Oops! This image does not follow our content guidelines. To continue publishing, please remove it or upload a different image.
طبقه الصور
Oops! This image does not follow our content guidelines. To continue publishing, please remove it or upload a different image.
______________________ سهام
تستغيث جروح روحي ..وتتزف في سكوت حتى اصبحت اشك في وجود الفرح ... ولااعتقد بالامل توالت المصايب عليه .. مصيبه تجيني قبل لا اتمكن من نسيان القبلها ...
وبقى ايماني يهتف بداخل كلبي واني اشوف المدده على سرير مستشفى .. ودگات گلبها تتصارع ويه الجهاز .. والمغذي ينزل بقطرات رافضه تنعش عروگ جسمها النحيل ....
وبيباس لسانها .. تنادي بشهگات تتقطع ( موسى اوليدي )....
وگعت مغمشي عليها من رجعوا بدونه ... وچنت يمها من اتصل حسين وبلغني ( يوم روحي يم العلويه مدين وگوليلها شدي حيلج موسى اختاره الله شهيد ) هزيت السماعه حيل تصورت ماسمعت ورجعتها على اذاني وسالته ... والريبه سيطرت على گلبي ( شگلت يوم منو الشهيد )؟
انفعل وفجأه شهگ مذعور
( يوم موسى مات .. بلغي امه انتي والملا وعمه خلود روحوا يمها ... ساعدوها على المصيبه )
جسمي بدا ينتفض ويختض واختلج صوتي بحراره ( حسين يمه شلون مات ومنو قتله .. على بختك يوم گول غيرها ولك ذبحتني ذبح ) واخذ يشرح اليه الصار. بنفس ينگطع وبجي مستمر ... سد السماعه .. وترك اليه اصعب مهمه ... الملا ورايه والساده كانهم افتهموا .. ونادوا عمهم حكيم
دخل لمدخل البيت وسماعة التلفون بيدي وابجي ( حجيه ام حسين شنو الموضوع )
