وردة يعقوب🌹مكتملة🌹

🌹الجزء 40🌹

❄🌺قصة : وردة يعقوب🌺❄

🦋البارت : 40🦋

ملاك : غا ضاحكة ازين
وصال : بعدي مني يالاه
ملاك : إوا كااع لا نكبر انا شان لبوجعران
عائشة : يعطيكم لغمة سكتو ماتعرفو عدنا الناس ماتعرفو لصواب اسكتو سكتوو
ملاك : تهدني اعيشة ها حنى ساكتين

زادت سلمى عند شمس منين عرفتها هي مولات الآيفون

سلمى : هاكي ألكورية مو عوينات زرقين هذا التيليفون لي سيفط ليك راجلك
ناضت عند عائشة : هاكي اخالتي سيني ليا هنا الله يحفظك
عائشة سينات ليها
اما شمس غير خداتو لقلوبة كايخرجو من عويناتها فرحاات مسكينة حلاتو و زادو حوالو ليها العينين حمقها و هبلها بزاف مقابلاه و تفرنس وتقلب فيه وفي ليكوت وشارجور كلشي حمقها بلونو دهبي مع بوشيط غوز

ملاك : يا ختيي مشاء الله آخر ما كاين فالآيفون سعداااتك هدا هو زواج والا فلا ياااربي شي بولحية سخي بحال خويا

بداو كيضحكو
لحاجة : هههه الله يجيب ليك شي نقرة فين يغبر نحاسك كلكم العزبات
لكل : اميين
هاجر كتشوف فبنتها و الفرحة وضحيكة لي على وجها مندماتش بالمرة حيت عطاتها لهاد العائلة لي الله يعمرها دار ووجهم بشور ناس لخير معدنهم باين
لحاجة : وفين صباحك نشوفوه ابنتي
شمس: تزنكات : م ماعرفتش
لحاجة : كيفاش ماعرفتيش
شمس: فقت مالقيت والو وهو قال ليا منبقى نقول والو اخالتي ولا يتفاهم معايا
عائشة: حتى هدا كلام الله يرضي عليك

الحاجة: غايكون لعجل غبرو مايشوفو حد ماعلينا ياجمعة يالاه نوضو نهبطوا راه خلينا الناس بوحدهم التحت نوضو

تمو هابطين و مهبطين معهم شمس بالشوية و كيصليو على النبي و الزغاريت فرحانين بيها دخلوها لصالون فين مجموعين لعيلات لي غير شافوا لعروسة تبهضوا من زينها خرجو فيها عينيهم كاينة لي تبارك الله وكاينة لي غير حالة فمها فيها مادكر ربي

بدا أتاي كيتفرق و معاه طباسل لحلوة ولفاكية بداو كيدورو البنات بطباسل الحلوة لي مغلفة بميكات دالسولوفان و فيهم سينتة و كيفرقو على العيالات وطبالي عامرين بخير الله من لمسمن لبغرير لحلاوي لفقاص لبيض مسلوق ولقطبان ديال شوا ....

داز الوقت ناضو العيالات تحزمو كايشطحو ولمراكشية جارت هاجر طالقة حلوقها وشادة لبندير ديالها لي جابت معاها

اصباح صباح ماليه 🎶
الملحة وستر عليه
صباح صباااح ماليه الملحة وستر عليه
هاهو فوق راسي لاتكولو فرماسي
هاهو باقي خضر هاهو تاع لفجر 🎶
هانتوما ياصحابو خوكم راه صابو

🎶🎶🎶
تحط الغذا لي وصا عليه يعقوب جابو تريتور البسطيلة د دجاج و حوالا مشويين ولموناضة عاد الديسير
لبنات كايتسخرو على لعيلات و دراري على رجال لي في صالة بعيدة عليهم