#في_الغرفه_التاسعه

اعادة نشر

#في_الغرفه_التاسعه٢٨
#زينب_الموسوي

السلام عليكم
☘️☘️☘️☘️☘️☘️☘️☘️🍀
#موسى

———————
فاطمه

بداية العام الدراسي ١٩٧٦
الصبح طلعت اتمشى لمتوسطتي .. متحمسه وخايفه
وبعدها تندى  على بالي ذكريات الابتدائيه .. واحس ناقصني شي بدون العلويات واختي زهراء الاحس عبالك بعدني بالابتدائيه ولازمه ايدها ونمشي سووا ونعبر الشارع
....
امشي بصمت وهدوءمثل ماعلمتني الملا 
واخذ الرصيف وعيني على دربي مثل ماعلمتني امي ...

ويايه ورايه وگدامي طالبات يطلعن من بيوتهن وتكثر اسرابنا  ...
ونصبح مجاميع تمشي بنظام  وندخل للشارع مدرستنا ..
حماس اليوم الدراسي الاول ..
بادي على خطوات البنات المحتدمه بالوصول للمتوسطه 
والفضول يدفعنا  حتى نعرف اسم مدرسة  الشعبه .. والي يمر من يمهن يسمع دعائهن   البريء  بذكر اسم مدرسه دون غيرها

( يارب مو ست اعتماد ) (يارب ست عفاف )
(لچ ست سميره ام الرياضيات  انتقلت لمتوسطه الولد )
(ست شروق حامل ).... وتتردد
مقتطفات  اخبار  معلمات غابن عن يومياتهن  مايقارب الثلاث اشهر  ويزيد
وحماسنا يتزايد باليوم الاول ..
حيث لاواجبات ولا حفظ او امتحان ..
وقارنت واني امشي الفرق بين المتوسطه والابتدائيه واهم فرق
هو المتوسطه مو مختلطه  والمتوسطه اما مشموله بالتغذيه المدرسيه .. ومشموله بمجانية التعليم والكتب والدفاتر  والقرطاسيه  المجانيه
الفرق هو الخامس ابتدائي يستلم علبة هندسه وقاموس  واطلس الخرائط ..  مازلت محتفظه بيهن...
تفاءلت خير ويه وصولي لباب المدرسه المفتوح .. دخلت
وكفت يم باب الاداره ..
مذهوله من اعداد الطالبات  اليزيد عن عدد الابتدائيه .. فمتوسطتنا تقبل البنات من تلث مدارس ابتدائيه ...

اختاريت اتفرج على اشكالهن واصنافهن .. لاحظت
النشاط بالحركه .، فالركض والشقى بالدفع  والضرب بالمزاح  سمه جليه على نشاطهن ...
عدد الي نزعن العبايه بدخولهن المدرسه اكثر من البقن لابساتها واني وحده منهن ..

مروا من يمي طالبات  اعرفهم من الابتدائيه  وسلموا عليه ..

( شلونج فاطمه تتمشين ويانا  )
جاوبت سلامهن واعتذرت
( شلونكم انتوا .. اعذروني  مااريد اتمشى )
مشن قبل لااكمل ردي  لكونهن يأسات من حماسي للمشي والركض مثلهن ..
والسكون طبيعتي التلبستني من زمان

ودقايق طلعت من الاداره المعاونه  سوسن   كل البنات تعرفها من الابتدائيه  من چانت عكس دوامنا. تحاسبنا على جيتنا للمدرسه من وكت قبل لايخلص الدرس الاخير للمتوسطه ..
بيدها  شايله الجرس
وتدوك بيه .. وتستعين بطبقة صوتها العريضه بالصياح
(  طالبات يله  للاصطفاف ..
حسب شعب السنه الفاتت  الاول متوسط اصطفن كولجن صف واحد بعدين اقسمچن .. )