اليوم جمعه وبماان طلعت من وكت من الدوام واستبشرت خير وفرحانه اليوم حبيت افرحكم
بجزء من البارت مو كله باجر اكمله كله
#في_الغرفه_التاسعه ٦
#زينب_الموسوي
#غرفة_عرس
السلام عليكم
🌺🌺🌺🌺🌺🌺🌺
حليم
ساعه عشره بالليل .. دخلت الغرفه .. موجوده عروستي بركن من اركان الغرفه تجمع جوكليت ... اخذت اسد الباب .. واني اتذكر امنيه عندي من زمان... بان اصنع انسان يفهمني انسان يفكر مثلي
ميمشي ورا العيب والحرام الا برهان ..
هالانسان امامي وبصفة زوجه
ادرك هالزوجه غير واعيه والفرق باعمارنا شاسع .. ويمكن مااتگدر
تتحمل اجواء بيتنا. ولابد تميل بتفكيرها لجهه معينه .. واني حريص اكون هذي الجهه
المرات المعدوده الحجينا بيها بالخطوبه بينت سهام طفله .. طبعها متفكر بكل كلمه قبل لاتنطقها .. وغير متعلمه ..
مثل ورقه بيضاء .. خاليه من اي خط .. و تصنيع ذاتها يكون من هذي اللحظه ....
ابتسمت بخوف ..
ابتسامتها لاتضاهيها ابتسامه
نظرتها الخجوله اختصرت معنى الروعه ...
اقتربت باتجاهه .. نهضت من السرير وگفت ... وعند وصولي غمضت عيونها .. ضربات گلبها سمعتها بوضوح ... سلمت بهدوء
(مساء الخير سهوومه )
رمشت سريع بلا مترد ... وراحت تلعب باسوار ذهب ايدها مزينه الاسوار ومنطيته القيمه ...
اخذت اديها وقبلت معصمها .. بقوه .. جعلت الاسوار بايدها ينفتح ورادت تنزل تشيله
رفعتها ومنعتها الهرب
( سهوومه مارديتي السلام زعلانه مني لو شنو )
حسيت رجفتها وهي ترد بكلمه
( لا )
( ها حقج متردين لان
الكلام بهذي اللحظات يضيع حلاوة اللحظه )
.. وگفت اتاملها
لثواني .. ودقائق .. وشرودي بتقاسيم وجهها زادها حيره
بقت على مقربه مني وامامي بصمت وسكينه ... واني في تأمل وهيام وشوق .. كأني اشوفها للمره الاولى .. استغرقت بالنظر .. وافزعها صمتي وابتعدت
وگفت بعيد عني .. وانتبهت على نفسي ليش اني ساكت
على الاقل اعبر عن انبهارني بجمالها
: سهوومه .. شنو هالبدله الحلوه .. طالعه كمر ..
فتحت اديها لحضنها وطويت المسافه الها
بينما ابتعدت لجهة ميز المرايا وگفت گباله
تعدل بدلتها وظهرها عليه وارتباكها مانعه تركز بالنظر على المرايه وسالتني
: صدك حلوه البدله
راقبت هروبها للمره الثانيه وهي تشوفني خلفها .. واسرعت في تغيير جهة الفرار باتجاهه الكنتور ..
YOU ARE READING
#في_الغرفه_التاسعه
Romanceقصه اجتماعيه حقيقيه لعائله عراقيه لااحب ان اختصر مضمونها واترك للقاريء معرفة المضمون
