#في_الغرفه_التاسعه

في الغرفه التاسعه تكمله ١٦

السلام عليكم
#تكملة_بارت_هروب ١٦

نرجس
افراش بسيط فرشته بالحديقه .. وبيدي صحن التمن والباكلا .. وكعدت اتفرج السياج الخشبي الابيض الجديد الخلاه من يومين احمد بالاتفاق ويه المالك . واصبحت نطلع  للحديقه  .  وماكو واحد من الجوارين يشوفنا  دققت على اصفاف الاخشاب وكانها حولت الحديقه لسجن  يحوي ورد وثيل واشجار
ومتفرق عن مفهوم الزواج بيت وذهب واثاث وملابس داخل سجن مدته مجهوله تطول لو تقصر..
ابعدت نفسي عن افكار الفلسفه الظهرت عندي اخر شي  يمكن من كثر التفكير والخوف والكبت
وسلطت  نظري بالماعون .. وغرزت الخاشوگه بوسط احتضان التمن للشبنت .. وعناق الباگلا الخضره وقطع اللحم
وانتهى العناق بحلگي واني اغمض عيوني واتلذذ بالطعم .. فتحت عيني وشفت امي ودعاء لاحگاتني واصواتهن كشفت بعدهن بنفس النقاش
تحولت اللذه لسكم ودعاء تبتسم وتحاول تحتال على عقلي بسوال ( هسه نرجس الحبوبه تكولنا ليش اكرم  ااجل  لبس الحلقات والسفر لشيكاغو .. وراح لشغله )
تماسكت ولزمت غضبي خاصه امي تبحر بوجهي بغضب  جاوبت بهدوء مصطنع
( حبيبتي دعاء انتي نزلتي وياي من السياره
سمعتيني فتحت حلگي .. اشو اخوج فاتح اغنيه الختيلان هذا انا وهذا ماادري منو )
فتحت عينها عليه بتحذير واضح من انفعال امي
الراحت تحلل
( ماكو غير  تفسير ..اتصور بين نرجس وسيف شي من اجى سيف وابوه يخطبون .. وعباله هي تدري )
عجلت دعاء بالدفاع عن اخوها
( استغفر الله اكرم مستحيل يفكر هالشكل وانا فهمته  نرجس متدري بالخطوبه وماعرفت الا ثاني يوم .. من مهدي  حجالها )

گمت من يمهن قبل ماامي توجه اليه سبب تعكر مزاج نسيبها ااجديد ..

دخلت للبيت احس نفسي مخنوگه وثگيله على هذا البيت ..
رجعت الاكل للجدر .. وقررت مااكل الا قليل
فتصورت الاكل ديخنگني
والصبح حرصت مااغضب امي و طلعت بلا ريوگ واعرف هالشي..

ج واعرف هالشي يسرها  ..
والشي السرني اليه بالمدرسه .. هو اختيار ي من مدرس الرياضيات لعمل تطوعي هو  ..tutoring  مساعده للمدرس في شرح الماده للطلبه الضعفاء بالماده )
وهالعمل اثناء العطله الصيفيه ... ويتطلب اعيد شرح مادة الصف التاسع على الطلاب النحجوا بدرجات ضعيفه للصف العاشر   اذا رغبوا بتحسين مستواهم .ودوامي تلث ايام بالاسبوع ..

انطاني ورقه .. وفهمني ( على ولي امرك التوقيع  بان لامانع لديهم من حضورك اثناء العطله للمدرسه )
اخذت الورقه ويمليني اليأس بموافقة اهلي ..بالوقت المعظم زميلاتي  بدوا يسجلون على دروس بالعطله مثل  تدريب على سياقة السياره  ومنهم فيبي واحلام
وسجلوا درس ميكانيك يعلمهم اوليات العنايه بالسياره .. بينما  ترددت اسجل على  درس  تجميل يعلمني  العنايه بالشعر   ومعلومات عن المكياج .
لعل اعرف سبب تساقط شعري  .
وترددي  منعني اسجل .. على درس اعرف مرفوض. من اهلي