#في_الغرفه_التاسعه٣٢
#الجزء_الثاني
زينب الموسوي
السلام عليكم
—————————————————-
# الترمز _والثلاجه
.....................................................،،،،........
نرجس
على الشط وكفنا ...
امتدت نظرتي بتمعن على الطبيعه بجمالها الطبيعي الرباني
مي صافي وصوره خلابه انتزعتني من اكوام قلقي واسرتني معالم المكان ...
لجانبي اكرم
بيده كاميرا الفديو ... يصور كل لقطه من طلعتنا للبيت ... تنهد تنهيده ممدوده
بعمق الشط وعبر بگلب ملچوم خلتني انظره بنظره ثاقبه
اختلط بيها الاستفهام والخوف من تنهيدته
لكنه بسرعه وجه كلامه ل ابني
الشايلته على متني ( نفس وگفتج هاي .. چانت امي توگف ودموعها تصب چنت احسها تكره هالمكان وتتمنى ترجع لبيت ابوها لذلك ماحاولت تتعايش ويه اهلنا وعمامنا )
جاوبت حزنه بتبرير غفل عنه
( التعايش مو كلمه سهله خاصه اذا كانت الظروف قاسيه وتصعب التعايش والناس طباعها اصعب غزاله مثلا اني خمس دقايق ماتحملت اسلوبها ولايمكن اتعايش وياها )
تمشينا والكاميرا تسجل
والكلام بينا مستمر
( تحاشي غزاله ... هي لسانها متبري منها وقاسيه وصعب بهذا العمر تتواجهين وياها
فاسكتي مثل مااچناينها ساكتات )
سلط الكاميرا عليه الشي الخلاني اسكت وابتسم
وامتدت ايد ابني للكاميرا
يحاول ياخذها ..
المسافه التبقت من بيتنا لبيت ابن عمه مسلم
اكتفى بيها من التصوير وانشغل برد السلام على الناس الماره ..
بعتبة الباب نادى ( ابو عمار ... )
وهالنداء عرفته بديل عن دگة الباب ...
جاوبه بثانيه ( حياكم الله تفضلوو)
نفتحت الباب ... وانجلت عن وجود رجال اتصورته بعمر اكرم ... لابس دشداشه سوده
وعلى السجاده گاعده ابشيره
وگامت تلگتني
(هلا بيكم اجيتوا واحييتوا .. )
اخذتني لساحه تفصل بين الغرف ... رفعت عيني للسگف وميزت جذوع النخل المتكون منها ونايلون يغطيها .. جعل المكان بارد .. لكنه مرتب ومفروش بساطات ومخاديد طوليه خضره
كعدت قبلي وضحكت عارضه رجليها ... وانتبهت نازعه الجواريب ... وهي تمزح. باسلوب يغث
( فلاش الفلشچ كون .. اشسويتي بيه ... افطوري تتجارى دم .. والفراشات انعدمت هاي عود دراستچ بامريكا .. لاعمي مااريدها )
لزمت نفسي وطولة بالي عليها (
( براحتچ ..، اذا معاچبج ظلي بفطورچ )
خليت يوسف بالكاع ...
مديت راسي لغرفه ظلمه على اثر صوت سهيله
( ام جنه خيه تعاي للمطبخ ادفالچ )
YOU ARE READING
#في_الغرفه_التاسعه
Romanceقصه اجتماعيه حقيقيه لعائله عراقيه لااحب ان اختصر مضمونها واترك للقاريء معرفة المضمون
