#في_الغرفه_التاسعه

#في_الغرفه_التاسعه٣
#الجزء_الثاني
زينب الموسوي

السلام عليكم
———————-
#شيء_من_الغيره

نرجس
من ساعات مضت لفني احساس بارد وتغلل داخل روحي .. واصبحت مااعرف اذا  الصفعه  اذتني ... لو افقدتني الاحساس وتسوى بنظري  الالم وانعدامه

گاعده بالزاويه بالاتك ... واراقب  عمل احمد وكرار  الشرعوا بتحويل الاتك  غرفه  وحضروا من الاسواق  ملتزمات التحويل 

  اثنوا ركبهم  لان السگف ناصي

واستهلوا .. بالوقع المنتظم  بالمطارق  الحديديه  على البسامير بالبارزه بالارضيه

ضرب الخشب  ..  بقوه وقسوه .. ترتفع مره وتستكين مره ليحل محله كلامهم 
..والتفكير  بمستقبل  بات الحديث عنه   يشعرني  مايشبه التخمه بعد الشبع ...

اندفع كرار  بحماس  انبعث استذكاره 

(  هالاتك ذكرني بشغلي بالكويت .. چنت استلم البيوت خرابه واحولها قصر )
رجع يضرب بسمار    وعينه على الجدران

واحمد يطالعني بابتسامه  وحاول يطيب خاطري

(  بعد شتريد نرجوسه ابو مريم  راح يسويلج هالغرفه قصر )

طلع جوابي ومااعرف منين طلع من گلبي المتجمد  لو روحي  المكسوره

(  لا خلي يسويه  سجن  مثل مگال ابوي
ميريد يشوفني ولايسمعني ... )

ركزت بنظرتي    الحانقة  .. وصار يبرر

( ااي ياعلويه غير انتي دستي زايد .. وتعرفين احسن مني  مجرد قولج اقتل نفسي هو تعدي على الله
والا سيد فتاح ميضرب  الا اذا نفذ  صبره )

بترت النقاش وياه ..  و جعلت من اصطباري وسيله  تدفعني للسكوت والاستماع لحديث
مايتردد غيره  بين احمد وكرار

  .. و انبرى كرار بالحديث وهو يتوجه للاسفنج السماه احمد مانع الرطوبه
اليتدلى  من  الحيطان  الخشب

(  سيد عمتي تكول مشيگان جنه    و حسب وصفها للاجواء اهناك والجوامع  والحسينيات ومن اشوف العلويات لحد الان يخافن يطلعن اگول مشيگان افضل من ايوا  )
انهى كلماته  وانهمك بتغطية الاسفنج بقطع خشبيه مستطيله  بيننا احمد  يساعده
ويتأني في الجواب وبعد صمت جاوبه

 
( ابو مريم انت لاتحكم على مكان من وجهة نظر  وحده ... فعمتي تقصد طابع الحياة العربي .. اسالني اني واكرم وسميح رحنا اهناك وسالنا ناس عن الوضع وشفنا بعينا
احوال العراقيين اهناك وهمه الجاليه الجديده اهناك واكثرهم الجايين من  .. والمشكله التواجهم ان مشيگان اقتصادها خدمي يعني يعتمد على مطاعم وصالونات ومحلات الملابس ومحطات البانزين  وشغل اهنا ميكفيك لو تشتغل ١٦ ساعه باليوم
لان وجود العرب رفع اسعار البيوت والسيارات والايجارات  ومساعدات الدوله قليله جدا  .. واكو معامل السيارات الي تعتمد على عمالها القدماء وخبرتهم  وصعب جدا تحصل  عمل بيها
وعندك الكازينو للقمار والملاهي   وهذي عملها ميحتاج اگولك حرام ..
والمطار. يشغلوك حمال او سايق
وهذي متكفي العيشه النحلم بيها  لاجيالنا القادمه )
شفت الحيره تجسدت بوجه كرار وحسراته
( سمعت هذا الحجي من جواد وزاد عليه ان