وردة يعقوب🌹مكتملة🌹

🌹الجزء 85🌹

💎🌺قصة : وردة يعقوب 🌺💎

🍂🍂BY: وردة نور " نور الصدقي " 🍂🍂

🍁🍁البارت : 85 🍁🍁

لمرأة : اوالله مانتحرك حتى ندير لمهم الشوهة نوري لبرهوشة أش نسواا والله حتى نشتف عليك اليوم مزال البرهوشة تبولي في حوايجك بقات في الزين وزيد شماتة عندي سالو ريقو ولايني نتي اللفعة كضربي من لتحت لتحت ليووم نريش مك
ملاك : بغا غير الشوهة وأجي نوري مك الشوهة الواسعة كتعايري ليا في مرات خويا على هي قدك البوطة بغا تحكري عليها أبربي يا بيا ولا بيك المنتوفة
وصال : كفدات كمامها مفقوصة وزادت جيهت لمرأة : بغا غير لعار حنا ماليه

لمختار ( مول لحانوت ) : كيدفع في راجل : أخرج عليا مرتك أسيدي ولا نعيط لبوليس

لمرأة : دفعات راجلها لي كان كيجر فيها زادت جيهت شمس نيشان كتسب وتغوت : الييييوم يابيا يابيها مااااشي سومية لي تجي برهوووشة تخورها اليووم نتفها ولي قرب نجمعووو معاها اسمعتووو

مع كملاتها معرفات ملاك منين ننقزات ليها جراتها من زيفها حتى نطراتو ليها وحكمات شعرها ومع ملاك رقيقة وقليولة ولخورى عااامرة وطويلة دارت لملاك شداتها من شعرها حتى نقزات ليها وصال بزربة معاونة ملاك وصال مع بسم الله مع جمعات مع لمرأة لوجه بطرشة وعوداتها تانية وبدات تنتف هي ضرب وملاك تريش ولخورة كاتسب وضرب حتى هي حتى وحدة ماخلات من جهدها

مول لحانوت كيحاول يفك ملقى ليهم جهد أما الراجل واقف كيتفرج مقرب يفك مرتو ما والو عينيه غير على شمس لي مكمشة كتبكي كتشوف ملاك ووصال داخلين في مصارعة مع لعودة لخورة ... بغات تموت بلخلعة ندماات ندمااات حتى خرجات من دار كتبكي وجها حمررر ونيفها اكثر كتبان بحال شي مشة خايفة

لمرأة : كتسب بجهد وتغوت وضرب حتى هي وخا قهروها مع جاوها جوج كضرب هادي وتصمكها لخورى من حيث لا تدري : اععع ياولاه اليوم القحبااات حتى نصفيها ليكم شي لحبس شي لقبرررر ياااابنات لحرام ياالوسعاات لخانزات لاما هرست عضامكم مانيش سمييية

ملاك كتقمش وضرب فينما جات وكتحاول تخوا لضرابي لي كيجيوها شداتها من شعرها كتحدر ليها راسها بززز ووصال كتنتف

ملاك : كضرب وتهضر وتشد دقة وتردها بلي حر منها : أصلا شوهتنا غاتوصلو غاتوصلو غناااكلوها غناكلوها ليوم يهرسني خرجنا مرتو بلا خبارو وزايدينها بشوهة معاك المنتوفة لخانزة غير هو نبرد فيك غدايدي بعدا باش منكلوهاش باطل

وصال : كتنتف : غاااا ضربي مزياان املاك ماااتخليش من جهدك أما داكشي لي كيتسنانا ماتفكريش فيه دبا

لمختار : خرج برا لحانوت كيعيط على مرتو : وااااا حليمة وانزلي نزلي وااا حليمة نزلي نفكوو قبل توقع شي مصيبة

بداو في لغوات ولمناتفة ديال صح ناضت لمرأة تجنترات منهم وزادت لبراء بجرا بان ليها واحد لمحيبق هزاتو نيشات بيه جيهتهم تخواو ليها وقبل تحنا على لاخور جرات ليها ملاك ووصال تلاحو عليها قدام لحانوت بداو يطلو الناس من سراجم حيث صداع جهاد