#في_الغرفه_التاسعه٢٩
#الجزء_الثاني
زينب الموسوي
السلام عليكم
اذكر ب حذف كلمة مطار من البارت السابق
............................................................................
#البيت_القديم
—————————-
نرجس
مثل غيم اسود غطى وجه الشمس وتلحفت بهمومها ...غيمت دموع عيني .... وموج حالك هاج بروحي وغطاني بسواد المصايب
اجر النفس بهموم وازفرها بجزع
ترجعني لذات اللحظه .... اللحظه الرجعت بيها امي والكسر بخطواتها فاتت للبيت وافترت عيونها على نسوان الساده المعزيات شفت المصايب تحديها وماتترك الها حيل حتى تشيل هدومها ...
تصارخن بشوفة يعقوب رافع جنسية ابوه ...
واحتضننه بدموع وعويل ثكلى ادمى گلبي وافقدني رشدي ضربت على راسي بلا شعور
وگعت بيد احمد وامي .....
وعيت على حالي بالمستشفى ... والدكتوره تنبهني وتحذرني
( نرجس لقد اخبرتك قبل شهريين بخطورة وضعك الصحي مع فقر الدم لديك والحمل في الاشهر الاولى قد يؤدي لاسقاط الجنين )
اتصور ت صوتها ضوضاء . حاولت اسكاتها باي كلامات
( ساهتم بغذائي .. فقط اخرجيني من هنا )
توارت عن عيوني مزعوجه مني ... لانها تعتقد مابيه هو دلع حوامل ... والكل يجهل نار ... مشتعله جوايه ... وتشب كل مااباوع الصور للمقابر الارسلها احمد لكرار وتفرجتها . وكأنها لسان ناطق بالبطوله الصامته
خلتني اسمع كل صرخه ظلم ورفض صرخوها ضحايا المقابر ... استنزفت حيلي وقدرتي على الصبر .....
سديت عيني على دمعه حراگه ... ويه اقتراب اكرم من سريري بغرفة المستشفى ....
اخذ يسندني ويرفع راسي قبل ان يسالني ( شلون صرتي
يمعوده الحجيه امچ ماناقصه وتريدين تچمليها .،، شدي حيلچ مهما يكون المچ .... هالحجي اگوله الچ وگلته للساده الحدث تاخر سنوات وهسه صار حقيقه تخليكم تجتمعون لاحتواء اولاد المرحوم وامهم )
انبريت بشكوى ( هو هذا المعذبني ... موته صار حقيقه .،
وبعد ماكو امل يرجع ،.. واني طول هالسنين اتمنى يرجع واحجي وياه ..، صوته يرن باذني من كان يشيلني ويكولي ليش بالشارع )
مسحت دموعي ..، قبل ان تنزل دموع غيرها ... واكرم يستدار بكامل جسده لمواجهتي ...، وينبعث صوته بهدوء
( اريدج تغمضين عيونج ..، واتصوري اخوج. موجود يشوفج وتشوفيه شتريدين تكوليلن لعباس)
غمضت عيوني وشهگت بالعبره
( مشتاقتلك .. ومانسيتك )
تابع حديثه وياي
اتصوري يرد عليج ويگلج ( نرجس طمنيني عليج .. انتي بخير ... بامان .. مرتاحه .. شتريدين علبه )
YOU ARE READING
#في_الغرفه_التاسعه
Romantikkقصه اجتماعيه حقيقيه لعائله عراقيه لااحب ان اختصر مضمونها واترك للقاريء معرفة المضمون
