#في_الغرفه_التاسعه٣٨
#زينب_الموسوي
السلام عليكم
🍁🍂🍁🍂🍁🍂🍁🍂🍁🍂
#بين_قلبي_وعقلي
————————
رقيه
خمس بنات في غرفه وحده ..
اخوات وبنات عم وصديقات
نحتضن بطانيات صوف تغطي اجسادنا واحلامنا ...
وحديث .. يدور لدقايق معدوده قبل للنوم ... كل ليله موضوع مرات عن الحرب الاهل الدراسه الوزن الشعر والفنانين الي نعرفهم بالبوكه من باجي سهام ..
اما حديث الليله فاختلف ونطقنا الكلمه الممنوعه ( الحب )
والسبب بالحديث عن الممنوع سببه خطوبتي حيث حصلت موافقة جدي وابويه برساله
وقررنا نحتفل بيها ابساطه
... ..
واحنا مددين ونحجي عن احلامنا من ضمنها الزواج. في يوم ما .. وفاطمه بطبعها الخجول والكتوم منعها تشارك بالكلام واني ورباب نلح عليها حتى سالتها
( لازم ابالج صوره عن فارس الاحلام حجيلنا عنه )
الظلام بالغرفه ماكسر قبد خجلها وتمسكت برائيها
( ممخليه براسي غير الشهاده والوظيفه واعين امي واساعد اخواني واكون فلوس حتى اشوف جدو والملا ) تبع كلماتها
انفاس شقت طريقها بتكسر من صدرها .. وتبعتها كلمات
( اني مستحيل اتزوج .. فماعندي صوره لاي رجال .. الا ابطال القصص الاقراها وذوله
من حبر ورق لايمكن نلگاهم بالحقيقه ويتحولون دم ولحم )
كلماتها الحاده بالحزن .. اسقطت دموعها بلا شك من سمعت شهگات خفيفه .. وحسيتها تحبس الانثى بداخلها
وتكبح كل احلامها بسيطره مقيته على نفسها ..
والحديث الحزين ماعجب رباب الفرفوشه وقاطعتها
( لج رقيه عوفي فاطمه منو ميعرف بيها معقده انتي احجي
عنج وحسين .. تتصورين زواجكم ممكن يكون بيه حب مثل علاقة امي وابويه ...
ورحت اشرحلها. وعيوني تخاطب ظلمة الغرفه .. واصابعي تعبث بخصل شعري
ونبرة ابتهاج بصوتي
( كول القصص القريتها ويه فاطمه كنت اتصور البطل يشبه حسين حتى الصوت اتخيله نفسه .. وجدي سيد سعيد ايضا كان يعدني لتقبل الزواج منه من طفولتي .. اتذكر يذكره كدامي باجمل العبارات والمواصفات )
دار الحديث بيني وبين رباب فليلى نايمه وفاطمه وزهراء مستمعات صامتات
وجاوبت على اسئلة رباب المتخوفه لكونها محجوزه ل احمد وسالها كان
( يعني متخافين من ان الزواج يكون لخاطر الاهل .. ومابيه مشاعر )
ماانكرت خوفي
( خايفه اعترف .. وبنفس الوقت مقرره اخلق هالمشاعر واحول زواجنا لقصة حب تختلف عن كول القصص الانكتبت وانقرت
هالمره زواج السيد من العلويه
راح يكسر اي جمود ويتحول لسيل عارم فايض بكول معاني
العاطفه )
ايدت الفكره وشجعت تحجي عن احمد
( واني همين جدي كان يكولي
انتي عيني اليمنى واحمد عيني اليسرى والعينين والعينين لازم اجمعهم سووا .. وتقبلت هالشي من يكررون رباب ل احمد .. واكيد احمد سمع من جدي هالحجي .. وبلا اتفاق بينا
تقبلنا المقرر علينا وجمعنا المزح والنكت .. حتى ميصير الي صار بزهراء وكرار )
STAI LEGGENDO
#في_الغرفه_التاسعه
Storie d'amoreقصه اجتماعيه حقيقيه لعائله عراقيه لااحب ان اختصر مضمونها واترك للقاريء معرفة المضمون
