#في_الغرفه_التاسعه

توضيح

السلام عليكم
گلبي  عدكم والله ... وهذي صعوبة القصص الحقيقية  ... فمنكدر نتجاوز الالم بيها
وحبيت اوضح للمتابعات الي وصفوا ماكتبت عن فاطمه وضرغام هو خيال
وطبعا هذا اصبح سيف مسلط على الكاتبات مجرد ان احد الأبطال  يموت  تتهم بالخيال ...
خلينا اولا نعرف شنو معنى خيال
الخيال ان اكتب شي خارج عن قوانين الطبيعة او في مجال علمي او كوارث طبيعية واخترع بطل فائق القدرات او حيوان او  دواء
اما مااكتبه بالنسبه للقصص فهذا يسمى صياغه  لعمل فني او ادبي مع وجود الأخطاء البيه  الا اني احاول قدر الإمكان ان اقدم عمل فني ممتع ..
فمثلا من اجيت على شخصية ضرغام وفاطمة  وقصة حبهم وزواجهم  كانت تنقلها نضال  بتفاصيلها  لان فاطمه  بنت خجوله  ماعدها اي مصدر معلومات  مثل هسه من گوكل ويوتوب
و  ارتبطت بشخص مجرب  فاحتاجت  للخبرة وكان لازم تذكر تفاصيل لكون تصرفاته تناقضت  فلمن حجت اكيد  ذكرت  مواقف التناقض
او شغله العيد ميلاد الي  كرار شارك بالمفاجاءه
وذكرياتها من تمرضت  كانت تحجي عن قصة الفلم...   اتهامها اله بالجاسوس  الي الساده عرفوا بيها
وجود زهراء بالكويت ونضال شاركن حتى بتربية الأطفال  فهل حياتهن خلت من ذكر تفاصيل الزوجية  والحب ... اكيد لا  فكعدات البنات والأمهات والعمات كانت بمثابة  عرض  للعناوين العريضة لحياة كل وحده وبالمقابل تتولى  الأمهات والعمات التعليم والنصح
فمثلا  باجي نضال ذكرت بمحادثه اني وياها  ان ضرغام كان يحبها يموت  عليها

ويفاجأها باعياد الميلاد والهدايا

فهل يعني  اكتب بالبارت  جان يحبها ويسوي عيد ميلاد .. خو انزل المحادثة بين الأبطال بلا هالتعب ...
دوري  ك كاتبه او اي شي تحبون تسموني
ان أخذ هالدلائل وأقدمها بشكل. مواقف وحوارات  تدعم القصه ... يعني مثل فلم 
وبنهايته البطل يموت ومأخوذ عن قصه حقيقيه   فهل المؤلف والمخرج  استخدموا الخيال ...
او نقلوا بالحقيقة  بشكل مشوق فني ...

وانطيكم مثال اخر .. ذكرته ام حسين عن سيد حليم من شافها  بالشارع وهو يمشي ويه صوفيا ... وهوايه اعتبروا  الحديث ويه النفس لحليم خيال
واني اكيد من حجته اليه حجته   كحديث بينهم من رجع نادم .. اني قدمته كموقف عبره عنه البطل .. 
يااعزائي كون البطل ميت  ميعني ان كان صامت او غامض  عن الآخرين ..
وخاصة بهذي القصه الأبطال قريبين عن بعض  وحياتهم عباره عن مشاركه بالهم والاهتمامات ...
وإلا من البداية اگدر اگول ضرغام وفاطمة  كتبوا مذكراتهم ..
لكن شخصياتهم وقصتهم  كانت واضحة عندي وحبهم مااثر  بقية الأبطال ...  وفقدهم حاز بأنفسهم. لحد الان
وإذا نجي البارت عرسهم فكان ابد مابيه تفاصيل  ممكن  تخجل فاطمه تنقلها  لأي شخص
فهي وامها وضرغام كانوا ينتظرون   يعرفون الحقيقة .. 
بقت الخطوط العامة  حجتها لباجي من سافر  وتركها  بالوقت الي  انطاها اكثر من إشاره  ان وقع في حبها وصاروا يستعيدون ذكريات اللعب
وفجاءة سافر وتركها ..  وهنا راحت لنضال وحجت الها  واكيد نضال سالتها عن تصرفاته الي خلتها  تحس ان يحبها
واني بكل قصصي ماكو اي تفاصيل  عميقه

يعني أقصى ماكتب هي قبله حتى بلا وصف
ورأسًا انزل على الترابي   وانتقل لمصباح العرس والعروس ريحتها طبخ وتگلي بيض

بعد وينه الخيال .. حتى من طلعوا يدورون  عدسات  للزهراء  مو من المعقول  ان دبرت  عدسات ومافتخرت برجلها .. وذكرت التفاصيل  الساده وخلي اذكركم باعتمادها على كرار وسيد حكيم  ان يحرصون على تغييره  وهنا ميحتاج نقاش
ان صارت بينهم  احاديث ونقاشات عن صلاته والتزامه ...

كونا نكتب قصص حقيقيه مايعني
ان نفقدها التشويق والمتعة  لان البطل والبطله  ماتوا ... بالعكس الكاتبه  المقتدرة
ومدامح نفسي بقدر مااعتبرها معاناه  لازم تكون لسان ناطق  البطل الميت وتجمع عنه معلومه وكلمه وموقف  وخبايا النفس
وتقدمه  للمتابع  بدون  ادنى شك بكونه ميت ...
اني مدانقل  محادثه مسنجر ... ولا مشكلة وأنزلها  بصور
هذي معاناة انسانيه  ومشاعر حقيقيه وابطال من دم ولحم  موجودين وان رحلوا
صوتهم وصل وتلاثه مليون متابع   اليوم
اقشعرت أبدانهم  ونزلت دموعهم وقدموا العزاء الساده

حبيت اوضح  هالنقطة  واني فخوره  أمام الساده  بمتابعاتي ومتابعيني  وخاضه بهذا البارت  حبيت اواسيهم وانقل  تعازيكم
وهذا اندل على شي إنما يدل على نقاء الفقيدة  وصالح سيرتها ...وعلى إنسانيتكم  وصدق مشاعركم ...
شكرا لمتابعه وان شاء الله قصتنا  شارفت على النهايه

وبالنسبة للفيس  اليوم مااگدر افتح
لكون جهازي عطل  ومااعرف  الباسورد  للفيس باجر احاول افتحه

تصبحون على خير