#في_الغرفه_التاسعه

في الغرفه التاسعه ٥٠

#في_الغرفه_التاسعه٥٠
#رينب_الموسوي

السلام عليكم

♥️♥️♥️♥️♥️♥️♥️♥️♥️♥️

#شريك_الطفوله

————————
فاطمه
وگعت دموعي بغزاره ...ومسحتها بايدي

ملتفه بعبايتي صوب زجاج السياره ...

ابعث حسراتي بصمت ..على كل مااتمنيت من احلام مشروعه لاي بنت

.. الفارس الخيالي ... والفستان الابيض الاسطوريه
والصديقات والاهل والاقارب
يودعوني بابتسامه

ماحسبت ان يكون زواجي بداية لفصل جديد من الذله والمهانه

مثل فار مذعور گاعده على ابعد طرف بالسياره ... وهمي يتعالى ويوصل للغيوم الملتمه
واراقبها من الشباك
تحاشيت النظر لجهة ضرغام ..
فهو يتحسر وكانه اسد وگع في مأزق المصيده وكل مايريده هو تنفيذ الوصيه بحذافيرها ...
اتسللت ايده لمجموعة كاسيتات .. وخلى كاسيت بمسجل السياره عزف عود حزين ..رافقه حسرات ضرغام
واسترسل المطرب ينشد اغنيه بلحن يإس
حفظت مقدمتها بعد ماكررها المطرب عدة مرات

( يكولون يگولون غني بفرح وانه الهموم اغناي ..)

واندار وجه عليه للتنفيس عن مازقه باستهداف كرامتي ... استمعت لصوته يطلع بحنجره صلبه جعلت الكلمات ثگيله

( تسمح النا العلويه نسمع اغاني .. لان حسب علمي ان امهاتنا خططت لهذا اليوم على اساس يوم عرس )

التفتت بطء ... واجهت انبعاث سخطه بعيون جحضت من مكانها .. واستمر في القاء كلمات بدات حروفها مهروسه تحت اسنانه
( اليوم نخلص من هالكابوس
وينتهي تحملي لذنب مالي ايد بيه .. ) بعمق تحسر وذكر امه
( الله يرحمج يوم .. الغلطه الوحيده الغلطتيها بحقي من حلفتي .. )
ابعدت عيني ومنعت نزول دموعي
تاركه اله الفضفضه عن نزاع يجري داخله ونتائجه الكلمات
المهينه
( اتمنى امي موجوده وتجي تشوفج وانتي طالعه بيوم عرسنا بحجاب اسود وترفضين ايدي تلزم ايدج .. حضرتج متصوره تقهرني بهذا التصرف ..
متدرين اني داسوي فضل عليج وعلى اهلج .. اخ لو يدرون بمصيبتج وان الحاحي على اخذج حتى استرج مجان حطوا عليه هالشروط عبالك ماخذ الاميره ديانا اني )

تعدل بگعدته .. وتمسكت بسكوتي وجمودي .. وماهي الا ثواني حتى اندلعت عاصفة غضب شديده خيل لي اوشك على استخراج روحه من جوفه مو فقط كلمات ... وهو يسالني

( ليش ملبستي بدله )؟

قبل جوابي جاوب نفسه بنفس بانهيار دفعه ينصي صوت المسجل ويبقى فقط صوته هو

( هااا نسيت حزينه.. مو على رباب
حزينه اخذتي ضرغام العامي
الميخلص الليل ساجد راكع ..
فخلي اگولج شي اني حزين اكثر منج ... وراح اتحمل هالاسبوع على اعصابي لحد موعد سفري ورجعج للساده وهيج نفذت وصية امي ونقذتج من العار )