#في_الغرفه_التاسعه

في الغرفه التاسعه ٣٨

ورد خطا بتكملة البارت السابق
برسالة نرجس لعلي  ذكرت نيويورك
والصحيح هي ماذكرت اسم الولايه
لو ذاكرتها. ليش تاخذ احتياطات حتى ميندلوها
مسحت الكلمه وعدلت البارت
لكن مو كل  راح يطلع عدها التعديل لذلك نوهت

#في_الغرفه_التاسعه٣٨
#زينب_الموسوي
#الجزء الثاني

السلام عليكم
...........،......،،...،،،،......
#احفاد

—————————

علي

(اسمحولي اگلكم   كلنا  ..
غلطانين .. وحذرتكم اول مابدت صحتها تتحسن .. گتلكم خلو اكرم بعيد بالوقت الحاضر .. خلوها  تطلع   وترتاح وتحتوي اطفالها .. وهي تقرر  تتصل باكرم لو لا ..هسه راحت والله  مالومها .. خلوها   تشوف طريقها  ..  واحنا كلنا واثقين منها. ومتاكديين  تمشي بطريق الصحيح  صدكوني ملاحقتنا  الها راح تفتح ألسنة  الناس علينا وتتأول السالفه
وحتى لو صلتوا الها راح تنهزم مره ثانيه .. نرجس بفترة نقاهه  لاتنسون هالشي ...وهذا مو الوقت المناسب    ان تنجمع باكرم وتصفي حسابات  خليها تستعيد نفسها وحياتها وهي تقرر )

هدرت بصوتي .. كدام  جميع الموجودين اليت الساده  ويتخبطون بحيره  واستغراب وقلق

   .. فلا مطارات ولامستشفيات ولاسيارات اجره دلتنا على وجودها ..

التفتت  صوب احمد على اثر تنهيدته    الطوت بانفاسه  عمق الالم  

( هاا ابو حيدر انت شتگول )

بادلني النظره ماتحوي ااي تعبير الا  التخبط .. وباح  بخوالج نفسه
( فعلا غلطنا ... واكرم استعجل بالحاحه ياخذها لبيته
وتعالوا اكلكم .. ماعندي ااي شك  نرجس راحت لفيبي
منو تعرف غيرها  ... فاني اگول  نتركها ترتاح كم يوم  وتثبت الي تريده النا ولزوجها  واحنا ... ونحاول  نحصل اعتراف من فيبي  ونطمئن عليها بالاتصالات  ..   )

ايدت رائيه ( هذا الراي الصحيح )
مو بس اني ايدت كذلك سيد حكيم
استرسل يلخص  بتفهم وضع نرجس

وعبر عنه بدقه

( نرجس طلعت من المستشفى ... ولكت كل ادورارها بالحياة ملغيه
الاطفال مو الها.. الرجال متزوج ..وحتى بيسمنت البيت مأجره .. واذا احنا نتدخل بتصرف اتصورنا يساعدها على تجاوز  المرت بيه ... وتناسينا  العلويه من طفولتها تريد تثبت نفسها ... فاني أايد راي ابو حيدر وابو فاطمه ... نتركها تثبت النا ولزوجها هي  مو عاجزه عن شق طريقها بنفسها ونساندها بالاتصال والسوال من بعيد والمبادره الاولى خلي تجي منها   )

دارت عيون امي علينا باستسلام ( هي مريضه ... حتى فلوس ماعدها .. وذهبها  عدي  شلون راح تعيش ... گلبي ماينطبني تتبهذل هي وجهالها .. عاد خابروا فيبي  هذا رقمها  عدي ... وگلولها نحولها فلوس على اسم فيبي وعنوانها )