وردة يعقوب🌹مكتملة🌹

🌹الجزء 159🌹

🍷🍒 قصة : وردة يعقوب 🍒🍷

🍂 بقلم : نور الصدقي 🍂

🍷🍒 البارت : 159 🍒🍷

صباح جديد

حل عينيه على تبجغيط إسحاق مع صبااح كانت 7 ونص دوز إدو لمعرقة على وجهو عاقدهم دور وجهو ليها ناعسة مجشية فيه بحال لفارة شعرها مزلع وحنيكاتها غايطرطقو عريانة وباين مسخيخة من ملامحها طفولية لي مكمشة ببراءة دوز لسانو على شفايفو منيم عينيه فيها تهز شوية عندها حيد شعر على وجها شبعها بوسان عرفها مسخسخة مخلاهاش تنعس لليل كلو حتى قرب أذان لفجر عاد ناض يدوش هي طاحت دودة

إسحاق: ناعس فلكونة ديالو كايبجغط دور عويناتو قشع باباه فايق نطق بصوت طفولي كيحاول ينوض : بابا

هز عينيه فولدو وناض قاد ليها لغطاء لابس غير بوكسر تمشى بجسمو ضخم جيهتو هزو بشووية كايبوس فيه

يعقوب: أمالنا البطال شبعتي نعاس
إسحاق : رمش فيه ببراءة وحط راسو على صدرو كايشير ليكوش : خيخي أ بابا

يعقوب: زاد بيه لحمام كيدوز على ظهرو بحنان : وعلاش الخانز ماتفيقش وتعيط ليا نديك لحمام تقضي حاجتك راك كبرتي

إسحاق: غير شاف لجاكوزي بدا يصفق ويمد يدداتو بفرحة كايترضى فيديه باغي ينزل : بابا عوم عوم بواا باباا

حطو في الارض بشوية وبدا يحيد ليه في ليكوش حيدو ورماه في لابوبيل وهو باغي يمشي لجاكوزي فرحان

يعقوب : أهداا مالنا أهياا
إسحاق: باباا عوم عوم

يعقوب: ريح أولدي بلاتي
إسحاق: ناا أبابا عوم عوم أفاك

هزو فيديه وزاد لجاكوزي طلق لماء كايعمر عمرو غير شوووية يالاه يتناسب مع إسحاق حطو وسط داك لماء دافئ وكب شوية من باندوش خاص بالوليدات صغار خلاه كايلعب في لماء فرحااان صوت ضحكاتو كاسر دنيا خلا قلب يعقوب يفرفر وشحال كايفرح لضحكو ويحزن لمرضو شحال من مرة هزوه فنصايص لليل لسبيطار كاطلع ليه سخانة مع جلبة فصغرو مرة يطيح مرة يبكي دوزها عليه ... بقى حاضيه كايضحك ويضرب يدداتو صغار في لماء كايضحك ضحكتو طفولية

قرب يعقوب لاساش غسل يديه ووجهو وسنانو نشف ورجع عند ولدو جلس قفازي كايدوش ليه بالخااطر شللو ولبسو بينوار ديال صغيور دار ليه لقب وخرج بيه لدريسينغ حطو وهو هو سروال كيطة كحل لبسو مع تيشورط بيض غايطرطق عليه لبس كلاكيط وهز ولدو فوق لفوطوي موقفو جبد ليه شورط وتيشورط ديالو لبسوهم ليه بلا ليكوش خلا يرتاح منو شوية نشف ليه شعرو ولبسو صندالة صغيروة ديالو ديال نايك

يعقوب : شنو دبا بغى ولدي

إسحاق: عم عم حليب خبز سيلااك ( ناكل حليب خبز وسيليلاك )

يعقوب هزو بين يديه وزاد خارج بيه مخلي شمس تشبع نعاس وترتاح

إسحاق: شير بصبعو جيهت شمس : ماما نيني