كنخااف عليك عاارف اش كاين واش كيوقع .. هادشي لي كندير كيتسما الغيرة على مرتي نتي كاطبقي الدين بلاما تردي لبال ماتكلسيش معاامن كان ماديريش داك لعجب لوجهك قدام الناس خصوصا الرجال سوا خوتي او لي كان ماتخرجيش بلا خبار راجلك حيث لخروج بلا شوار الراجل الملائكة كيبقاو ينعلو فيك حتى ترجعي لدارك .. ماتهضريش مع الرجال انا هاكا داير خاسر ومغيار على مرتي والنساء لي كيعنيوني منك والوليدة وختي انا رااجل ماشي ديوتي وزين الراجل الكلمة والرجلة وزين لمرأة لحشمة دبا نتي عند بالك هادوك لي كيخليو عيلاتهم يخرجو كي طعارج مزوقين والشعر ولبس لمزير رجااال ؟ لي مكايغيرش على مرتووو ماشي رااجل